PDF/HTML Page 22 of 1906
single page version
mumukṣhuḥ- kyā unakī marmagna dr̥uṣhṭi hai! mūlako pakaḍe, ḍige nahīn, lākh koshiṣh karo, himmatabhāīkī us bātamen.. sabhī shāstrakā gujarātīkaraṇ, harigīt ghar-gharamen gāte ho, paḍhate ho.. kundakundāchāryakā upakār to mānate hī hain, usamen shaṅkā nahīn hai. amr̥utachandrāchāryakā (upakār mānate hain), lekin gujarātīmen to himmatabhāīne hī sab kiyā hai. adabhut!
samādhānaḥ- gurudevane spaṣhṭa kiyā hai.
mumukṣhuḥ- vah to spaṣhṭa kiyā hai, gurudevane to spaṣhṭa kiyā hī hai, lekin ye to usase bhī visheṣh āpakī vāṇīko bhī visheṣh spaṣhṭa kī hai, parantu inhonne jo kiyā hai vah alag hī hai. bhale hī unhoenne gurudevakī vāṇīko hī usamen utārī hai, lekin vāṇīko utāranā vah āsān kām nahīn hai, āsān kām nahīn hai.
mumukṣhuḥ- āpako paṇḍitajīkā pakṣhapāt hai. mumukṣhuḥ- dev-guru-shāstrakā pakṣhapāt hai aur satyakā bhī pakṣhapāt hai, aisā yadi kahanā ho to main sampūrṇarūpase svīkār karatā hū̃n. galat prashansā karanemen kabhī kisīkā mānā nahīn hai, parantu vah adabhut hai.
samādhānaḥ- vichār karate the. unako pahalese hī vichār (chalate the). sabako samajhānekā (bhāv) pahalese hī hai. chhoṭe the tabase hai.
mumukṣhuḥ- samajhan to hai hī, parantu usase bhī visheṣh mīṭhās hai. koī yadi nahīn samajhe to kuchh nahīn, unheen kuchh nahī̃n.
samādhānaḥ- gurudevake pratāpase yah sab yahān̐ hai. gurudevakā pratāpa. jo mahāpuruṣh hote hain unake pīchhe sab hotā hai. ve mahāpuruṣh hī aise hue isaliye sab khīn̐chakar yahān̐ āye. jo bhī yahān̐ āte hain, sab aisī pātratāvāle (āte hain), gurudevakā tīrthaṅkar dravya thā isaliye unake pīchhe aisī shaktivāle sab āte haĩn. vah sab gurudevake charaṇamen hī (arpit) hai, hamane kuchh nahīn kiyā hai.
mumukṣhuḥ- aisā kahā jātā hai, gaṇadhar gūnthe... divyadhvani khiratī hī rahatī hai. mumukṣhuḥ- pūjya gurudevashrīke pravachanakā pustak hai, isamen likhā hai ki sādhakakā gnān ho, gnānakā svabhāv hī aisā hai ki usamen rāg samātā nahī̃n. vah to rāgase
PDF/HTML Page 23 of 1906
single page version
bhinna sadā gnāyak hī hai. isamen kahā ki kevalagnān aur sādhakakā gnān donoṅko ek kahā. kevalagnān ho yā sādhakakā gnān ho, to kis apekṣhāse us gnānako ek kahā hai?
samādhānaḥ- gnān to samyak kī apekṣhāse kahā hai. parantu kevalagnānī to lokālokako jānanevāle haĩn. unhen to pūrṇa gnān pragaṭ ho gayā hai. inhen pūrṇa gnān nahīn pragaṭ huā hai. kevalagnānīko to vītarāgadashā ho gayī hai. unhen rāgakā to kṣhay ho gayā hai. dravyadr̥uṣhṭipūrvak unhen to chāritradashā hokar kevalagnān pragaṭ huā hai. sva-parako jānanevālā aisā gnān pragaṭ huā hai. svayaṅko svayaṅke svabhāvamen rahakar sahaj svabhāvase sab jānate haĩn. lekin kevalagnānīkā gnān aur samyagdr̥uṣhṭikā gnān, samyakatākī apekṣhāse (ek) kahā hai. yah jo samyak hai vah gnāyakakī apekṣhāse. kevalagnānīkā gnān gnāyakako jānanevālā hai aur samyagdr̥uṣhṭikā gnān bhī gnāyakako jānatā hai. us apekṣhāse hai. bākī sarva apekṣhāse nahīn hai.
