PDF/HTML Page 379 of 1906
single page version
samādhānaḥ- .. shānti ātmākā svabhāv hai aur ātmāmen hai. bāhar to kalpanāse sukh mānā hai. sukh, shānti bāhar to nahīn hai. jīv ananta kālase shubhabhāv kare, bāhya kriyāen̐ kare, bāhar dharma mānakar karatā hai, parantu andarakī ākulatā ṭālanī, vah to svayam andar samajhe to hotā hai. shubhabhāv kare, bhale bahut kare, bāharase bahut kare, upavās kare, sāmāyik kare, pratikramaṇ kare, mandir jāy, pūjā-bhakti sab kare, lekin andaramen shānti to ātmāko pahachāne to hotī hai. vah sab to shubhabhāv hote hain, un sabase puṇya-bandha hotā hai, devalok mile, parantu dev to ek gati hai. dev bhav ananta bār mile, manuṣhyabhav milā, sab milā, parantu vah sab bhav hai. bhavakā abhāv to ātmāko pahachāne to hotā hai.
vah sab shubhabhāv puṇyabhāv haĩn. usase ātmā to andar bhinna hī hai. bhinna ātmāko pahachāne to hotā hai. sharīr to jaḍ kuchh jānatā nahīn, andar jo vikalpa āye, shubhabhāv āye, ashubhabhāv āye, sab bhāv vikalpa haĩn. kisīse puṇya bandhe aur kisīse pāp bandhe. parantu usase bhinna jo ātmā jānanevālā hai, vah gnāyak ātmāko pahachāne to usamense shānti ātī hai. parantu use pahachānaneke liye, ātmā gnāyak hai usamen shānti hai, usamen ānanda hai, use pahachānaneke liye usakī ruchi, usakī jignāsā, usakā vichār karanā chāhiye. usakā vāñchan (karanā chāhiye). satya kyā hai, vah svayam vāñchan, vichār karake svayanse nakkī kare to hotā hai. parantu svayanse samajhe nahīn to satsaṅg kare, jahān̐ sachchā satsaṅg milatā ho, vahān̐ vah satya jānanekā prayatna kare ki satya kyā hai? shānti to andar ātmāmen hai, bāhar kahīn nahīn hai.
mumukṣhuḥ- vah samajh to ho gayī hai, utanā to samajhate haiain ki yah bāhya kriyā hai. antarakī bāt alag hai. ātmākā darshan honā chāhiye, vah barābar hai. parantu aisā satsaṅg milatā nahīn, aisī gnānagoṣhṭhī karaneke liye vichāroṅkā ādānapradān karen, vahān̐ aisā koī (milatā nahīn). main paḍhūn̐, āge nahīn baḍh pātī hūn̐, aṭak jātī hūn̐, aisī sab manakī paristhiti hai. isaliye andar udveg bahut hotā hai. karanā hai, satya vastu prāpta karanī hai, satya mārga par chaḍh jānā hai, utanī jignāsā hai. satya kyā hai aur asatya
PDF/HTML Page 380 of 1906
single page version
kyā hai, utanī samajhan huyī hai, paḍhate-paḍhate, prayatna karate-karate. parantu abhī vahān̐ jāun̐ to vahān̐ kuchh kamī lage, derāsaramen jāun̐ to vahān̐ kuchh kamī lage.
samādhānaḥ- jahān̐ satya milatā ho, vahān̐ satya jānanekā prayatna karanā. satya vastu jāne, svayam jāne to andar nakkī ho ki yahī satya hai. phir usī rāste par svayam prayatna kare, usakā vichār kare, usakī jignāsā (ādi) sab kare. parantu satya kyā hai yah nakkī karaneke liye satsaṅg, jahān̐ satya bāt milatī ho aise sthānamen jākarasatsaṅg kare to hotā hai.
mumukṣhuḥ- aise to bāhar jātī hī hū̃n. vavāṇiyā jātī hūn̐, vaḍavā jātī hū̃n. pustak rakhe haĩn. bhaktimen mujhe visheṣh ras hai. ānandaghanajīke pad, ādhyātmik pad artha sahit milān karũn. usakā pūrā milān karatī hū̃n.
