Benshreeni Amrut Vani Part 2 Transcripts-Hindi (simplified iso15919 transliteration). Track: 92.

PDF/HTML Page 569 of 1906
single page version

samādhānaḥ- anādi kālase jīv vibhāvamen paḍā hai, vibhāvake sāth ekatvabuddhi hai. ātmā to gnātā hai. usamen kisī bhī prakārake krodh, mān, māyā, lobh koī kaṣhāy usamen nahīn hai. svayam andar us prakārakī pariṇati nahīn karatā hai aur kaṣhāyamen juḍ jātā hai, vah nukasānakā kāraṇ hotā hai.

jise ātmārthatā ho, ātmākā prayojan ho, use vah sab kaṣhāy, mān kaṣhāy gauṇ ho jātā hai. usase bhinna hokar bhedagnān kare to vah mānakaṣhāy gauṇ ho jātā hai. isaliye ātmārthakā prayojan, ek ātmā kaise prāpta ho, aisī yadi bhāvanā, jignāsā ho to us ātmārthake prayojanake āge vah sab kaṣhāyen gauṇ ho jātī hai. jo-jo rukate hain ve sab puruṣhārthakī mandatāse rukate haĩn. jise puruṣhārthakī ugratā ho, vah usamen rukate nahī̃n. jise kaṣhāyoṅkī koī visheṣhatā nahīn lagī hai, jise mānamen koī visheṣhatā nahīn lagī hai, baḍappan.... svasvarūp chaitanya svayam mahimāvant hī hai, āshcharyakārī tattva hai, mahimāse bharā hai. bāharase baḍappan lene jāy, vah usakī anādi kālakī bhūl hai aur bhrāntimen paḍā hai. isaliye jo kaṣhāyommen ekatvabuddhise aṭakā hai, use vah jor kar jātā hai. bākī jo apane svarūpako jāne, bhedagnān kare aur us prakārakī līnatā kare to use vah kaṣhāy chhūṭ jātā hai.

samyagdarshan honeke bād alpa asthiratāke kāraṇ kaṣhāyen hotī hain, parantu usamen vah kahīn rukatā nahī̃n. jo rukatā hai vah svayaṅkī puruṣhārthakī mandatāse rukatā hai. use koī rokatā nahīn hai. isaliye yadi prayojan ātmākā ho to use koī avarodh nahīn hai. jise ātmākā prayojan chhūṭ jāy aur baḍappanakā prayojan āye to vah usake aṭak jātā hai.

isaliye har jagah mānakī bāt ātī hai. mānako gauṇ karake svayam svayaṅke svarūpamen (jāye). merā svabhāv hī mahimāvant hai. bāharase baḍḍapan lene jātā hai, vah usakī bhūl hai. isaliye usamen nahīn juḍakar, ātmāmen ātmākā prayojan rakhe to vah kaṣhāy gauṇ ho jātā hai. jo jisamen rukatā hai vah puruṣhārthakī mandatāse rukatā hai, usamen dūsarā koī kāraṇ nahīn hotā.

PDF/HTML Page 570 of 1906
single page version

jīvako anādi kālase baḍḍapan ruchatā hai, main baḍā kaise hoūn̐? lekin andarase us prakārakā guṇ pragaṭ nahīn karatā hai aur mānamen rukatā hai, vah usake puruṣhārthakī mandatā aur bhrāntike kāraṇ rukatā hai. isaliye dev-guru-shāstrakī mahimā hr̥udayamen rakhakar shuddhātmākā dhyey rakhe to use koī kaṣhāyen rokatī nahī̃n. sabase nirasatā ā jāy aur ek chaitanyakī mahimā āye to sab kaṣhāyen use gauṇ ho jātī haĩn.

