PDF/HTML Page 624 of 1906
single page version
mumukṣhuḥ- mātājī! hamen to aisā lagatā hai ki gnān, shraddhā aur chāritra un tīnoṅkā svarūp barābar pakaḍamen nahīn ātā, us hisābase ātmā gnāyakakī dr̥uṣhṭi karanemen vikṣhep ātā hai. gnān aisā kahatā hai ki, dravya, guṇ evan paryāy tīnon tū hai. dr̥uṣhṭi aisā kahatī hai, gnāyakamātra tū hai.
samādhānaḥ- dr̥uṣhṭi use dūr karatī hai, parantu vah apekṣhāse hai. dr̥uṣhṭi dūr kare aur gnān rahe. ek vastuko anek pahalūse dekhī jātī hai. vastu chaitanya hai (usamen) anekānta dharma hain, anekāntamay mūrti anek svarūp (hai). ananta dhamāse shobhāyamān aisī chaitanyamūrti hai. use ek apekṣhāse ek (dharma) dvārā nahīn dekhī jātī, use chāron orase dekhanemen ātā hai.
vastu, vastuke guṇ, vastukī paryāy, chāron orase vastuko dekhī jātī hai. mūl āshray kisakā lenā? dr̥uṣhṭi āshray mūl vastukā letī hai. usamen guṇabhed, paryāyabhed kiye binā ek astitvako grahaṇ karatī hai. ek manuṣhya ho to ek manuṣhyane āshray liyā. bhagavān hai, bhagavānakā āshray liyā ki bhagavān mere hr̥udayamen hain, main bhagavānako dekhatā hū̃n. āshray liyā, phir bhagavānakā vichār nahīn karatā hai. yah bhagavān hī hai. nakkī kiyā ki yah bhagavān haĩn. sarva guṇ sampanna bhagavāna. us vakta use vikalpa nahīn ātā ki bhagavānakā āshray lū̃n. usamen koī guṇabhed, paryāyabhed (dikhāyī nahīn dete). āshray lenevāle ko us par dr̥uṣhṭi yā vikalpa nahīn hotā. parantu bhagavānamen guṇ kyā hai? un guṇoṅkā vichārak karanemen gnān ātā hai, chāron pahalūse. bhagavānamen kaun-se guṇ bhare hain? bhagavānakī avasthā kyā? unakā svarūp kyā hai? sab gnān (karatā hai).
āshray lenemen, āshrayamen ek hī ātā hai. dr̥uṣhṭimen ek āshray liyā, usamen ek vastu ā jātī hai. usake bhed hain, vah mūl vastubhed nahīn hai. usakā lakṣhaṇabhed aur ansh-anshīkā bhed hai. usake āshrayamen to ek hī ātā hai. vastu anekānta svarūpase bharī hai. usake gnānamen sab ānā chāhiye aur āshrayamen ek ātā hai. vahī vastukā svarūp hai. āshrayamen bhinna-bhinna (āshray nahīn hotā). dravyakā āshray, guṇakā āshray, aise āshray bhinna-bhinna nahīn hote. āshray ek hī hotā hai. lekin us āshrayamen guṇonse
PDF/HTML Page 625 of 1906
single page version
bharitavastha vastu andar ā jātī hai. lekin usakī bhed par dr̥uṣhṭi nahīn hai, use gauṇ ho jātā hai. isaliye āshray liyā.
