Benshreeni Amrut Vani Part 2 Transcripts-Hindi (simplified iso15919 transliteration). Track: 12.

PDF/HTML Page 56 of 1906
single page version

ṭrek-012 (audio) (View topics)

usase puṇya bandhatā hai. svayanne usane utanā rāg chhoḍā, khānā-pīnā ... ātmākā svabhāv, yahī ātmākā svarūp hai. ātmā khātā-pītā nahī̃n. usane tyāg kiyā, ṭhīk hai, shubhabhāvase puṇya bandhatā hai. lekin ...

ek manuṣhyako kahīn jānā ho to kis rāstese jānā hai, us mārgako jānanā chāhiye. yahān̐se bhāvanagar jānā ho to us rāste par mārgako jānakar chale to vahān̐ pahun̐chatā hai. ulaṭe rāste par chale, dūsare rāste par jāye to dūsare gām̐v pahun̐chatā hai. mārga jāne. mārga jāne binā aisī hī dhūpamen tapta ho jāye to mārga hāth nahīn lagatā, mārgako jānanā chāhiye. jāne to āge baḍhe. use jānanā to chāhiye ki main kahān̐ jāūn̐? ātmā kyā hai? kyā svarūp hai? kyā mokṣha hai? sukh kahān̐ hai? duḥkh kyon hai? kis kāraṇase hai? usake kāraṇ khoje. ātmākā sukh kaise pragaṭ ho? vah jāne. jānakar andar nirasatā ā jāye. sansāramān use ras nahīn hotā. andarase ras ekadam chhūṭ jāye aur udāsīnatā ā jāye. udāsīnatā āye parantu vah jāne ke is rāste par jānese-ātmāko pahachānanese (āge baḍhā jāyegā). niras ho jāye, ātmāmen līn ho jāye. ātmāko pahachānakar andar līn ho, to mārga milatā hai. mātra bhāgatā rahe to vah shubhabhāv hai, puṇyabandha hotā hai.

mumukṣhuḥ- kisake dvārā yah sab prāpta ho sakatā hai?

samādhānaḥ- jo jānatā ho (unase). bhagavānane jo mārga darshāyā, bhagavānane kyā kahā hai use jāne aur āchārya kyā kahate hain, munione kyā kahā hai, guuru kyā kahate hain, unake dvārā mārga mile. parantu svayam taiyār ho to mārga mile. guruke mārga par chale. satsaṅgase samajhamen ātā hai. sākṣhāt guru mile, sākṣhāt āchārya, muni koī mile (to) unase mārga milatā hai. anādikā anajānā mārga samajhe binā svayam aise hī kare to aisā to usane anek bār kiyā hai. tyāg kiyā, sab kiyā, lekin puṇyabandha huā. usase dev huā, parantu bhavakā abhāv nahīn huā. puṇya bāndhe to devakā bhav mile, achchhe bhāv rakhe to devakā bhav mile. yadi bhāv achchhe nahīn ho, mātra āhār chhoḍakar bhāv yadi barābar nahīn ho to puṇyabandha nahīn hotā hai. parantu bhāv achchhe ho to puṇyabandha

PDF/HTML Page 57 of 1906
single page version

hokar dev hotā hai. bhavakā abhāv nahīn hotā. dev to ananta bār huā hai. aisā dev ananta bār huā, pashu ananta bār huā, manuṣhya ananta bār huā, ananta bār sab huā, parantu bhavakā abhāv nahīn huā. usī mārgamen shubhabhāvamen rahā, parantu usase mārga bhinna hai. ātmāko jānā nahīn, isaliye andarase ātmā pragaṭ nahīn hotā. andarase nirasatā ānī chāhiye, andarase vairāgya ānā chāhiye. ātmāko pahachānaneke liye prayatna kare to ātmā prāpta hotā hai.

mumukṣhuḥ- pratham bhūmikāmen kyā karanā chāhiye?