jo rukatā hai, vah puruṣhārthakī mandatāse rukatā hai. jo āge baḍhatā hai, vah puruṣhārthase āge baḍhatā hai. sabase bhinnatā karake, bhedagnān karake puruṣhārthase āge baḍhatā hai. ananta kālase baḍḍapan prāpta karanekā mithyā prayatna kiyā, parantu baḍḍapan milā nahī̃n. ātā hai, jagatako achchhā dikhānekā prayatna kiyā, parantu svayam achchhā nahīn hotā. main svayam kaise achchhā hoūn̐, mujhe merā svabhāv kaise pragaṭ ho, aisī bhāvanā andar ho. aur chaitanyatattva main mahimāvant hū̃n. bāharase mahimā, bāharase baḍḍapan nahīn lekarake, main hī svayam mahimākā bhaṇḍār hūn̐, aisī dr̥uṣhṭi karake, aisā prayojan rakhakar āge baḍhe to koī kaṣhāy use rokatā nahī̃n.

jo rukatā hai, vah puruṣhārthakī mandatāse rukatā hai. jo puruṣhārthakī tīvratā kare use nīrasatā ā jātī hai. ātmākā prayojan ho to koī nahīn rok sakatā. merā svabhāv bhagavān jaisā prabhu hū̃n. lekin paryāyamen main pāmar hū̃n. aisī bhāvanā rakhakar āge baḍhe to use koī rok nahīn sakatā. thoḍe-thoḍemen mainne kuchh kiyā, main baḍā hūn̐, aisī bhāvanā rahe to ātmākā prayojan usamen gauṇ ho jātā hai. ātmākā prayojan ho to use koī nahīn rokatā. dev-guru-shāstrakī mahimā rakhakar ātmākā prayojan sādhe, shuddhātmākā dhyey rakhe to use koī nahīn rok sakatā.

mānādik shatru mahā, nij chhande na marāyā,
jātā sadaguru sharaṇamān, alpa prayāse jāya.

mumukṣhuḥ- ... chakravartī rājapāṭ chhoḍ dete hain, vah sukh kaisā hogā?

samādhānaḥ- vah sukh to apūrva evan anupam hai. jisake āge jagatakī koī upamā nahīn hai. chakravartīkā rāj bhī usake āge tuchchha hai. chakravartīoṅko bhī tuchchhatā lagī isaliye sab chhoḍakar chal dete haĩn. aisā anupam tattva ātmā, jise koī upamā nahīn hai. vah pūrā tattva āshcharyakārī hai. ananta guṇonse bharapūr, jise jagatake kisī bhī prakārake sāth mel nahīn hai. jagatakā sukh to kalpit hai aur kalpanāse sukh mānā hai.

ātmākā sukh to koī anupam hai. usakī shraddhā kare aur vah āge baḍhe to vah svānubhūtimen gnāt ho aisā hai. bākī vah tattva anupam hai. chakravartī bhī use tuchchha

PDF/HTML Page 571 of 1906
single page version

jānakar tr̥uṇ samajhakar chal dete haĩn. ātmākī sādhanā karaneke liye, jo chaitanyatattva hai use pragaṭ karaneke liye, usakī sādhanā karake bārambār svarūpamen līnatā karate-karate kevalagnānako pragaṭ karate haĩn. vah sukh koī apūrva hai, anupam hai. ātmā āshcharyakārī hai, jise jagatakī koī upamā lāgū nahīn paḍatī.

mumukṣhuḥ- agnānatā ho tab ātmā kaise samajhamen āye?

samādhānaḥ- agnānatā ho to bhī samajhamen ātā hai. gurudevane mārga batāyā hai. dev-guru aur shāstrakī... dev-gurukī sharaṇamen ātmā samajhamen ātā hai. agnānatā ho to samajhamen nahīn āye aisā nahīn hai. antar jignāsā kare aur svayam samajhanekā prayatna kare aur guru kyā kahate hain usakā āshay samajhe to samajhamen āye aisā hai. svayam hī hai, koī anya nahīn hai. jo puruṣhārtha kare vah svayaṅko hī karanā hai. samajhamen āye aisā hai, nahīn samajhamen āye aisā nahīn hai.

gnānase bharā ātmā gnāyak hai. gnāyakamen kyā jānanemen na āye? sab jānanemen ātā hai, samajh sakatā hai. vibhāvako toḍakar, usase bhedagnān karake āge bhī baḍh sakatā hai. gurudevane aisā mārga batāyā aur vah samajhe binā kaise rahe? jisane mārga prāpta kiyā ve pahale agnānamen hī the, bādamen gnān prāpta kiyā hai. anādikā kisīko gnān nahīn hotā.

