Benshreeni Amrut Vani Part 2 Transcripts-Hindi (simplified iso15919 transliteration). Track: 99.

PDF/HTML Page 616 of 1906
single page version

mumukṣhuḥ- mātājī! gnānaguṇako ūpar-ūparase pahachānatā hai, gaharāīse nahīn pahachānatā hai. to kr̥upā karake gaharāīse kis tarah pahachāne?

samādhānaḥ- gaharāīse pahachānanekā svayam prayatna kare. yah gnān hai vah koī vastukā hai. binā vastuke gnānaguṇ nahīn hai. gnān koī sat padārthakā guṇ hai. aisā vichār kare to pahachāne. gnān yānī mātra jānatā hai, is tarah pahachānatā hai. parako jāne vah jānanevālā gnānaguṇ hai, is tarah pahachānatā hai. parantu vah gnān hai vah koī padārthakā guṇ hai. padārtha binākā vah guṇ nahīn hai. is tarah andar svayam jignāsā laganī lagāye to pahachān sake aisā hai. parantu usakī laganī hī nahīn lagātā.

mumukṣhuḥ- shrīmadajīne aisā kahā hai ki, jīvakī utpatti jīvapadamān jaṇāy chhe, vah kaise? to kis apekṣhāse? bāt barābar kahate haĩn. parantu jīvakī utpatti jīvapadamān jaṇāy chhe. deh shok rog shok duḥkh mr̥utyu, dehano svabhāv jīvapadamān jaṇāy chhe, vah to samajhamen ātā hai. parantu jīvakī utpatti jīvapadamen jaṇāy chhe.

samādhānaḥ- jīvakī utpatti?

mumukṣhuḥ- hān̐, aisā shabdaprayog kiyā hai.

samādhānaḥ- andar svabhāv hai, sab jīvamen jānanemen ātā hai. parantu mūl vastukī utpatti nahīn (hotī). usakī paryāyamen pheraphār ho, vah jīvamen jānanemen āte haĩn. usakī paryāyen palaṭatī hain, vah jīvamen gnāt hotī hai. vastukī utpatti to hotī nahī̃n. usamen ho to apekṣhāse likhā hogā. paryāyamen pheraphār hote haĩn. vah usamen jānanemen āte haĩn.

vibhāv paryāy ho rahī hai, vibhāvamense svabhāv ho, svabhāvakī paryāy hotī hai, sab jīvamen jānanemen ātī hai. use jānanevālā jīv hai. dravya-guṇ-paryāy sabako jānanevālā jīv hai. vah svayam sab jānatā hai. svayam svayaṅko jānatā hai, svayam par anya padāthāko jāne. aisā usakā gnānaguṇ koī asādhāraṇ hai. gnān aisī anantāse bharā hai ki usamen sab gnāt hotā hai. gnānakā svabhāv aisā hai.

ananta kāl gayā to bhī usakā gnānasvabhāv to vaisākā vaisā hai. vah jān sake aisā hai. yah sharīr bhinna, yah vibhāv svabhāv apanā nahīn hai, svayam gnāyak hai. svayam

PDF/HTML Page 617 of 1906
single page version

svayaṅko jān sakatā hai. utpatti yānī usakī paryāyakī utpatti. vastu to utpanna nahīn hotī.

mumukṣhuḥ- sat shabda hai na? sat chit aur ānanda. trikāl ṭikanevālā hai, vah kaise khyālamen āye ki yah trikāl tīnon kāl ṭikanevālā jīv hai?

samādhānaḥ- jo hai vah hai hī. jo hai usakā nāsh nahīn hotā. gnānaguṇ hai vah kisī jaḍamense nahīn ātā. gnānaguṇ hai koī vastuke āshrayase rahā hai. jo hai, vastu hai, use koī utpanna nahīn kar sakatā. jo gnān khyālamen ātā hai, use koī utpanna nahīn kar sakatā hai, vah gnān svayam hai. gnān svayam hai to gnān jisake āshrayase rahā hai, aisā ek padārtha honā chāhiye.

vah sat hai. sat trikāl ṭikanevālā hai. jo hai vah tīnon kāl hai. vah shāshvat hai aur padārtharūp hai. mātra guṇ nahīn, vichār kare to gnānaguṇ gambhīratāse bharā hai. usamen anantatā bharī hai.