samādhānaḥ- vah hai, lekin andar satya jyādā nahīn jāne, parantu thoḍā bhī mārga to use jānanā chāhiye. satya jāne binā āge nahīn baḍh sakatā. ek gām̐v jānā ho to kis gām̐vamen jānā hai, usakā rāstā jāne binā (kaise jāyegā)? bhale phir dhīre- dhīre chale, chalanemen der lage, parantu mārga to jānanā chāhiye na? ki is mārgase jānā hotā hai. sachche gnān binā, prayojanabhūt gnān binā, bhale bhakti, utsāh ādi sab āye, mahimā āye, dev-guru-shāstrakī mahimā āye, ātmākī mahimā āye, parantu satya kyā hai use jāne binā āge kaise jāyegā? sachchā gnān to (karanā chāhiye). gnān binā kaise jānā hogā? satsaṅg karanā chāhiye, jo satya jānatā ho use pūchhanā chāhiye. sachche shāstra, jahān̐ satsaṅg ho vahān̐ samajhanā chāhiye. samajhaneke liye prayatna karanā chāhiye. mātra akelī bhakti karatā rahe to bhī āge nahīn baḍh sakatā.
mumukṣhuḥ- kamī lagatī hai, isīliye yah khoj aur prayatna chālū rakhe haĩn. isamen kamī hai, kuchh kamī hai, kuchh kamī hai, abhī kuchh chāhiye.
samādhānaḥ- .. bolanekī jarūrat nahīn hai. apanī mānyatāmen pheraphār karanā hai. bāhar jānā chhoḍ denā aisā kuchh usamen ātā nahī̃n. apanī mānyatā badalanī hai. mānyatā badale to apaneāp sab pheraphār hotā hai. koī derāvāsī ho vah kahe, yah mandir ādi kyā? lekin tum satya samajho to apaneāp sab pheraphār hoṅge. gurudev sthānakavāsī sampradāyamen the. unhonne sab shāstra dekhe haĩn. derāvāsī, sthānakavāsī, usamense unhonne pheraphār karake, unako yah satya lagā to use grahaṇ kar liyā.
mumukṣhuḥ- aisā kah sakate hain kyā abhī jo dharmakāl pravartatā hai, aisā pīchhale do hajār varṣhamen nahīn pravartatā thā. kāraṇ ki kundakunda svāmīko pratyakṣha dekhanevāle āp akele hī do hājar varṣhamen yahān̐ ho. vahān̐ videhakṣhetramen...
PDF/HTML Page 381 of 1906
single page version
samādhānaḥ- yahān̐ dharmakāl nahīn pravartatā thā, aisā kaise kah sakate hain?
mumukṣhuḥ- vyāpakarūpase.
samādhānaḥ- kundakundāchārya yahān̐ virājate the tab dharmakāl to pravartatā hogā. nahīn pravartatā aisā kaise kah sakate hain? gurudevane to bahut prabhāvanā kī. lekin kundakundāchāryadev virājate hoṅge tab bhī prabhāvanā huī hogī.
mumukṣhuḥ- jaṅgalamen the na.
samādhānaḥ- vah apekṣhā alag hai. jaṅgalamen ho vah apekṣhā alag hai. aur abhī ham dūsarī apekṣhāse kahate haĩn. muni jaṅgalamen ho aur gām̐vamen āye tab ho. yahān̐ gurudev to sab mumukṣhuoṅke bīch, hajāron mumukṣhuoṅke bīch yahān̐ nirantar vāṇī barasāte the. 45- 45 sāl tak vāṇī barasatī rahī. mumukṣhuoṅke bīch rahakar jo lābh diyā, vah to koī apūrva hai. vah ek apekṣhā alag hai. bākī kundakundāchāryakā to yah shāsan kahalātā hai.
kitanī prāchīn pratimāen̐ dekhen to sabamen kundakunda āmnāy, kundakunda āmnāy aisā ātā hai. ve to mahā samartha āchārya ho gaye. us vakta kuchh alag huā hogā, is vakta kuchh alag hai. gurudev tīrthaṅkarakā dravya, yahān̐ gurudev padhāre vah mahābhāgyakī bāt hai. pahale jo kriyāmen the aur abhī sabako chaitanyakī ruchi aur chaitanyakā vichār karanā sīkhe, yahān̐ saurāṣhṭramen hī nahīn har jagah prabhāvanā huyī. kundakundāchārya virājate the vah alag thā. munirāj yahān̐se videhakṣhetramen gaye aur vahān̐se vāpas āye. sabako upadesh diyā, vah kāl us samayamen kuchh alag hī huā hogā. vah alag hogā. abhī yah alag hai.