shraddhākā doṣh yā chāritrakā doṣh, vah to jabatak bhedagnān nahīn huā hai, bhedagnān hokar gnāyakakī dhārā pragaṭ huyī, to shraddhākā doṣh, chāritrakā doṣh ādi spaṣhṭarūpase bhinna paḍatā hai. pahale to use ekatvabuddhi hai aur shraddhā, ācharaṇ ādi sab mishra hai. isaliye use apanī pariṇatimen hī mishra hai, isaliye use bhinna karanā mushkil paḍatā hai. pariṇatimen mishra hai, isaliye yah shraddhākā yā yah chāritrakā (doṣh aise bhinna nahīn kar sakatā hai). pariṇatimen hī mishra ho rahā hai. andar bhedagnān huā nahīn hai. shraddhā jisakī bhinna ho gayī, gnāyakakī pariṇati (huyī) use (yah) shraddhā (hai), yah chāritra- yah sthiratā hai (aisā bhinna kar sakatā hai). gnāyakakī shraddhāmen pharka paḍe to vah shraddhākā doṣh hotā hai. main gnāyak hī hūn̐, yah vibhāv merā svabhāv nahīn hai. guṇabhed hai vah lakṣhaṇabhedase hai. usamen yadi bhūl paḍe to usakī shraddhāmen, āshrayamen bhūl paḍe. to vah shraddhākā doṣh hai.
isaliye jab vah bhinna huā, to use jo anantānubandhīkā ras thā vah ṭūṭ jātā hai. gnāyak bhinna paḍe. abhī abhinna hai, isaliye bhinna nahīn paḍā hai. isaliye use sab mishrarūpase chal rahā hai. use sab ras manda paḍe haĩn. yathārtha dev-guru-shāstrako grahaṇ kiye, tattvakā vichār karatā hai, tattvako grahaṇ karatā hai, aisā sab karatā hai. isaliye vah tattvakī or jhukā hai. isaliye use sab (ras) manda paḍ gaye haĩn. anantānubandhī, darshanamoh ādi. lekin vah usase bhinna nahīn paḍā hai, isaliye use sab mishrarūpase hī chal rahā hai. isaliye mishra ho rahā hai. bhinna paḍe use, yah astitvakā aur yah shraddhākā...
lekin usamen sthūlarūpase vah aisā grahaṇ kar sakatā hai ki jo tattva sambandhit bāt ho, usamen jo bhūl paḍe, tīvratā ā jāye, vah sab darshanamohamen jātā hai. aur dūsarā asthiratāmen jātā hai.
mumukṣhuḥ- sthūlarūpase bhed kar sakatā hai.
samādhānaḥ- tattva sambandhi jo ho, sachche dev-guru-shāstra sambandhit, tattttva sambandhit, us tattvamen bhūl paḍe to vah shraddhāke doṣhamen jātā hai.
mumukṣhuḥ- shubharāgase dharma ho, ityādi.
samādhānaḥ- hān̐, vah sab shraddhāke doṣhamen jātā hai. shubharāgase dharma hotā hai, shubh ho to achchhā hai, ādi. shubh ātā hai, lekin usase lābh (nahīn mānatā). vah apanā nij svarūp nahīn hai. tattvamen bhūl paḍe to vah shraddhāke doṣhamen jātī hai. bākī jo ācharaṇamen ho, vah sab kaṣhāyake bhāv haĩn. bhūmikāmen amuk prakārake kaṣhāy manda (hote
PDF/HTML Page 626 of 1906
single page version
hain), vah sab ātmārthīko to honā chāhiye. ātmākā jise prayojan hai, use bhūmikā anusār kaṣhāyoṅkā ras andarase kam ho jātā hai. us sambandhit to use hotā hai. shraddhā aur chāritrakā bhed paḍe, isaliye use usamen utanā pharka nahīn paḍatā ki dūsare kaṣhāy bahut ho jāya. yah to tattvakā hai. bākī dūsare sānsārik vyavahārik kaṣhāy bahut baḍh jāy, aisā nahīn hotā. ātmārthīko ātmākā prayojan ho to use bhūmikā bhī amuk prakārakī honī chāhiye.
mumukṣhuḥ- mukhyarūpase tattvakā doṣh shraddhāke doṣhamen lenā chāhiye. aur laukikamen bhī aise tīvra kaṣhāy nahīn hote ki jo sāmānya lokako bhī nahīn hote.