mumukṣhuḥ- ek gnānaguṇakī ḍorīse sab pakaḍamen ātā hai.

samādhānaḥ- sab pakaḍamen āye aisā hai. hā̃n. gnān hai vah sat hai. sat hai, use koī utpanna nahīn kar sakatā. chaitanyasvarūp hai. gnān chetanatāse bharā hai. gnān jaḍ nahīn hai, gnān chaitanyasvarūp hai. gnān jyotisvarūp chamatkārayukta hai, gnān divyasvarūp hai. aisī divyatāse bharā hai jo gnān hai vah svayansiddha hai. gnān hai, vah gnān koī padārtharūp hai, padārthakā svarūp hai vah gnān hai.

mumukṣhuḥ- svayansiddha hai.

samādhānaḥ- svayansiddha hai. vah anādiananta hai. kisīne use utpanna nahīn kiyā hai, koī jaḍamense gnān utpanna nahīn hotā. athavā kisīse gnānakā gnān nahīn hotā. vah svayansiddha hai. gnān hai vah anantāse bharā divyasvarūp hai. chaitanya svayam divyamūrti hai. usakā gnān bhī divyasvarūp hai.

mumukṣhuḥ- ek ānandaguṇ bākī rahatā hai. ānandakā kaisā ābhās hotā hai? ki aisā divya gnān hai to sāthamen ānanda bhī honā hī chāhiye.

samādhānaḥ- gnānamen jo divyatā bharī hai, aisā ānandaguṇ.. bāharamen vichār kare to jaḍ padārthamense, jaḍamense ānanda nahīn ātā hai. kahīn bhī ānanda lene jāy to ānanda (milatā nahīn). vah to thak jātā hai, ānanda lene jānemẽn. apanī kalpanāse ārop karatā hai. chalanemen, phiranemen mān-baḍappan kahīn bhī ānanda lene jātā hai. khānemen- pīnemen sabamen thak jātā hai. kalpanāse sukh mānatā hai. apane vichār kahīn aur chalate ho to chalanemen, phiranemen, mān, baḍappanamen kahīn use ānanda nahīn ātā. shokamen baiṭhā

PDF/HTML Page 618 of 1906
single page version

ho to. vah koī ānanda (nahīn hai).

lekin ānandakī jhaṅkhanā karatā hai, ānandako jo ichchhatā hai, vah svayam hī ānandasvarūp hai, isaliye ānandakī ichchhā karatā hai. jaḍ ichchhatā nahī̃n. jo svayam ichchhā karatā hai, vah svayam hī ānandasvarūp hai ki jise andarase aisī bhāvanā hotī hai ki mujhe ānanda chāhiye. aisī bhāvanā hai vah rāgarūp ho jātī hai. lekin aisī jo antaramense (ichchhā hotī hai), aisī pariṇatimen aisā hotā hai ki mujhe ānanda chāhiye. andarase jo use ānandakī bhāvanā utpanna hotī hai, vah svayam ānandasvarūp hai isīliye usakī bhāvanā utpanna hotī hai.

mumukṣhuḥ- vaise to aisā khyāl ātā hai ki subahase shām tak ek bhī ānandakā kiraṇ dikhāyī nahīn detā. aisā to khyāl ātā hai.

samādhānaḥ- ānanda kahīn dikhāyī nahīn detā. mithyā prayatna karatā hai. parantu ānandake binā use chalatā nahī̃n. kahīn bhī, koī bhī kalpanā karake mān letā hai.

mumukṣhuḥ- chāhiye ānanda.

samādhānaḥ- chāhiye ānanda. ānanda nahīn ho to bhī kalpanāse santuṣhṭa hotā hai. ataḥ ānanda usakā svayaṅkā hī guṇ hai ki jahān̐-tahān̐ kalpanā karatā hai. ānanda binā use chalatā nahī̃n. jahān̐-tahān̐ kalpanā karanevālā vah svayam divyamūrti divya ānandase bharā hai, koī anupam ānandase bharā hai ki jo bāhar kalpanā kar rahā hai. ananta shaktionse bharā aisā chaitanyadev hai. usakī divyatā pragaṭ karaneke liye svayam aisī koī apūrva bhāvanā aur apūrva ras evan jignāsā pragaṭ kare to vah use divyatā pragaṭ kare.