kevalagnānīkā gnān to pratyakṣha hai, samyagdr̥uṣhṭikā gnān pratyakṣha nahīn hai. vah to svarūpapratyakṣha hai. sarva pratyakṣha nahīn hai, samyagdr̥uṣhṭikā gnān sarvapratyakṣha nahīn hai. ek gnāyakako jānanevālā hai. gnāyakakī apekṣhāse ek kahā hai. samyakakī apekṣhāse ek kahā hai. sarva pratyakṣhakī apekṣhāse ek nahīn hai. apekṣhā alag hai. donon apekṣhā samajhanī.
inakā dravya aur unakā dravya samān hai. samyagdr̥uṣhṭiko jo gnān pragaṭ huā, vah gnāyakako jānanevālā gnān hai aur samyak hai, us apekṣhaāse kahā hai. aise to siddha bhagavānakā anubhav aur samyagdr̥uṣhṭikā anubhav ek jātikā hai, siddhakī jātikā (hai). vah to ek jātikī apekṣhāse (kahā). ye to ansh hai. kevalagnānīko to sarvānshase pragaṭ huā hai. ansh apekṣhāse (hai). yah gnān bhī gnāyakatāko jānatā hai aur samyak hai, isaliye. bākī sarva apekṣhāse nahīn hai. kevalagnānīkā gnān to pratyakṣha hai aur yah parokṣha hai. usakā anubhav-svānubhūtikī apekṣhāse, samyakakī apekṣhāse, gnāyakakī apekṣhāse kahā hai.
mumukṣhuḥ- samyagdarshan, gnān, chāritrarūp vītarāgī dashā pragaṭ hotī hai, use bhī kṣhaṇik shuddha upādān kahanemen ātā hai. yahān̐ trikālī dravyako shuddha upādān lenā hai. kṣhaṇik shuddha upādān jo liyā vah samyagdarshanakī paryāy lī.
samādhānaḥ- usamen tīnon liyā na. samyagdarshan, gnān, chāritra tīnon liye hain na usamen to. kṣhaṇik yānī vah to paryāy apekṣhāse liyā hai.
mumukṣhuḥ- kṣhaṇik shuddha upādānase kathañchit sahit hū̃n.
samādhānaḥ- kathañchit..?
PDF/HTML Page 24 of 1906
single page version
mumukṣhuḥ- sahit hūn̐, aisā āye. kṣhaṇik ashuddha upādānase kathañchit sahit hūn̐, aisā lenese kyā doṣh ātā hai?
samādhānaḥ- kyā hai usamen? kathañchit shuddha hūn̐? dravyadr̥uṣhṭise kyā liyā hai?
mumukṣhuḥ- yahān̐ trikālī dravyako shuddha upādān liyā hai. ab, jo trikālī shuddha upādān hai vah kṣhaṇik shuddha upādānase kathañchit sahit hai. dravya, paryāy sahit hai, aisā āyā.
samādhānaḥ- kathañchit ashuddha hai aisā bhī kahanemen ātā hai. usamen doṣh nahīn hai. kathañchit koī apekṣhāse ashuddha paryāyavālā jīvako kahanemen ātā hai aur shuddha paryāyavālā bhī kahanemen ātā hai. shuddha paryāy jo darshan, gnān, chāritrakī ratnatray paryāy pragaṭ hotī hai vah paryāy hai, isaliye use kathañchit dravyase abhinna kahanemen ātī hai. lekin vah paryāy hai isaliye. paryāy, dravyakā hī svarūp hai. lekin dravya aur paryāyakā bhinna svarūp batāte hain, isaliye use kathiñchat kahā hai. kathañchit ashuddha bhī kahanemen ātā hai. usamen doṣh nahīn ātā. vah apekṣhā hai.
anādikālase jīv rāg-dveṣh karatā hai, use kathañchit kahanemen ātā hai-kathiñchat dravya abhinna kahanemen ātā hai. abhinna shabda hai na?
mumukṣhuḥ- kṣhaṇik upādāna.
samādhānaḥ- hān̐, kṣhaṇik upādān kahanemen ātā hai. kathañchit ashuddha upādān kahanemen ātā hai, use ashuddha upādān kahanemen ātā hai.