samādhānaḥ- kyā karanā? ātmāko (pahachānanā). sab niras (hai), aisā ātmāmen nakkī karanā. ātmākī or ruchi baḍhāve, ātmākī or ... kare, sachchā mārga kyā hai, to us mārga par jā sakatā hai. aur ātmākī orakā prayatna kare, shraddhā kare, pratīt kare, usamen līnatā kare to svānubhūti hotī hai.

samādhānaḥ- ... antar ātmāmen.. gurudevane jo kahā hai, jo mārga darshāyā hai, vahī mārga (hai). vāñchan karanā, shāstra-svāghyāy karanā. ātmā ananta guṇonse bharapūre hai, use pahachānanekā prayatna karanā. usake dravya-guṇ-paryāy bhinna, paravastu (ke bhinna). shāstra- svādhyāy kare. paḍhanemen jo āsān lage vah paḍhanā. bhāvanā, jignāsā rakhanī. andar vikalpa hote hain vah bhī apanā svabhāv nahīn hai, usase ātmā bhinna hai. ātmākā bhedagnān kaise ho, svabhāv aur vibhāv donon bhinna chīj hai, usakā bhedagnān ho. bhedagnān kaise ho, usake liye laganī lagānī, jignāsā karanī.

ātmā sarvasva hai, bāharamen kahīn bhī sukh nahīn hai. sab niḥsār vastu hai, sārabhūt koī nahīn hai. (paribhramaṇ karate-karate) manuṣhyabhav mushkilase milatā hai. aisā manuṣhyabhavamen aise gurudev mile, aisā mārga milā, ghūṭan-manan karatā rahe. sab svayaṅko hī karanā rahatā hai. ātmāko lakṣhaṇase pahachānanā ki ātmā gnān (svarūpī hai). gnānako pahachānanekā prayatna karanā. gnāyak mahimāvant hai. gnāyakamen sab bharā hai.

mumukṣhuḥ- saṅkalpa-vikalpa āte hain, use chhoḍaneke liye kyā karanā?

samādhānaḥ- use chhoḍaneke liye, yah merā svarūp nahīn hai, main to ātmā-shuddhātmā hū̃n. jaise siddha bhagavān hain, vaisā main hū̃n. .. svayam to ātmāko pahachāne tab hotā hai, tabatak vichārakarake (nakkī kare ki), yah merā svarūp nahīn hai, main usase bhinna hū̃n. bārambār usakā vichār kare. aur ashubhase bachane hetu shubhabhāvamen vichār kare, achchhe vichār kare. achchhe vichār karanemen rukanā vah bhī shuddhātmā prāpta nahīn hot tabatak shubhabhāvamen rukanekā prayatna kare. meremen nahīn hai. vikalpase bhinna andar main shuddhātmā hū̃n. pariṇāmako shāstramen roke, dev-guru-shāstra shubhabhāvamen ruke. andar shuddhātmā nirvikalpa vastu hai, usamen

PDF/HTML Page 58 of 1906
single page version

koī vikalpa nahīn hai, vikalpa binākā ātmā-gnāyak hai. vikalpase (shūnya) ātmā hai. usamen ānanda bharā hai, usamen gnān bharā hai. janma-maraṇ usase ṭalate hain, ātmāko pahachāne to ṭalate hain, bākī nahīn ṭalate.

jīvane bāharakā sab anantakālamen kiyā. bāharakī kriyā (karake) devamen jāye, parantu devamense (nikalakar bhī) janma-maraṇ to vaise hī rahate hain, bhavakā abhāv nahīn hotā. bhavakā abhāv to ātmāko pahachāne to hotā hai. ātmāko kaise pahachānun, usake liye usakī laganī, jignāsā ho to hotā hai.

mumukṣhuḥ- nidrāse jāgane par bhakti ādi to yād ā jātī hai, vah shurū ho jātī hai, parantu ātmā sambandhit vichār, ātmā kaisā hai, usake vichār nahīn āte hain, to kyā karanā?

samādhānaḥ- .. lage to hotā hai. ashubhase bachaneko shubhabhāv āye, bhakti āye, sab āye. andar ātmākī laganī lage aur ātmākī mahimā lage to hotā hai. to ātmāke vichār āte haĩn. ātmākī mahimā laganī chāhiye. ātmāko pahachāne nahīn tabatak bhaktike vichār āye, bhaktikī bhāvanā āye, shubhabhāv āye, parantu ātmā bhī mahimāvant hai, aise ātmākī mahimā āye to us orake (vichār chale). ātmākī mahimā ānī chāhiye. ātmā bhī ek dev, gnāyakadev hai. jaise siddha bhagavān hain, vaisā ātmā hai.