mumukṣhuḥ- jo bhagavān hue ve bhī hamārī jaisī agnānadashāmen the?

samādhānaḥ- sab svabhāvase bhagavān, parantu pariṇatimen to agnānatā thī. isaliye jo pragaṭ karate hain, sab puruṣhārthase hī karate haĩn.

mumukṣhuḥ- ham bhī bhagavān ho sakate hain?

samādhānaḥ- bhagavān ho sakate haĩn. svabhāvase bhagavān hī hai, kyon nahīn ho sakatā? puruṣhārtha kare to. bhagavānako pahachāne, bhagavānako dekhe, bhagavānakī mahimā kare, bhagavān- chaitanya bhagavānakā bārambār raṭan kare. chaitanya bhagavānakī bhakti kare to vah chaitanya bhagavān prasanna hue binā nahīn rahatā. svayam bhagavān ho sakatā hai.

mumukṣhuḥ- pahale bahut puṇya kar le, tapashcharyā kar le, bādamen bhagavān ban sakate hain na. bhagavān to bahut baḍe haĩn. apane to puṇya evan tapashcharyā karanī chāhiye na.

samādhānaḥ- puṇya aur tapashcharyā karanī, parantu binā samajhe āge kaise baḍhe? aisī hī binā samajhe chalā kare, bhāvanagar jānā hai, lekin bhāvanagar kis rāste āyā, us rāsteko jāne binā, binā samajhe hī is or dhoḷāke rāste par chalā jāy to bhāvanagar nahīn ā jātā. jāne binā mārga kaise kāṭe? yathārtha satya jāne binā, samajhe binā mātra akelī tapasyā karanese mārga prāpta nahīn hotā, ātmā samajhamen nahīn ātā.

PDF/HTML Page 572 of 1906
single page version

jo samajhamen ātā hai vah gnānase samajhamen ātā hai. ātmāko jignāsāpūrvak gnānase samajhā jātā hai. phir use kaṣhāyoṅkī mandatā ho, ashubhabhāvase bachaneko shubhabhāv āye, usakī yathāshakti tap ādi ho, parantu vah tap, sachchā tap to ātmāko pahachāne tab hotā hai. ātmāko pahachāne binā sachchā tap nahīn ho sakatā.

jise ātmākī ruchi lage, use kaṣhāyoṅkī mandatā hotī hai. lekin vah tap kare to ātmā samajhamen āye aisā nahīn hotā. samajhe binā chalatā rahe pahachān kiye binā ki ātmā kaun hai? vah kyā vastu hai? usakā svabhāv kyā hai? yah vibhāv kyon anādikā hai? usase kaise chhūṭā jāy? yah sab gnān kiye binā āge nahīn baḍh sakatā.

mumukṣhuḥ- ..

samādhānaḥ- gurudevane mahān upakār kiyā hai. gurudevane to chāron orase vastukā svarūp samajhāyā hai. kisīko shaṅkā rahe aisā nahīn hai. duḥkh to bāharase duḥkh mān liyā hai. antarakā duḥkh hai, andar pariṇatimen vibhāv pariṇatikā duḥkh hai. aisī antarakī dr̥uṣhṭi gurudevane batāyī hai.

satya to guru binā gnān nahīn ho sakatā. nimitta-upādānakā sambandha hai. anādise samyagdarshan prāpta nahīn karatā hai. jab bhī vah prāpta karatā hai tab dev athavā gurukī vāṇī mile tab usakā upādān taiyār hotā hai. puruṣhārtha svayaṅkā hai, lekin aisā nimitta- upādānakā sambandha hai. anādise samajhā nahīn, gurukī vāṇīse samajhamen ātā hai. puruṣhārtha kare, svayam puruṣhārtha kare to āge jātā hai.

mumukṣhuḥ- ... he bhagavatī mātājī! ājake maṅgal din āpake maṅgal vachanoṅkā ham sabako lābh mile, is hetuse āpako namra bhāvase ek prashna āpake samakṣha prastut karate hain, usakī spaṣhṭatā karanekī kr̥upā kījiye.