mumukṣhuḥ- phir usamen āge ātā hai ki shuddha upādān to trikāl hai, lekin usake lakṣhyase jo vartamān dashā pragaṭ hotī hai, vah bhī kartā-bhoktāpanese shūnya hai. jo trikālako pakaḍe aisī jo ānandakī dashā, us rūp pariṇat jīv, vah bhī shubhā- shubharāgakā, parapadārthake kartr̥utva-bhoktr̥utvase shūnya hai. to paryāyakā kartā to paryāy hai, aisā ātā hai. paryāyamen kriyā hotī hai. yahān̐ to paryāyakā bhī akartr̥utva-abhoktr̥utva kisaprakār kahā hai?
samādhānaḥ- paryāyakā akartr̥utva-abhoktr̥utva dravyakī apekṣhāse akartā-abhoktā hai. paryāy paryāyamen to kartā-bhoktā hai, paryāy apekṣhāse. dravya, paryāyakā akartā-abhoktā dravyadr̥uṣhṭi apekṣhāse kahanemen ātā hai. lekin dravya aur paryāyako kathañchit abhedarūp kaho to use kartā-bhoktā kahanemen ātā hai. us apekṣhāse hai. dravyadr̥uṣhṭikī apekṣhāse akartā- abhoktā kahā hai. paryāyadr̥uṣhṭise use kartā-bhoktā kahanemen ātā hai aur dravyadr̥uṣhṭise use akartā-abhoktā kahanemen ātā hai. paryāyadr̥uṣhṭise use kahanemen ātā hai. dravyadr̥uṣhṭikī apekṣhāse bāt hai.
PDF/HTML Page 25 of 1906
single page version
mumukṣhuḥ- dravyadr̥uṣhṭikī apekṣhāse paryāyamen bhī akartr̥utva kahā hai.
samādhānaḥ- paryāyakā jīv akartā dravyadr̥uṣhṭise kahā jātā hai. paryāyakā akartr̥utva nahīn arthāt paryāy hai hī nahīn, aisā nahī̃n. paryāyakā jīv akartā aur abhoktā (hai), vah dravyadr̥uṣhṭise paryāyakā akartā (hai). paryāyakā kartr̥utva hai, paryāy to hai, paryāy nahīn hai aisā nahī̃n. dravyadr̥uṣhṭise nahīn hai aisā kahanemen ātā hai. dravyakī apekṣhāse. paryāyakī apekṣhāse to kartr̥utva-bhoktr̥utva hai. dravyadr̥uṣhṭise akartā-abhoktā. dravya aur paryāyako abhed karo to paryāyakā kartā-bhoktā dravya hai. paryāy nirādhār laṭakatī hai aur dravya nirādhār laṭakatā hai, aisā nahīn hai. paryāy dravyake ādhār binā nirādhār hotī hai aur dravya kahīn dūsarī jagah rah jātā hai, aisā nahīn hai.
ām hai, to āmakā ras alag rah jātā hai, rasakī paryāy aur āmakā raṅg dūr rahatā hai, aur ām bhinna rahatā hai, aisā nahīn hai. āmakā ras, rūp sab milākar ām hai. lekin usake lakṣhaṇ bhinna-bhinna karo ki ras aisā hai-khaṭṭā-mīṭhā ras, harā- pīlā ām, isaprakār usake raṅgako lakṣhaṇabhedase bhinna karo to use bhinna kah sakate haiain aur āmakā pūrā piṇḍa lo, isaprakār bhinna hai. ām, rasakā kartā nahīn hai, rasakā kartā ras hai, ām bhinna hai. aisā apekṣhāse kah sakate haĩn. use abhed karake kaho to ām hī rasarūp hai, ām hī gandharūp hai, ām hī raṅgarūp hai, ām hī hai.
isaprakār dravya-paryāyako abhed karake kaho to dravya hī svayam ashuddha paryāyarūp pariṇamatā hai, dravya svayam ashuddha paryāyakā kartā hai, dravyadr̥uṣhṭise usakā kartā nahīn hai. use abhed karake kaho to use aisā bhī kah sakate hain aur dravyadr̥uṣhṭise kaho to usakā vah kartā (nahīn hai).
dravyadr̥uṣhṭise āmako aisā kaho ki rasako ras kare, raṅgako raṅg karatā hai. lekin vah sab bhinna-bhinna jagah laṭakate hain aisā nahīn hai. vah to apekṣhāse kahanemen ātā hai. ras bhī āmamen hai, raṅg bhī āmamen hai, gandha bhī āmamen hai.