... samajhamen nahīn ātā. to kṣhapaṇ shreṇi lagākar āge (jāte hain). ātā hai na? kṣhapak shreṇi yānī ātmā aisī shreṇī chaḍhatā hai. pratham to samyagdarshan ho tab svānubhūti hotī hai. bāharamen vikalpa āte the, phir bhī andarase unakā ātmā nyārā hī rahe, ātmā bhinna hī rahe, nirantar aisī dashā unakī ho jātī hai. gnāyak-gnāyak aisī gnātādhārā ho jātī hai. andar svānubhūti hotī hai. kabhī līn ho jāte haĩn. isīprakār vah gr̥uhasthāshramamen hī āge baḍhate-baḍhate aisī bhāvanā ho jātī hai ki yah sab chhoḍakar main muni kaise ban jāūn̐. jab muni ho jāte hain, tab andar ātmāmen bār-bār līn ho jāte haĩn. yathārtha munipanā. bāharase chhoḍ de, abhī chhoḍ dete hain aise nahīn, andar yathārtha bhāvase ho jāye. gr̥uhasthāshramamen rah nahīn sake, aisī usakī dashā ho jātī hai. phir andar munipanā lekar ātmāmen (līn ho jāte hain). kṣhaṇ-kṣhaṇamen ātmāmen līn hote haĩn.

bhagavānake darshan kare, dev-guru-shāstrake vichār kare, bākī sab to unhen chhūṭ gayā hai. vah karate hain, phir bhī andaramen kṣhaṇ-kṣhaṇamen antarmuhūrtamen ātmāmen chale jāte haĩn. kṣhaṇ- kṣhaṇamen svānubhūtimen līn hote haĩn. chalate-phirate kaī bār kṣhaṇ-kṣhaṇamen līn ho jāte haĩn. soye ho to kṣhaṇ-kṣhaṇamen antaramen chale jāte haĩn. aisī unakī dashā ho jātī hai. ātmākī

PDF/HTML Page 59 of 1906
single page version

svānubhūti karate-karate aise līn ho jāte hain ki ātmākī līnatāmen aisī unakī shreṇī ho jātī hai, jise kṣhapaṇ shreṇi kahate hain, aise līn ho jāte haĩn. karma apaneāp hī kṣhay hone lagate haĩn. isaliye kṣhapak shreṇi (kahate hain). karma isaprakār kṣhay hote hain ki phirase uday hī nahīn ātā. karma isaprakār kṣhay hote hain aur andarase shreṇi aisī chaḍhate hain ki vāpas hī nahīn āte. svānubhūtimen aise līn ho jāte hain ki vāpas nahīn āte aur līnatāmen hī svānubhūtimen līn hokar kevalagnān prāpta karate haĩn. arthāt pūrṇa ho jāte haĩn. vītarāgadashā. kṣhapak shreṇīmen aise chaḍh jāte hain ki usake phalamen kevalagnān prāpta ho jātā hai aur ātmāmen līn ho jāte haĩn.

kevalagnān arthāt samasta lokālokako jāne aur ātmāko jāne, sabako jāne aisā gnān prāpta hotā hai aur andar apanī svānubhūtimen līn rahe. bāhar nahīn āte. unhen jānanekī ichchhā bhī nahīn hotī, sahaj jānanemen ā jāye, aisā ātmākā svabhāv hai. ātmākā apūrva ānanda prāpta hotā hai, ātmākā gnān prāpta hotā hai, pūrṇa gnān prāpta hotā hai. ātmagnān to gr̥uhasthāshramamen prāpta huā hai, parantu kevalagnān ho jātā hai. aisī kṣhapak shreṇī (hai). aisī shreṇī chaḍhate hain ki phir bāhar hī nahīn āte. līn ho gaye to ho gaye. aisā kevalagnān prāpta ho jātā hai. ātmāke ānandamen... ātā hai na? "sādi ananta ananta samādhisukhamān', bas! samādhi sukhamen ananta kāl tak (rahate hain).