samādhānaḥ- nahīn hote. usakī bhūmikā, mumukṣhukī bhūmikā anusār honā chāhiye.
mumukṣhuḥ- aur khās to jab bhinna paḍe tab hī yathārtharūpase...
samādhānaḥ- yathārtha bhed tab hī paḍatā hai. pariṇati bhinna paḍe aur asthiratā bhinna rah jāya. use bhedagnān ho. tab hī use shraddhā aur chāritrakā doṣh vāstavikarūpase usakī pariṇatimen hote haĩn. tabatak use ras manda hue hote haĩn. sab pahalūse dekhā jātā hai. nakkī karake āshray ekakā liyā jātā hai. pratyek vastu vyavahāramen bhī nakkī kare, koī vyaktikā vah āshray letā hai, mān̐-bāpakā yā dūsarekā, to vyaktigat taur par āshray le usamen use bhed nahīn hai, usamen vichār nahīn hai. use vikalpa nahīn hai. usamen kyā guṇ hai, yah sab vichāramen ātā hai. āshray lenemen āshray ek vastukā (letā hai). chaitanyakā āshray lenemen ek vastu akhaṇḍa aise ātā hai. phir usamen guṇabhed par yā paryāyabhed par kahīn dr̥uṣhṭi (nahīn hotī). vibhāv to merā svabhāv hī nahīn hai. gnāyak ek vastu hai. vastumen kyā hai? aisā kuchh nahī̃n. astitvakā āshray-yah vastu main hūn̐, basa. gnāyak vastu main hū̃n. us vastukā āshray liyā.
mumukṣhuḥ- āshrayamen hūn̐-panākā anubhav karanā hai, hūn̐-pane anubhav karanā. gnāyak vahī main, aise hūn̐-pane anubhav karanā hai, vahān̐ gnān aisā (kahatā hai), yah guṇabhed, yah paryāyabhed teremen hain, tū hī hai, kuchh anya nahīn hai. arthāt ekamen hūn̐-panā karanā, dūsaremense chhoḍanā. vahān̐ shraddhā aur gnānakā viṣhay, thoḍā pharka karatā hai. ulajhan vahān̐ hotī hai ki shraddhāmen yah gnāyak hī hūn̐, aisā main anubhav karatā hūn̐ aur paryāy bhī... anya kuchh bhī main nahīn, yānī paryāyamātra bhī main nahīn hū̃n. nahīn hūn̐, isaliye gnānamen jaisā hai vaisā, parase bhinnatā aur atadabhāvarūp bhinnatā, vastu svarūpako jaisā hai vaisā khyālamen rakhakar, sarvathā itanā dr̥uṣhṭikā jor nahīn detā hai ki yah gnāyak hī main hūn̐, aur anya kuchh bhī main nahīn hū̃n.
samādhānaḥ- ... phir usamen use vikalpa nahīn hai ki yah paryāy main nahīn hūn̐
PDF/HTML Page 627 of 1906
single page version
yā yah guṇabhed main nahīn hū̃n. aisā vikalpa use nahīn hai. usane to ek astitvako grahaṇ kiyā hai. dr̥uṣhṭike andar gnān sāthamen hī juḍā hai. kitanā bhed, vibhāv aur svabhāv bhed hai, paryāyakā kitanā bhed hai, guṇakā kitanā bhed hai, in sabake khyālapūrvak dr̥uṣhṭikā jor hai. dr̥uṣhṭikā jor aisā nahīn hai ki paryāy ek dūsarī vastu hai. dr̥uṣhṭikā jor... jo shraddhā kī, shraddhāmen aisā jor hai ki yah paryāy bāhar laṭak rahī hai. aisā nahīn hai.
use dr̥uṣhṭike jorake sāth paryāyakā vedan hotā hai. vedan ādi sabakā gnānamen khyāl hai, parantu dr̥uṣhṭikā jor aisā nahīn thā ki gnānase virūddha hai. usake sāth, yah kitanā bhinna hai aur vah kitanā bhinna hai, sabake khyālapūrvak dr̥uṣhṭikā āshray hai. dr̥uṣhṭikā āshray aise nahīn hai ki gnān kuchh dūsarā kām karatā hai aur dr̥uṣhṭi koī dūsarā karatī hai, aisā nahīn hai.