isaprakār gnānaguṇakī paryāy bhī dravyamen hai, ānandakī paryāy bhī dravyamen hai, sab dravyamen hai. usase bhinna laṭakate ho to dravyakā anubhav kaise ho? ānandakā anubhav kise ho? gnānako jānanekā anubhav kise ho? dravya aur paryāy us apekṣhāse ek hai. use kṣhaṇik aur trikālakī apekṣhāse bhinna kahanemen ātā hai. paryāy palaṭatī rahatī hai aur dravya shāshvat hai, us apekṣhāse. bākī us dravyakī hī vah paryāy hai aur us dravyakā hī vah guṇ hai. lekin dravya apekṣhāse use bhinna karake kahanemen ātā hai. paryāy aur dravyako abhed karake kaho to dravya us rūp pariṇamatā hai. aisā kahanemen ātā hai.
PDF/HTML Page 26 of 1906
single page version
mūl dravyadr̥uṣhṭikī apekṣhāse bhinna karanemen ātā hai. usakā artha aisā nahīn hai ki vah paryāy kahīn aur hai aur dravya bhinna ho gayā. to anubhav kise hogā? siddhakā anubhav kise hogā? sab guṇ bhinna-bhinna ho gaye, paryāy bhinna ho gayī, phir dravya kahān̐ rah gayā? to dravya shūnya ho gayā. apekṣhā samajhanī chāhiye.
mumukṣhuḥ- bahut sundara.
samādhānaḥ- sab bhinna-bhinna karo to phir dravya kahān̐ rahatā hai? to anubhav kise hogā? ānandakā anubhava. rāg-dveṣhakā anubhav hotā hai. us rāgako jaḍ hī kahoge to rāg aur dveṣhakī kaluṣhitatā hotī hai vah mujhe nahīn hotī hai. nahīn hotī hai, dravya apekṣhāse. lekin usase bhinna paḍanā, ānanda pragaṭ karanā, vah vedan kise hogā? yadi sab bhinna-bhinna laṭakatā ho to.
mūl vastukā svabhāv samajhanā hai. pānīkī shītalatā samajhanī hai. lekin pānī malin huā hī nahīn hai to shuddha karanā rahegā hī nahī̃n. pānī malin huā hai, vah paryāy apekṣhāse. parantu mūl shītalatā ho to shītalatā ātī hai. pānī garma hotā hai, lekin vāstavik garma nahīn huā hai, usakī shītalatā chalī nahīn gayī, punaḥ shītal ho jātā hai. mūl svabhāvako pahachānanā. paryāyakī malinatā koī bhī apekṣhāse nahīn hai aisā nahīn hotā. koī apekṣhāse bhinna hai aur koī apekṣhāse abhinna hai. donon apekṣhā (samajhanī chāhiye).
jisakā jitanā vajan ho, paryāyakī apekṣhā paryāy jitanī, dravyakī apekṣhā dravya jitanī. dravya mūl svabhāv hai, paryāy pratikṣhaṇ badalatī hai. parantu dravyakī hī paryāy hotī hai, nirādhār nahīn laṭakatī.
mumukṣhuḥ- pūjya gurudevakī kr̥upāse aur āpake āshīrvādase tattva thoḍā samajhamen ātā hai, bār-bār gholanamen ātā hai, ... kahān̐ aṭakanā hotā hai?
samādhānaḥ- andar svayaṅke puruṣhārthakī kṣhati hai. andar jignāsā, andar utanī gaharāīse ātmākī or jhukanā, ātmākā lakṣhaṇ pahachānaneke liye. ātmā kyā hai, usakā svabhāv kyā hai, use pahachānaneke liye utanā prayatna jo andar chāhiye, utanā prayatna chalatā nahī̃n. prayatnakī kṣhati hai. svayaṅkī utanī jignāsā, andar ruchi honepar bhī abhī jo visheṣh dr̥uḍhatā andar honī chāhiye, ruchikī adhik dr̥uḍhatā, prayatna sabamen kṣhati rahatī hai, isīliye āge nahīn baḍh sakatā hai.
mumukṣhuḥ- vikalpamen barābar bhāsit hotā hai. ghaṇṭon tak baiṭhaneke bād bhī kahān̐ aṭakanā hotā hai?