ātmā paramānanda svarūp hai, siddha svarūp hai, aisā pūjya kr̥upālu gurudev pharamāte the aur shāstramen bhī āchāyāne bhagavānakī vāṇī anusār aisā ātmākā svarūp batāyā hai. to ātmākā siddha svarūp aur paramātma svarūp kaise samajhamen āye aur usakī prāpti kaise ho, yah mātājī! āpake maṅgal vachanon dvārā samajhānekī ham par kr̥upā kījiyejī.

samādhānaḥ- ātmākā paramātma svarūp hai. gurudevane to bahut spaṣhṭa karake samajhāyā hai. yah ātmā kaisā hai? ātmā siddha svarūp hai. gurudevane spaṣhṭa karake samajhāyā hai, sabako jāgr̥ut kiyā hai aur svayam puuruṣhārtha kare to ho sake aisā hai. gurudevane samajhāyā hai, main to unakā dās hū̃n. unake pās sab (samajhā hai).

gurudevane kahā hai, ātmā paramātma svarūp hai, siddha bhagavān jaisā hai. prabhutva shaktivālā hai. vah ātmā svayam samajhe to ho sake aisā hai. jaise guṇ siddha bhagavānamen hain, vaise

PDF/HTML Page 573 of 1906
single page version

hī guṇ ātmāmen haĩn. siddha bhagavānamen kevalagnān, kevaladarshan, chāritra ādi hai. aise guṇ shaktirūp pratyek ātmāmen hai. usamen sahaj gnān, darshan, chāritra, kevalagnān shaktirūp hai. kevaladarshan shaktirūp, chāritra shaktirūp, ānanda shaktirūp sab guṇ shaktise bharapūr bhare haĩn. usamense ek bhī kam nahīn huā hai.

ananta kāl gayā, ananta bhav hue, nigodamen gayā aur chāron gatimen bhaṭakā to bhī ātmā to vaisākā vaisā siddhasvarūp hī hai, dravyadr̥uṣhṭise. parantu vah pahachānatā nahīn hai. dr̥uṣhṭi bāhar hai isaliye ātmāko pahachānatā nahīn hai. use bhrānti ho gayī hai. ātmāko pahachāne to ho sake aisā hai. ātmā siddha bhagavān jaisā hai.

main ek, shuddha, sadā arūpī, gnānadr̥ug hūn̐ yathārthase,
kuchh anya vo merā tanik paramāṇumātra nahīn are! 38.

main ek shuddha svarūpī ātmā hū̃n. chāhe jitane bhav kiye to bhī ātmā ekarūp rahā hai. anek prakārake vibhāv hue to bhī shuddhatāse bharā shuddhātmā dravya vastu hai. vibhāvakā bhī andar pravesh nahīn huā hai. koī bhavasvarūp bhī ātmā nahīn hai. anek svarūp bhī ātmā nahīn huā hai. aisā ātmā shuddha svarūpī ekarūp ātmā, aisā ātmā koī varṇa, gandha, ras, sparsha rūp nahīn huā hai. ātmā arūpī hai, usamen koī varṇa, gandha, ras ādi nahīn hai. aisā ātmā arūpī ātmā hai. gnān, darshanase bharapūr bharā hai aur koī adbhut vastu hai.

koī anya paramāṇu mātra bhī ātmākā svarūp nahīn hai. ātmā apanī pratāp sampadāse bharā hai. usamen usakī pratāp sampadā ananta-ananta bharī hai, lekin vah use pahachānatā nahīn hai. use pahachāne, us par dr̥uṣhṭi kare, usakā vichār kare, usakī jignāsā kare ki yah vibhāv hai vah main nahīn hūn̐, lekin yah gnānasvarūp gnāyak so main hū̃n. gnān, asādhāraṇ lakṣhaṇ usakā gnān hai, us gnān dvārā pahachānamen aisā hai. parantu ananta guṇonse bharā atyant mahimāvant atyant vibhūtase bharā ātmā hai. usakā gnān, usake lakṣhaṇ dvārā pahachānamen ātā hai.