bhagavānane divya svarūp pragaṭ kiyā, pūrṇa kevalagnān mokṣha ho gayā. divyatāyukta apanā svarūp hī hai. yadi vah svayam aisī bhāvanā pragaṭ kare to vah pragaṭ hue binā rahatā bhī nahī̃n. pratīt ānī chāhiye. samyagdarshan pragaṭ kare to usakī shurūāt hotī hai, usakī divya svānubhūtikī. āge baḍhanepar vah visheṣh baḍhatā jātā hai. pūrṇa ānanda pragaṭ ho jātā hai. svānubhūtimen ek ansh, ānshik ānanda use pragaṭ hotā hai. jaisā siddha bhagavānakā ānanda hotā hai, vaisā hī ānanda use pragaṭ hotā hai. aisā anupam ānanda ki vah vāṇīse kah nahīn sakate. kyoṅki jo bāhar kalpanā kar rahā hai, vahī svayam ānandasvarūp hai.

andarase jo use bhāvanā utpanna hotī rahatī hai, vah ānanda binā rah nahīn sakatā. kitanī hī bāh shuṣhka ānanda mānatā hai. use duḥkh hī hai, sukh to hai hī nahī̃n. kalpanā karatā hai.

mumukṣhuḥ- vichār kare to khyāl āve..

PDF/HTML Page 619 of 1906
single page version

samādhānaḥ- vichār kare. ākulatāmen sukh mān letā hai. pravr̥utti karane jātā hai. use aisā hotā hai, mujhe yahān̐se ānanda milegā. pratyek pravr̥uttiommen thak jātā hai. bāhya koī bhī pravr̥utti karanī, usakā svabhāv hī nahī̃n. anya padārthakā kartr̥utva mānanā, usamen vah kuchh kar nahīn sakatā hai aur thak jātā hai. to bhī usamen vah ānanda mān rahā hai.

andar sthir ho jānā aur nivr̥utta ho jānā, andarase ānanda pragaṭ hotā hai, aisā hī usakā svabhāv hai. phir use aisā hotā hai ki mujhe antaramense koī shānti prāpta ho jāya. andar shāntikī ichchhā karanevālā svayam hī shāntisvarūp hai. gnāyakake āshrayase vahān̐ jānatā hai ki yah main jānanevālā hai. usamen hī sabakuchh hai aisā lagatā hai. utanā use vishvās ānā chāhiye.

jīv shāntikī ichchhāse jo vāpas muḍe to ātmākī or bhī aise hī muḍatā hai ki mujhe shānti kahān̐ mile? mujhe ānanda kahān̐ mile? is hetuse svabhāvakī or muḍatā hai. lekin use vishvās ātā hai to muḍatā hai. shānti kahīn nahīn hai, to phir koī anya tattvamen bharī hai. jaḍamen nahīn hai. chetan hī usakī ichchhā kar rahā hai. chetan hī ichchhatā hai, isaliye chetanamen bharī hai.

vah svayam ānandasvarūp hī hai. jaise svayam divyasvarūp hai, svayam ananta divya gnānase bharā hai. ek samayamen use gnānakī pariṇati pragaṭ hotī hai. aisā svayam ānandasvarūp hai. aisā svayam ananta divya shaktiyon̐se bharā hai. bārambār usakī shraddhā kare, usakī pratīt kare, usamen līnatā kare to vah pragaṭ hotā hai. jabatak na ho tabatak usakā raṭan kare, bārambār usakā vichār kare, bārambār dr̥uḍhatā kare. vah ātā hai na? mere gnānamen, mere dhyānamen, sabamen... haiḍe vaso mārā dhyānamān jinavāṇī mārā hr̥udayamā̃n. chaitanyadev base. merā haiḍe hajo, mārā dhyāne hajo, mārā bhāve hajo.