samādhānaḥ- prayatnakī kṣhati hai. anādikī ekatvabuddhi hai, us ekatvabuddhikā anādise
PDF/HTML Page 27 of 1906
single page version
aisā abhyās ho rahā hai ki yah sharīr, ye vikalpa sabake sāth ekatvabuddhi (ho rahī hai). sthūlabuddhise sharīrase bhinnatā kare ki ye sharīr jaḍ hai, kuchh jānatā nahī̃n. lekin vikalpake sāth jo ekatvabuddhi ho rahī hai, usamen gnāyak bhinna hai, us gnāyakako grahaṇ karane hetu sūkṣhma hokar svayam gnāyakako bhinna kare to bhinnatā hotī hai.
utanā sūkṣhma nahīn hotā, utanā prayatna karatā nahīn, use utanī andaramen lagī nahīn, utanī laganī lage to hotā hai. usake binā kahīn chain nahīn paḍe, suhāye nahīn, andarase utanī laganī chāhiye. bhale bahut bār abhyās kare, ghaṇṭon tak baiṭhe, lekin andar gaharāīse use joprayatna chalanā chāhiye, vah prayatna chalatā nahī̃n. bār-bār vahīn khaḍā ho jātā hai. ekatvabuddhi honese main bhinna hūn̐, bhinna hūn̐, aisī bhāvanā kare, lakṣhaṇako pahachāne ki ye jānanevālā main hūn̐, isaprakār vikalpase nakkī kare, lekin us rūp pariṇati ho jānī chāhiye, us rūp jīvan ho jānā chāhiye, andarakī pariṇati aisī ho jānī chāhiye ki main to gnāyak hī hūn̐, pratikṣhaṇ main gnāyak hū̃n. baiṭhakar abhyās kare yānī pratikṣhaṇ main gnāyak hī hū̃n.
jaise vikalpakī jāl lagātār chalatī hai, vaise use pratikṣhaṇ aisā sahaj ho jānā chāhiye ki main to gnāyak hī hūn̐, isaprakārakā prayatna andar chalatā nahī̃n. jīvan us rūp ho jānā chāhiye arthāt aisā sahaj ho jānā chāhiye ki main gnāyak hū̃n. usakī utanī mahimā āye, utanā prayatna chale, us rūp jīvan ho jāye ki main to gnāyak hī hū̃n. sahajarūpase. vikalparūp chale vah alag hai, lekin main gnāyakarūp hī hūn̐, yah sharīr main nahīn hūn̐, main to gnāyak hū̃n. gnāyakakī or hī dr̥uṣhṭi rahe aur gnāyak hī use bhāsyamān ho, bākī sab mujhase bhinna hai. (rāg) paryāyamen hai, lekin vah mere svabhāvase bhinna hai. isaprakār jīvanamen aisī pariṇati utanī dr̥uḍh ho jānī chāhiye, jaise ekatvabuddhikī pariṇati (chalatī hai), usase bhī... yah to svayam hī hai, use sahaj ho jānā chāhiye, andar tadagat pariṇām (hone chāhiyi ki) gnāyak hī hū̃n. aisā nahīn hotā, aisā prayatna nahīn chalatā hai.
jāgate-sote, svapnamen, khāte-pīte, chalate-phirate har vakta main gnāyak hī hū̃n. aisī andar pariṇati dr̥uḍh honī chāhiye. aur aisā abhyās karate-karate jab use sahaj ho jāye, tab use yathārtha bhedagnān hokar andar vikalpa chhūṭakar nirvikalpa dashāmen āge baḍhe. tabatak jā nahīn sakatā. usake jīvanamen aisī ek pariṇati dr̥uḍh ho jāye. utanā pratītikā bal (āye), utanī pariṇati dr̥uḍh honī chāhiye, to hotā hai. aisā hue binā (nahīn hotā).
kitanoṅko ho to aisā antarmuhūrtamen aisā ho jātā hai aur nahīn ho to lambe samay
PDF/HTML Page 28 of 1906
single page version
paryant abhyās kare to bhī nahīn hotā, to usake prayatnakī kṣhati hai. usakā abhyās karatā rahe, usamen thakān nahīn lage, usake pīchhe lage, lambe samayase karate hain phir bhī kyon nahīn hotā hai? nahīn hotā hai, usakā kāraṇ svayaṅke prayatnake kṣhati hai.