mumukṣhuḥ- tabhī vītarāgatā pūrṇa..

samādhānaḥ- hān̐, kṣhapak shreṇī chaḍhaneke bād vītarāg (hote hain). "kṣhapaṇ shreṇī karīne ārūḍhatā...' ātā hai.

mumukṣhuḥ- dravya-guṇ-paryāyakā svarūp kaisā hai?

samādhānaḥ- dravya-ātmā ek vastu hai. jaise yah pudagal vastu hai, vaise ātmā ek vastu hai. usakā mukhya guṇ hai ki sabako jāne. sabako jāne yānī usakā jānanekā svabhāv hai. vah gneyako jānanevālā hī hai. yah jaḍ vastu kuchh nahīn jānatī, vaise ātmā sabako jāne aisā usakā svabhāv hai. jānanevālī ek vastu hai. vah usakā guṇ hai. usamen ananta guṇ haĩn. jaisā gnān hai, vaisā ānandaguṇ hai, vaise ananta guṇ haĩn. astitva, vastutva ādi (sāmānya guṇ hai). gnān jānanekā kārya kare, ānanda ānandakā kārya kare, shānti shāntikā kārya kare, aise kārya kare use paryāy kahate haĩn.

samādhānaḥ- ... samyagdarshan ātmākā guṇ hai aur vah ātmāmen hai. bāharase nau tattvakī shraddhā karanī aisā ātā hai. jainadarshan-sthānakavāsī, derāvāsī sabamen ātā hai. nau tattvakī shraddhā kare use samyagdarshan, aisā ātā hai. shāstra paḍhe yānī gnān (ho gayā).

PDF/HTML Page 60 of 1906
single page version

tyāgī ho jāye, sādhu ho jāye yānī chāritra (huā, aisā) māne. bhāv kadāchit ṭhīk rakhe to vah chāritra vāstavik chāritra nahīn hai. ātmā svayam hai, us ātmākī pratīt karanī, yathārtha shraddhā karanī ki main ātmā hūn̐ aur sharīr nahīn hū̃n. aur yah vikalpa hote hain vah merā svarūp nahīn hai. siddha bhagavān jaisā merā svarūp hai. aisī svayaṅkī pariṇati pragaṭ ho, aise andarase bār-bār aisā hī lage ki main in sabase bhinna hū̃n. bhinna hūn̐-bhinna hūn̐ aisā karate (pariṇati) ho, ānanda pragaṭ hotā hai. siddha bhagavān to pūrṇa ho gaye. ... to use samyagdarshan kahate haiaĩn. vahī muktikā mārga hai.

use andarase sab chhūṭ jātā hai. is sansārakā svarūp... use andarase aisā (lage) ki yah kuchh bhī merā svarūp nahīn hai. merā svarūp bhinna hai, aisā antarase (ho). anādikā abhyās hai, rāg-dveṣhamen paḍā hai, ekatvabuddhi hai. bārambār usake liye prayatna kare to hotā hai. nahīn to vah nahīn hotā. main bhinna gnāyak hūn̐, yah merā svarūp nahīn hai, aise bhedagnān kare to hotā hai. bārambār main bhinna hūn̐, bhinna hū̃n. ātmāko pahachānakar honā chāhiye ki yah jānanevālā hai vahī main hūn̐, yah sharīr kuchh nahīn jānatā, aise honā chāhiye. bahut shāstroṅko jān liyā, aise nahī̃n. ātmāko jāne to use samyaggnān kahate haĩn. ātmāko jāne, usake sāth bhale hī nau tattva ādi jāne, parantu mukhyarūpase ātmāko jānanā chāhiye. nau tattvako jāne, shāstrakī shraddhā hotī hai, jinendra dev jo vītarāg hote hain vah dev hain, jo guru ātmākī sādhanā karate hon, ve guru. isaprakār sachche dev- guru-shāstra (ko jāne). shāstra, jisamen ātmākī bāten ātī ho, vah shāstra hai. lekin andar ātmākī shraddhā sāthamen honī chāhiye, to vah samyak hai. mātra bāharakā ho to vah sthūl shraddhā hai. use vyavahār kahate haĩn.