aise shubhabhāvamen dev-guru-shāstra aur andar chaitanyadev, mere hr̥udayamen, mere bhāvamen, mere dhyānamen baso. samyagdarshan huā to usamen to usane grahaṇ hī kar liyā. use (aise) grahaṇ karatā hai ki usakī dr̥uṣhṭikī ḍor vahān̐se chhūṭatī nahī̃n. dr̥uṣhṭikī ḍor jo usane bāndhī aur svānubhūti pragaṭ huyī ki bas, pūrṇatā pragaṭ karake chhūṭatā jātā hai.

mumukṣhuḥ- ek bār aisā anubhav ho, isaliye bāhya vastukā āshcharya chhūṭ jāya.

samādhānaḥ- āshcharya chhūṭ jātā hai. pahale use bhāvanā hotī hai. bāharase āshcharya chhūṭakar andar jātā hai ki andar kuchh alag hai, antaramen hai, bāhar nahīn hai. aisā prāpta hone pūrva vishvās ā jātā hai. vishvās ātā hai. ākulatā dikhatī hai. kahīn shānti nahīn hai. sab orase thakān lagatī hai, ichchhā anusār kuchh hotā nahīn, bhāvanā

PDF/HTML Page 620 of 1906
single page version

kuchh hotī hai aur banatā kuchh hai. antataḥ ākulatāse thak jātā hai. vichār karake antaramen jātā hai. antaramen hī shānti hai, kahīn aur nahīn hai. bhale ānanda use anubhavamen nahīn ā rahā hai, lekin vah nakkī karatā hai ki ānanda yahīn hai, kahīn aur jagah nahīn hai.

mumukṣhuḥ- aisā vishvās...?

samādhānaḥ- aisā usakā vishvās pahale ānā chāhiye.

mumukṣhuḥ- gurudev kahate hain, tū paramātmā hai, paramātmā hai, aisā vishvās lā.

samādhānaḥ- jitane paramātmāke guṇ hain, paramātmāmen (hain), aise hī tujhamen hai. ananta guṇonse bharā, ananta guṇonse gūn̐thā huā tū paramātmā hai. koī divya devasvarūp, tū svayam divyasvarūp hai.

mumukṣhuḥ- puruṣhārtha utpanna karaneke liye bhī isī tarah, isī siddhāntase...?

samādhānaḥ- tū svayam hī hai. sarvasarva tū hī hai. bas, usakī shraddhā kar, usakā vishvās lā. usakā gnān kar, usakā vichār kara. us or bārambār jhuk, parakā āshcharya chhoḍ de, terā āshcharya lā. bas, vahī hai. bārambār vahī karanekā hai.

.. āge baḍhaneke liye shāstra svādhyāy (kare). shāstramen kyā mārga ātā hai (yah jānanā). gurudevane bahut pravachan kiye haĩn. usamen atyant spaṣhṭa karake mārga batāyā hai. isaliye usakā vichār karanā, usakā vāñchan karanā, svādhyāy karanā. antaramen usakī laganī lagānī, jignāsā karanī, ātmā kaise samajhamen āye usake liye (prayatna karanā). ātmā jānanevālā gnāyak hai, yah shāshvat tattva anādiananta hai. usakā kabhī nāsh nahīn hotā. svayansiddha ātmā hai. use pahachānaneke liye prayatna karanā. yah sharīr jaḍ kuchh jānatā nahī̃n. andar vibhāv hote hain, vah bhī ākulatā hai. apanā svabhāv nahīn hai. usase bhinna ātmāko jānanā. bhinna jānaneke liye prayatna karanā. usake liye ātmākā svarūp kyā, dravya-guṇ-paryāyakā kyā svarūp hai, pudagalakā kyā svarūp hai, usakā vichār karake sūkṣhma dr̥uṣhṭise use paḍhanā.

vastu asal svarūpamen kaise kahī jātī hai, usakī paryāyase kyā kahate hain, usakī pratyek apekṣhāen̐ samajhakar yathārtha samajhanā. usakī laganī lagānī. vastu dravya svabhāvase tū nirmal hai. usamen ashuddhatāne pravesh nahīn kiyā hai. to phir yah vibhāv kaisā? yah duḥkh kaisā? ākulatā kisakī hai? isaliye ātmāmen vibhāv pariṇati ho rahī hai, apane puruṣhārthakī mandatāse aur svayam bhrānti karake-yah sharīr so main, main so sharīr, yah vibhāv, rāg-dveṣh ādise bhinna ātmāko jānatā nahīn hai aur pratyek shubhāshubh vikalpake andar ekatva ho rahā hai. usase bhī is ātmākā svarūp bhinna hai. parantu