gnāyak hūn̐, gnāyak hūn̐, usakī mahimā, usakī ruchi, gnāyakakā lakṣhaṇ bārambār pahachānakar lakṣhaṇ parase lakṣhya (pahachāne). guṇ aur guṇī donon abhed hai, gnāyakakā bārambār abhyās karatā rahe. gnāyakadev mahimāvant hai, gnāyakadevakī mahimā use chhūṭe nahī̃n. bārambār jīvanamen aisī pariṇati dr̥uḍh hove, jīvan us rūp ho jāye to pratikṣhaṇ use gnāyak hī lage, aisā abhyās dr̥uḍh ho to andarase pragaṭ hotā hai. prayatnakī kṣhati hai.
gurudev kahate the na? "nij nayananī āḷase nirakhyā nahi hari'. svayaṅke pramādake kāraṇ ālasake kāraṇa. prayatna kare to bhī use pramād rah jātā hai, to bhī kṣhati rah jātī hai. pratikṣhaṇ jo vikalpa sahaj ā jāte hain to usī kṣhaṇ main bhinna hūn̐, usaprakārakī pariṇatikā abhyās honā chāhiye, to hotā hai. aur to use vah dr̥uḍhatā hote-hote vikalpa chhūṭakar svānubhūti honekā prasaṅg bane. bārambār usakā abhyās, dr̥uḍhatā honī chāhiye. usamen thakanā nahīn, bārambār abhyās karatā rahe to svayam hī gnāyak hai, vah pragaṭ hue binā rahe nahī̃n. usakā abhyās karatā rahe, jabatak nahīn ho tabataka.
mumukṣhuḥ- kaī bār ābhāsamen aisā lagatā hai ki vastumen pakaḍame ā jāyegī. punaḥ chalī jātī hai.
samādhānaḥ- usake samīp jāye, bār-bār kare. use aisā lage ki ab pakaḍamen ā jāyegā, utanā jor āye, lekin vah ṭikatā nahīn, isaliye (chhūṭ jātā hai aisā lage). puruṣhārthakī gatimen pheraphār hotā rahatā hai. kabhī tīvra puruṣhārtha chale, kabhī manda paḍ jāye, kabhī madhyam ho jāye. puruṣhārthakī gatimen pheraphār honese aisā lage ki pakaḍamen ā jāyegā, phir manda paḍe, phir madhyam paḍe. lekin isīprakār usakā prayatna karate rahanese vah pakaḍamen āye binā rahatā nahī̃n. svayam hī, dūsarā nahīn hai.
mumukṣhuḥ- use chhoḍanā nahī̃n.
samādhānaḥ- hān̐, use chhoḍanā hī nahī̃n. kyon nahīn hotā? aisī ulajhanamen nahīn ānā, dhairya rakhanā. dhairya rakhanese pakaḍameen āye binā nahīn rahatā. usakī mahimā chhūṭe nahīn, usamen shuṣhkatā āye nahī̃n. usakī mahimā aur usamen hī ānanda, usamen hī sukh, sab sarvasva usamen hai. anādikālake jo janma-maraṇ hai aur ye vibhāvakā jo duḥkh hai, us vibhāvake duḥkhase chhūṭane hetu gnāyak sarvasva hai, us gnāyakamen hī sab ānanda aur sukh hai. bāhar kahīn nahīn hai. aisī pratīti, gnāyakadevakī mahimā, abhyās karanemen thakanā nahīn, shuṣhkatā āye nahīn, usakī mahimā chhūṭe nahīn to āge baḍhe binā rahe
PDF/HTML Page 29 of 1906
single page version
nahī̃n.
bāharase bhagavānake mandiramen jāye to bhagavānake dvār par jaise ṭahel lagātā hai, aise gnāyakake dvār par ṭahel mārate hī rahanā, thakanā nahī̃n. chāhe jitanā samay lage lekin use chhoḍanā nahī̃n.
mumukṣhuḥ- kālake sāmane nahīn dekhanā.
samādhānaḥ- kālake sāmane nahīn dekhanā. usakā abhyās karanese use pragaṭ hue binā rahe hī nahī̃n. svayam hī hai, usamen hī sab bharā hai. usakī pratītikā jor rakhakar prayatna karate hī rahanā, thakanā nahī̃n.