mumukṣhuḥ- kundakundasvāmī kahīn likhakar nahīn gaye hain ki main videhakṣhetramen jākar (sunakar yah likh rahā hūn̐).
samādhānaḥ- unhonne svayam bhale hī nahīn likhā ho, parantu shāstrommen ātā hai, āchārya likhate hain, pañchāstikāyakī ṭīkāmen ātā hai, devasenāchārya ādi sab kahate haĩn. shāstramen lekh āte haĩn. shilālekhommen ātā hai.
mumukṣhuḥ- shilālekh parase kahe. āp to sākṣhāt dekhakar yahān̐ bāt karate ho.
samādhānaḥ- vah apekṣhā alag hai, yah apekṣhā alag hai. donon apekṣhāse samajhanā hai. donon apekṣhāse samajhanā. munirāj the, mahāsamartha āchārya the. us vakta sākṣhāt us dehamen jo videhakṣhetramen sīmandhar bhagavānake sākṣhāt darshan karake, vahān̐ vāṇī sunakar is bharatakṣhetramen padhāre, us samayakā māhol us vakta kaisā huā hogā? vah kuchh alag hī huā hogā.
PDF/HTML Page 382 of 1906
single page version
mumukṣhuḥ- ek apekṣhāse to gurudev aur āp, donon sākṣhāt vāṇī sunakar hī yahān̐ padhāre ho. ve pahale gaye aur vāpas āye. āp pahalī bār yahān̐ āye.
samādhānaḥ- āpako jo artha lenā ho vah lījiye.
mumukṣhuḥ- chaturtha kāl kahate hain, yahān̐ sonagaḍhamen chaturtha kāl vartatā hai.
samādhānaḥ- jise hit ho, jaisā artha lenā ho vaisā le sakate haĩn. bākī sab apekṣhāen̐ samajhanī hai.
mumukṣhuḥ- mātājī! āj gurudevakā parivartanakā divas hai.
samādhānaḥ- gurudev tīrthaṅkarakā dravya, tīrthaṅkar jaisā kārya kiyā. tīrthaṅkarakā dravya to ho, parantu yah to tīrthaṅkar jaisā gurudevane abhī kām kiyā. is bharatakṣhetramen vāṇī koī alag hī thī. unake jaisī vāṇī kisīkī nahīn thī. pūre sampradāyakā parivartan kiyā. vah koī alag bāt thī. vah koī āsān bāt nahīn thī. pūre sampradāyamen unake prati sabako mahimā thī. sampradāyamen logoṅkā samūh ikaṭhṭhā hotā thā, vah sab chhoḍakar ek or baiaiṭhakar svayanne parivartan kiyā. sampradāyamen khalabalī mach gayī, to bhī akelene andar puruṣhārtha karake, sab sahan karaneke liye taiyār the. samāchār patrommen sab jagah khalabalī mach gayī thī.
yahān̐ ekānta sthānamen koī āye, na āye, kisīkī paravāh nahīn kī. bhale thoḍe log āye, hajāroṅkī janasaṅkhyāmen baiṭhakar gurudev vyākhyān karate the. usake badale yahān̐ ekāntavāsamen ākar baiṭh gaye. parivartan kiyā, aisā logoṅko mālūm huā to sthānakavāsīmen khalabalī mach gayī. unako aisā thā, andar jo mānatā hūn̐ vah bāt aur bāharamen bhes alag hai. isaliye bhesakā bhī parivartan kar diyā. parantu gurudev par logoṅko itanī bhakti thī ki kānajīsvāmī jo kahate hain vah sab satya hai. aur vichārapūrvak hī sab karate haĩn. kānajīsvāmīke liye sthānakavāsī sampradāyamen aisā kahate the, unake jaise koī sādhu nahīn the, vahān̐ sthānakavāsī sampradāyamẽn. unhonne jo kiyā hogā vichār karake kiyā hogā. turant pratham paryuṣhaṇamen hī logoṅkā samūh āyā thā. sampradāyakā āgrah chhoḍakar bahut log āne lage.
mumukṣhuḥ- parivartanakā divas bhī mahāvīrasvāmīke janmajayantike din hī..
samādhānaḥ- terasake din hī gurudevane parivartan kiyā. yahān̐ chhoṭī pahāḍī hai na? yahān̐ sonagaḍhamen chhoṭī pahāḍī para. sṭār oph inḍiyā, kahalātī hai. usakā nām hī vahī thā. us baṅgalekā nām pahalese sṭār oph inḍiyā thā.
mumukṣhuḥ- hindustānakā tārā.
samādhānaḥ- hindustānakā tārā.