PDF/HTML Page 621 of 1906
single page version

vah paryāyamen hai sahī. sarvathā ekānta shuddha ho to-to puruṣhārtha karanā nahīn rahatā hai. paryāy apekṣhāse usamen ashuddhatā hai aur dravyadr̥uṣhṭise usamen shuddhatā hai.

jaise sphaṭik svabhāvase nirmal hai. mūl sphaṭik svabhāvase nirmal hai. usamen lāl- pīle phūlake sanyogase vah lāl dikhā, pīlā dikhe parantu nimitta (kāraṇ hai). parantu vah pariṇaman svayaṅkā ho rahā hai, vah pariṇaman svayaṅkā hai. lekin svabhāvase nirmal hai. vah donon apekṣhāen̐ samajhakar mūl asal svarūpako samajhanā. kāraṇ, jīvane anādi kālase vibhāvamen shubhabhāv bahut kiye, puṇyabandha huā, devalokamen gayā, parantu nij svarūp pahachānā nahī̃n. devalokamen bhī gayā. aise sakhta shubhabhāv kiye ki jisase (devalok milā), parantu ātmāko pahachānā nahī̃n.

ananta kālamen svayam dravyaliṅgī muni banakar nav graiveyak upajāyo-graiveyakamen gayā. bāharase aisī sakhta kriyāen̐ pālī, jo kriyāen̐ shāstramen ātī us anusār (pālan kiyā). abhī to vaisā dikhāyī nahīn detā. shāstramen ātā hai us anusār pālan kiyā. parantu shubhabhāvase puṇyabandha huā. parantu in sabase bhinna main ātmā, use pahachānā nahī̃n. isaliye ātmāko pahachānanekā prayatna karanā. lekin bīchamen use (yah sab) ātā hai. jo shubhabhāv puṇyabandhakā kāraṇ hai, isaliye vah bīchamen nahīn āte hain, aisā nahīn hai. yadi shubhabhāv chhūṭe to ashubhamen jāy, to pāpabandhakā kāraṇ (hotā hai). parantu ashubhabhāvase bachaneke liye bīchamen shubhabhāv dev-guru-shāstrakī mahimā āye aur ātmāko pahachānanekā... mūl vastu-ātmākī ruchi honī chāhiye. ananta kālase shubhabhāvamen aṭak gayā hai. lekin usase bhinna ātmā hai, use pahachānatā nahīn hai. lekin bīchamen shubhabhāv āye binā nahīn rahate.

shuddhātmā kaise pahachānūn̐? usakā prayatna (karanā chāhiye). yah donon apekṣhāen̐ samajhanī. dravya kis apekṣhāse hai aur paryāyamen kyā hotā hai? mūl asal svarūpase shuddhatā hai aur paryāyamen ashuddhatā hai. punaḥ ekānta shuddha hokar shuṣhkatā na ā jāy, usakā dhyān rakhanā. apanā hr̥uday bhīgā huā rahanā chāhiye ki ananta kālase rakhaḍā. is jīvako andar duḥkh kisakā hai? antaramen vibhāvase virakti-vairāgya ānā chāhiye. gnān, use yathārtha samajhanekā rāstā aur samajhaneke liye yathārtha prayatna, usakā gnān yathārtha kare, use vairāgya- virakti ānī chāhiye. usakī mahimā ānī chāhiye. chaitanya svarūp koī adabhut hai. usakī mahimā, usakī mahimā āye aur dev-guru-shāstrakī mahimā ānī chāhiye. usakī pahachān karavānevāle dev hain, guru hain, shāstra hai. sab usakī pahachān karavānevāle haĩn.

usamen sākṣhāt chaitanyamūtii gurudevane jo mārga batāyā, jo sādhanākā mārga batāyā us par use apūrva mahimā āye binā nahīn rahatī. apane svabhāvakī mahimā, dev-guru-shāstrakī