bhale vah nahīn ho tabatak sachche dev-guru-shāstrakī (shraddhā kare, lekin mātra usase) mokṣha nahīn hotā, mokṣhā to ātmāko pahachāne to hī hotā hai. usakā nām samyagdarshan hai. ātmāko jāne vah gnān, ātmāmen līnatā kare, bāharase chhūṭakar ātmākā jo svabhāv hai, usamen svayam līn ho to vah chāritra hai. bāharase vrat dhāraṇ kiye, sab kiyā parantu andar svayam ātmāmen līn nahīn ho to vah chāritra sirpha bāharakā hai. bahut log chāritra lete hain, bhāvamen kuchh nahīn hotā. aisā chāritra nahī̃n.

sachchā chāritra to aisā ātā hai ki ātmāmen bārambār līn hotā hai aur bāhar āye to use shubhabhāv hote haĩn. dev-guru-shāstra, nau tattva ādi, shāstra ke vichār āte haĩn. vah to shubhabhāv hai, lekin andar ātmāmen bārambār līn ho to vah chāritra hai. usake sāth bhale use tyāg ho, munidashā ho, sab hotā hai, parantu ātmākā (āshray) ho to vah chāritra kahalātā hai. ātmāko samajhe binā bāharase chāritra le, vah vāstavik

PDF/HTML Page 61 of 1906
single page version

chāritra nahīn hai, usase mokṣha nahīn hotā. mokṣha to ātmāmen līn ho, aisā chāritra pragaṭ ho to hī mokṣha hotā hai, nahīn to use mokṣha nahīn hotā.

mumukṣhuḥ- jīv ekabār mokṣhamen jāneke bād vāpas nīche nahīn ātā hai na?

samādhānaḥ- mokṣhamen jāneke bād vāpas nahīn ātā. andar svayam ātmā mokṣhasvarūp hī hai. usamen svayam līnatā kare to mokṣhakī paryāy yahīn pragaṭ hotī hai. phir to vah ek kṣhetramen jātā hai. yahān̐ jīv thā, vah siddhakṣhetramen gayā. vahān̐ jāneke bād vāpas nahīn ātā. use bhav nahīn hote. janma-maraṇakā nāsh ho jātā hai. phir janma nahīn hotā. lekin andar vaisī taiyārī svayam yahīn kar letā hai. ātmāmen aisā līn ho jātā hai ki bāhar hī nahīn ātā.

mumukṣhuḥ- ..jitane karma bandhe hain, vah sab naṣhṭa ho jāte hain?

samādhānaḥ- hā̃n. ātmāko pahachāne to kroḍo vaṣhāke sabhī karma kṣhay ho jāte haĩn.

mumukṣhuḥ- aisā kahate hain na ki chaurāsī lākhake chakkar kāṭane paḍe. vah sab..

samādhānaḥ- sabakā nāsh ho jātā hai. ek ātmāko pahachāne, ātmākī shraddhā kare, ātmāmen līn ho to sab ṭūṭ jātā hai. use toḍane nahīn jānā paḍatā. bāharase upavās kare, tyāg kare, sab kare to karmakā nāsh ho, aisā nahīn hai.

mumukṣhuḥ- ... sabako aisī bhāvanā hotī hai ki varṣhītap kare, karmanāshake hetu, vah jūṭhī mānyatā hai?