(dr̥uṣhṭi) aisā kahatī hai ki meremen tū kuchh hai hī nahī aur gnān kahatā hai, meremen hai. aisā nahīn hai. kis prakārase hai aur kis prakārase nahīn hai, vah dr̥uṣhṭi aur gnān donon maitripūrvak kām karate haĩn.
mumukṣhuḥ- donon maitripūrvak kām karate haĩn.
samādhānaḥ- hān̐, maitripūrvak karate haĩn.
mumukṣhuḥ- arthāt gnān jis prakārase vastukā svarūp batātā hai, use rakhakar dr̥uṣhṭi..
samādhānaḥ- use rakhakar dr̥uṣhṭikā jor usī prakārase hotā hai. dr̥uṣhṭimen aisā nahīn ātā hai ki yah paryāyakā vedan hai, yah paryāy ā gayī, paryāy ā gayī. aisā nahīn hai dr̥uṣhṭimẽn. dr̥uṣhṭine to āshray hī grahaṇ kiyā hai. dr̥uṣhṭikamen vikalpa nahīn hai. dr̥uṣhṭimen kisī bhī prakārakā bhed nahīn hai. dr̥uṣhṭine astitva grahaṇ kiyā hai. phir usamen bākī sab ātā hai, usase bhāgatī hai, aisā usakā kārya nahīn hai. use khyāl hai ki yah guṇabhed, paryāyabhedakā viṣhay usamen gauṇ ho gayā hai. use dekhane vah rukatī nahī̃n. use to shraddhā karanī vahī usakā viṣhay hai. dr̥uṣhṭikā viṣhay shraddhākā jor (hai). main kaun hūn̐, usakī shraddhākā jor hai. gnān hai jo sab svarūp jānatā hai, usase koī alag hī usakā āshray hai aisā nahīn hai. donon maitripūrvak kārya karate haĩn. dr̥uṣhṭikā sab gnān toḍ de aur gnānakā sab dr̥uṣhṭi toḍ de (aisā nahīn hotā). donon maitripūrvak kārya karate haĩn. dr̥uṣhṭimen koī vikalpa nahīn hai. ek āshray grahaṇ karanā aur shraddhākā bal hai.
.. chaitanyamense utpanna huyī bhāvanā niṣhphal nahīn jātī hai, aisā bhagavānane kahā hai. aur vastukā svarūp hī aisā hai. bhagavānane kahā hai. jo vastu hai, use andarase jo pariṇati-bhāvanā utpanna ho, usakā kārya āye binā rahatā hī nahī̃n. yadi antaramen vah
PDF/HTML Page 628 of 1906
single page version
kārya na āye to vastu ṭik nahīn sakatī. antaramense jo bhāvanā utpanna huyī ho, usakī pariṇati jo ho, use hue binā rahatī hī nahī̃n. antarakī bhāvanā honī chāhiye. antarakī bhāvanā. chaitanyamense utpanna huyī bhāvanā ho.
mumukṣhuḥ- ananta tīrthaṅkaronne kahī huyī bāt hai. ek tīrthaṅkar parase sab tīrthaṅkaronne aisā kahā hai?
samādhānaḥ- jo mārga ek tīrthaṅkar bhagavān kahe, vah sab bhagavān kahate haĩn. mārga to ek hī hai. tīnon kālamen ek hī mārga hai. muktikā mārga ek hī hai. ek bhagavān yā sab bhagavān, ek hī bāt kahate haĩn. usamen alag nahīn hotā. muktikā mārga, svānubhūtikā muktikā mārga ek hī hotā hai. usamen dūsarā nahīn hotā. yah to bhāvanākī bāt hai na. yadi antarase utpanna huyī bhāvanā ho (aur pariṇati na ho) to chaitanya ṭik hī nahīn sakatā. yadi usakī bhāvanā (anusār) pariṇati na ho, jaisī use antarase bhāvanā huyī ho, us rūp yadi pariṇati pariṇame nahīn to vah chaitanya ṭik hī nahīn sakatā.