PDF/HTML Page 383 of 1906
single page version
mumukṣhuḥ- kudaratī kaisā mel hai! kundakundasvāmīke nāmakā artha bhī suvarṇa hī hotā hai na?
samādhānaḥ- hān̐, suvarṇa hotā hai.
mumukṣhuḥ- aur yah suvarṇapurī.
samādhānaḥ- yah suvarṇapurī. sampradāyake sāmane ṭakkar jhelakar sab pheraphār kiyā. satya mārga hai, parantu mātra kriyā nahīn, antaraṅgase unhonne to...
svānubhūtikā mārga, us mārgake sāth digambar mārga ātā hai. usamense dhīre-dhīre unakī prabhāvanā baḍhatī gayī. sab digambar is or muḍane lage. lekin mātra ek bhes dhāraṇ kiyā isaliye digambar aisā nahī̃n. unakā to antaramense bhāvasahit sab upadesh us prakārakā thā.
mumukṣhuḥ- bhāvasahit aur sab nyāyase samajhamen āye, yuktise samajhamen āye, is tarah sab (samajhāyā).
samādhānaḥ- nyāyase, yuktise sabako baiṭh jāy, vaise. chāron orase. ... sab ātā hai. kundakundāchāryake shāstra abhī tak chale.
mumukṣhuḥ- prabhāvanāmen āpakā jātismaraṇ bhī ek utanā hī prabal kāraṇ thā. unhen bhale ābhāsā hotā thā ki main tīrthaṅkar honevālā hū̃n. parantu pratyakṣharūpase jo khyāl ā gayā..
samādhānaḥ- āp sabako jo artha karanā ho vah karo, bākī to tīrthaṅkarakā dravya thā. tīrthaṅkar to tīrthaṅkar hī the. unhonne to is bharat kṣhetramen vāṇī barasāyī. aisī joradār unakī ātmasparshī vāṇī sabako asar kare, aisī. is kāraṇase sab ātmākī or muḍe. hajāron mumukṣhu ho gaye. vah to ek mahāpuruṣh ho unake pīchhe sab hotā hai. tīrthaṅkar bhagavān jagatamen sarvotkr̥uṣhṭa kahalāte haĩn. jagatamen sarvotkr̥uṣhṭa ho to tīrthaṅkaradev haĩn.
mumukṣhuḥ- shāstroṅkā gujarātī bhāṣhāmen (anuvād huā).
samādhānaḥ- vah to ek mahāpuruṣh ho, tīrthaṅkar dravya yahān̐ padhāre. tīrthaṅkar jaisā hī kām kiyā. unake pīchhe sab kuchh hotā hai. bhagavānakā samavasaraṇ ho, vahān̐ sabakuchh hotā hai. .. ek bhagavānakī hotī hai, bākī sab to unake pīchhe hote haĩn. sab unake dās haĩn. sabakuchh hotā hai, parantu samavasaraṇamen mahimā ek bhagavānakī hotī hai. usamen sab muni hote hain, gaṇadhar, r̥uddhidhārī ādi sab hote haĩn. indra, chakravartī ādi sab hote haĩn. mahimā ek bhagavānakī hotī hai. indra samavasaraṇ rachatā hai, tab kahatā hai, he bhagavān! yah rachanā ho gayī, vah āpake kāraṇ rachanā ho gayī hai. svayam hī rachakar svanyako hī āshcharya hotā hai. āpakā aisā koī puṇya hai, aisā sarvotkr̥uṣhṭa puṇya hai,
PDF/HTML Page 384 of 1906
single page version
is kāraṇase yah sab rachanā huyī hai.