samādhānaḥ- vaise karmakā nāsh nahīn hotā. karma to andar ātmāmen ātmā pragaṭ ho to karmakā nāsh hotā hai. vah mānyatā hai vah samajh binākī mānyatā hai. agnānī jo karma lākh-kroḍ bhavamen nāsh kare, vah gnānī ek sānsamen kṣhay karatā hai. ātmākā gnān honese ek sāns le utanī deramen usake karma kṣhay ho jāte hain aur lākh-kroḍ bhav paryant agnānī jo karmakā nāsh nahīn kar sakatā, vah gnānī ek kṣhaṇamātramen kṣhay karatā hai. ātmāko samajhe binā karmakā nāsh nahīn hotā. ātmākā gnān jise hotā hai, use tyāgādi sab hotā hai. lekin karmakā nāsh to gnānasahit ho to hotā hai. agnānīko karmakā nāsh hotā hai aur phir naye bāndhatā hai. vāstavik rūpase to chhūṭate hī nahī̃n. tyāg kare, sāthamen naye-naye sāthamen bāndhatā hai aur māne ki isase mujhe dharma hotā hai. sāthamen jūṭhī mānyatā hai, isaliye naye karma bāndhatā hai.

(gnānīko) karma kṣhay isaprakār hote hain ki jo kṣhay honeke bād nayā bandha nahīn hotā. isaprakār gnānīko kṣhay hotā hai. naye bandhate hī nahī̃n. makkhanamense ghī hotā hai, phir ghīmense punaḥ makkhan nahīn hotā. vaise jo andarase vītarāg ho gayā, svānubhūtimen līn ho gayā, kevalagnān ho gayā, usakā phirase makkhan nahīn hotā.

PDF/HTML Page 62 of 1906
single page version

mumukṣhuḥ- bījagnān yānī kyā? vah kevalako bīj gnānī kahe...

samādhānaḥ- kevalako bījagnānī yānī samyagdarshanako bījagnān kahate haĩn. bījagnān pragaṭ hotā hai isaliye kevalagnān hotā hai. ātā hai, vah kevalako bījagnānī (kahe). ... sachchā mārga mile na, guru binā mārga kaun batāye? binā guru apane hī āp samajh kare, binā samajhake, to jūṭhā mārga grahaṇ karatā hai. sachche pratyakṣha guru mile ve mārga batāye to vah satya mārga par chale. guru binā use mārga kaun batāye? guru binā hotā nahī̃n.

mumukṣhuḥ- ...

samādhānaḥ- vah guru to kuchh nahīn samajhate, mātra veṣh dhāraṇ kiyā hotā hai. kuchh samajhate nahī̃n.

mumukṣhuḥ- sachche guruko kise kahate hain?

samādhānaḥ- sachche guru, jise samyagdarshan huā ho, jise ātmākī svānubhūti huī ho aur jo andarase yathārtha... jaise gurudev yahān̐ virājate the, unhen samyagdarshan svānubhūtipūrvak (huā thā). unakā gnān, unakā gnān bhī koī alag thā. vaisā gnān ho, jisakī apūrva vāṇī ho, jo vāṇīparase pahachāne jāye ki ye sachche guru hai, ātmākī hī bāt karate ho. lekin ātmākī bāten bhī mātra bolane jitanī nahīn, antarase bāten karate ho. ātmasparshī jinakī vāṇī ho, use guuru kahate haĩn. unhen dekhakar, unakī vāṇī sunakar aisā lage ki ye to ātmākī koī gaharī bāten karate haĩn. ye to ātmāmen basate ho aisā lagatā hai. aisā laganā chāhiye, to guru kahate haĩn. mātra bāharakī bāten karate ho, ātmākī koī bāt nahīn ho, use guru kaise kahen? gurudevako āpane dekhā nahīn hai. dekhā hai?

mumukṣhuḥ- dekhā hai. hamāre ghar padhāre the.

samādhānaḥ- unakī vāṇī sunī hai.

mumukṣhuḥ- ghāṭakopar sarvoday hospiṭalamen āye the, tab sunā hai.

samādhānaḥ- unakī vāṇī koī alag thī. logoṅko aisā lage ki kuchh alag hī kahate haĩn. ātmasparshī vāṇī ho.prashamamūrti bhagavatī mātano jay ho!

?? ?