PDF/HTML Page 622 of 1906
single page version

mahimā (ānī chāhiye). jagatamen sab niḥsār hai. ek ātmā sarvotkr̥uṣhṭa hai, mahimākā bhaṇḍār hai. aur dūsarā, shubhabhāvommen dev-guru-shāstra hone chāhiye. jagatamen sarvotkr̥uṣhṭa hon to jinendra dev haĩn. guru sarvotkr̥uṣhṭa hain, jo sādhanā karate hain aur shāstrommen usakā varṇan ātā hai. isaliye jagatamen vah sab sarvotkr̥uṣhṭa hai. isaliye yah karane jaisā hai, antaramen gnāyakako pahachānakara. usakī pahachān kaise ho? usake liye shāstra svādhyāy, vichār, vāñchan ādi sab (honā chāhiye). andarase hr̥uday bhīgā huā rakhanā. bhavakā abhāv kaise ho, yah antaramen honā chāhiye.

mumukṣhuḥ- chaitanyakī mahimā baḍhāneke liye kyā karanā?

samādhānaḥ- chaitanya kyā vastu hai? usamen kyā bharā hai? usake guṇ koī apūrva haĩn. gurudev usakī mahimā batāte the. pravachanommen kyā ātā hai? shāstrommen kyā ātā hai? vichār karake nakkī kare. chaitanya padārtha jagatamen koī apūrva hai. jagatamen usake jaise koī vastu nahīn hai. usakā ānanda apūrva hai, usakā gnān apūrva hai, sab apūrva hai.

jo kisī anya sādhan binā antaramense jo gnān pragaṭ hotā hai, jo ananta mahimāse bharā gnāyak-gnān hai, usake svarūpako jagatakī koī mahimā lāgū nahīn paḍatī. aisā anupam hai, use koī upamā lāgū nahīn paḍatī. aisā anupam padārtha hai. shāstramen usakā bahut varṇan ātā hai. usamense vichār kare. āchārya kyā kahate hain? āchārya vastukī mahimā kar rahe hain, usakā vichār kare. gurudev mahimā karate haĩn. tū ātmā hai, tū bhagavān hai. use pahachāna. jo gurudev kahate the, vah antarase kahate the. isaliye antaramen vah koī apūrva padārtha hai.

mumukṣhuḥ- pūjya gurudev bhī bārambār kahate hain, tū sukhakā sāgar hai. ānandakī nidhi ho, atīndriy sukhakā bhaṇḍār hai. to abhī sukhakī prāptike liye...?

samādhānaḥ- svayam prayatna kare to hotā hai. pahale shraddhā kare. yathārtha vastu to yahī hai. phir prayatna bhale dhīre-dhīre ho. parantu shraddhā to barābar karanā. shraddhāmen thoḍā bhī pharka mat karanā. shraddhāmen thoḍā bhī pheraphār mat karanā. shraddhā yathārtha karanā. to phir dhīre ho.. shāstramen ātā hai, ho sake to dhyānamay pratikramaṇ karanā. na ban sake to shraddhā barābar karanā. parantu usake liye koī īdhar-ūdharake mārga par mat jānā. dūsarī jagah kahīn mārga nahīn hai. mārga ātmākā koī alag hai. andar samyagdarshan, svānubhūti hotī hai tab samyagdarshan kahanemen ātā hai. nav tattvakī shraddhā mātra vikalpase kar le, to vah samyagdarshan nahīn hai.

samyagdarshan andar ātmāmen pragaṭ hotā hai. aur samyagdarshan honeke bād visheṣh-visheṣh ātmāmen jamatā jāy, āge baḍhe tab munidashā ātī hai. antaramen munidashā koī alag

PDF/HTML Page 623 of 1906
single page version

hai. chhaṭhṭhe-sātaven guṇasthānamen jhule. antarmuhūrta-antarmuhūrtamen ātmāmen līn hote haĩn. bāhar āye tab dravya-guṇ-paryāyake vichār āye. dūsarā sab to munirājako chhūṭ gayā hai, sahajarūpase. unhen bojh nahīn lagatā hai, upādhi nahīn lagatī hai. sahajarūpase. vah dashā koī alag hotī hai.

prashamamūrti bhagavatī mātano jay ho! mātājīnī amr̥ut vāṇīno jay ho!

 

< Previous Page Next Page >