mumukṣhuḥ- indra unake puṇya dekhakar āshcharyachakit hotā hai, usamen vāṇī bhī aisī hotī hai ki samajhanevāleko aisā lagatā hai ki aisā to hamen kabhī milā hī nahī̃n.
samādhānaḥ- bhagavānakī mudrā aisī, bhagavānakā samavasaraṇ aisā, bhagavānakī vāṇī aisī, sabakuchh aisā hī hotā hai. bhagavānakī divyadhvani aisī. yahān̐ gurudevakī vāṇī aisī. aisī vāṇī sunakar log tham̐bh jāte the. sab ṭagaraṭagar dekhate rahate the aur kyā kahate hain? kuchh alag hī kahate hain, is prakār sabake hr̥udayakā parivartan ho jātā thā. vāṇī to, vāṇīkī to kyā bāt karanī?
mumukṣhuḥ- gurudevake upadeshakā mukhya sūr, tū paramātmā hai vah yā parakā akartāpanā?
samādhānaḥ- tū paramātmā hai, vaha.
mumukṣhuḥ- vah mukhya sūr thā?
samādhānaḥ- mukhya. apanī asti grahaṇ karanī. tū gnāyak paramātmā hai. tū paramātmā hai, aisā grahaṇ kar to usamense paramātmapad pragaṭ hogā. usamen akartāpanā ā jātā hai. paramātmāko grahaṇ kare usamẽn. usamen sab samā jātā hai. asti grahaṇ kare usamen nāsti samā jātī hai. parapadārthakā kartā nahīn hai. tū svayam sarvotkr̥uṣhṭa paramātmā hai.
kaisā paramātmā? gnāyak paramātmā. jānanevālā paramātmā, kartā nahīn hai. paramātmākā svarūp vichāre to paramātmā kaisā paramātmā? gnāyak paramātmā anant shaktionse bharapūr anant mahimāvanta. gnāyak jānanevālā huā, usamen kartr̥utva chhūṭ gayā. jāne so kartā nahīn, kartā so jāne nahī̃n. "karai karam so hī karatārā, jo jāne so jānanahārā'. jānanevālā ho vah kuchh karatā nahīn, gnātā rahatā hai.
mumukṣhuḥ- usakā upāy, āpane samyak jayantike din kahā ki gnātākas ḍorī lekar usake sanmukh ho-svarūp sanmukh ho, vah usakā upāya.
samādhānaḥ- gnātākī ḍorī grahaṇ kar le. gnāyak hī hūn̐, aisā grahaṇ karake svasanmukh jāy to kartr̥utva chhūṭ jāya.
mumukṣhuḥ- mātājī! us din dekhā ki āpane uttar denese pahale to gurudevakā kitanā vinay, bahumān (karake) āge to gurudevako hī rakhā. gurudevakā sab upakār hai, guurudevane hī sab diyā hai, gurudevakā hī sab hai. usake bād āpane uttar diyā. āp jahān̐ bhī dekho, vahān̐ aisā lage ki har jagah āp pahale to gurudevako hī sthāpate ho.
samādhānaḥ- gurudevako hī sthāpanā hotā hai. dūsarā kyā sthāpan karanā? jinhonne mārga batāyā, paramātmākā svarūp batāyā, aise gurudevakī hī sthāpanā hotī hai.
mumukṣhuḥ- main to dāsānudās hū̃n. āp kaise shabda bolate the.
PDF/HTML Page 385 of 1906
single page version
samādhānaḥ- apanā kuchh bhī rakhanā ki main... vah ātmārthīkā lakṣhaṇ hī nahīn hai.
mumukṣhuḥ- adabhut vinay! baḍoṅko sar par rakhanekā jo āp vachanāmr̥utamen kahate ho vah āpake jīvanamen sākṣhāt ūtar gayā ho, aisā lagatā hai.
samādhānaḥ- jise muktike mārga par jānā hai, apanā svabhāv pragaṭ karanā hai, use dev-guru-shāstra sāthamen hī hote haĩn. svayam gnāyak paramātmā hai, lekin sādhak dashā hai. sādhak dashāvāleko bīchamen dev-guru-shāstra usake sāth (hote hain), unakī mahimā āye binā rahatī hī nahī̃n. nahīn to "main kuchh hūn̐' use bīchamen āye to usakī sādhak dashā hī nahīn rahatī hai.