vibhāvakā svād ākulatārūp hai aur ātmākā svād shānti, ānanda rūp hai. usakā svādabhed hai, usakā lakṣhaṇabhed hai. usakā bhedagnān karake pahachāne. ananta kālase ekatvabuddhi ho rahī hai. usakā bārambār abhyās karake main bhinna chaitanya siddha bhagavān jaisā ātmā hū̃n. bārambār abhyās kare to pahachānamen āye.

jo gurune kahā, jinendra, guru, shāstramen ātā hai, use vah svayam vichār karake nakkī kare. gurune, jo vachan gurudevane kahe, un vachanoṅko pramāṇ karake svayam vichār karake antaramen nirṇay kare. dev-guru-shāstrakī bhakti aur antaramen gnāyakadevakī bhakti, gnāyakakī

PDF/HTML Page 574 of 1906
single page version

shraddhā, gnāyakakā gnān aur vibhāvase bhinna hokar gnāyakakī mahimā kare. jabatak vah na ho, tabatak bāharamen dev-guru-shāstra, usake nimitta.. vah usake mahānimitta haĩn. prabal nimitta hain, parantu svayam puruṣhārtha kare to hotā hai. antaramen svayam gnāyakakī shraddhā kare, usakā gnān kare, usakī mahimā kare aur vibhāvase bhinna hokar, nyārā hokar pahachāne to pahachān sake aisā hai.

yah sab ākulatā lakṣhaṇ hai vah main nahīn hūn̐, main to anākul lakṣhaṇ gnāyak hū̃n. usakā bhedagnān karake antarase bhinna paḍe to vah pahachānā jāy aisā hai. bhedagnān karake gnātādhārākī ugratā kare, kṣhaṇ-kṣhaṇamen main gnāyak hūn̐, yah main nahīn hūn̐, aise antaramense bhinna paḍe to siddha bhagavān jaisī use svānubhūti hotī hai aur siddha bhagavān jaisā ansh use pragaṭ hotā hai. svānubhūtikī dashā koī adbhut hai.

vah gr̥uhasthāshramamen ho to bhī kar sakatā hai. phir vah āge baḍhe to munidashā ātī hai. vikalpajāl kṣhaṇamātra nahīn ṭikatī. vikalpa chhūṭakar shānta chitta hokar amr̥utako pīve aisī apūrva svānubhūti hotī hai. lekin vah svayam puruṣhārtha kare to hotā hai, svayam kare to hotā hai. svayaṅko lage to hotā hai, svayam laganī lagāye to hotā hai. bāharase nahīn ho sakatā hai, parantu antarase hī ho sakatā hai. usakā gnān, usakī pratīt dr̥uḍh kare. yah gnānasvabhāv hai vahī main hūn̐, aisā nakkī karake phir svayam āge baḍhe, usamen laganī lagāye, līnatā kare, usamen ekāgratā kare to vibhāvase bhinna hokar use koī apūrva ātmākī prāpti hotī hai. isake sivā koī upāy nahīn hai.

gurudevane yah batāyā hai, karanā yahī hai. jo mokṣha padhāre ve sab bhedavignānase hī gaye hain, jo nahīn gaye hain ve bhedavignānake abhāvase nahīn gaye haĩn. isaliye bhedavignān, dravya par dr̥uṣhṭi, usakā gnān aur līnatā, yah upāy hai, dūsarā koī upāy nahīn hai. parantu main siddha bhagavān jaisā hūn̐, aisā nakkī karake main koī apūrva ātmā hūn̐, aise gnāyak par dr̥uṣhṭi karake, pratīt karake dr̥uḍhatā kare to ho sake aisā hai, dūsarā koī upāy nahīn hai. gurudevane batāyā, sabako ek hī karanā hai. dhyey ek hī-ātmā kaise pahachānamen āye? usakī ekakī laganī lage to ho sake aisā hai, dūsarā koī upāy nahīn hai.

bolo, prashamamūrti bhagavatī mātano jay ho! bhagavatī mātanī amr̥ut maṅgal vāṇīno jay ho! gurudevanā param prabhāvano jay ho! samyak jayantī mahotsavano jay ho!!

 