antarakī bhāvanā honī chāhiye. antarakī usakī shraddhākī pariṇati, gnānakī pariṇati, chāritrakī pariṇati, use yadi antarase bhāvanā ho to us rūp usakā pariṇaman hue binā rahe nahī̃n. usakā mārga vah andarase dravya hī ḍhūn̐ḍh letā hai, dravya hī usakā kārya kar letā hai. us prakārase dravya kārya na kare to dravyakā nāsh ho jāya. ekakā nāsh ho to sabakā nāsh ho jāya. vastukā svarūp aisā hotā hī nahī̃n. aisī usakī shraddhākī pariṇati, gnānakī, chāritrakī pariṇati antaraṅgase pariṇaman hue binā rahe hī nahī̃n. antaramense dravya hī svayam mārga karake svayam svayaṅkā āshray grahaṇ karake svayam hī pahun̐ch jātā hai. (chaitanyakī) or jo pariṇati jāy, usakī shuddharūp pariṇati hotī hai. usakī bhāvanā (antarakī ho to). bāharakī bāt alag hai, yah to antarakī bāt hai. antaraṅg sachchī bhāvanākī bāt hai.
pratyek dravya nij svarūparūp pariṇamatā hai aur usakī pariṇatikī gati, jo apanī bhāvanā (ho) arthāt jis or usakā jhukāv ho, us rūp dravya usakī pariṇati pragaṭ kiye binā rahatā hī nahī̃n. vastukā svabhāv aisā hai. nahīn to vah dravya hī nahīn ṭike, dravya hī na rahe.
mumukṣhuḥ- kudarat bandhī huyī hai.
samādhānaḥ- kudarat usake sāth bandhī huyī hai. kudarat yānī vastukā svarūpa. kisīne bhāvanākā prashna ho, usamense āyā hai. sab bhāvanā-bhāvanā karate haĩn. andar sachchī bhāvanā ho to pragaṭ hue binā rahe hī nahī̃n. antaramense svayam dravya hī mārga kar letā hai. bhagavānane
PDF/HTML Page 629 of 1906
single page version
kahī huyī bāt hai arthāt vastukā svarūp hī aisā hai. sab bahut kahate ho na, usamen aisā ā gayā hai.
mumukṣhuḥ- gurudevako to bahut hī anumodanā huyī thī. chaudah brahmāṇḍakā nāsh ho jāya.
samādhānaḥ- hān̐, brahmāṇḍakā nāsh ho jāy, vastukā nāsh ho jāy, yadi us rūp kārya na āve to. jo dravya ho, vaisī usakī bhāvanā ho to vaisī pariṇati hue binā rahatī nahī̃n.
mumukṣhuḥ- mātājī! bhāvanā to sabakī samyagdarshan prāpta karanekī dikhatī ho to usakā...?
samādhānaḥ- vah bhāvanā nahīn, yah bhāvanā alag hai. aisī bhāvanā. vah bhāvanā aisī hotī hai ki andarase mārga ho hī jāya. apanā dravya andarase mārga kiye binā rahe nahī̃n. vah bhāvanā ūparakī nahīn, antarakī bhāvanā ho usamen kārya āye binā rahatā hī nahī̃n. antarakā sachchā kāraṇ ho to kārya āye binā rahe hī nahī̃n. aisā vastukā siddhānta hai. kāraṇ hī yathārtha nahīn hai to kārya kahān̐se ho? ek hī mārga hai, isaliye ananta tīrthaṅkaroṅkī bāt usamen ā gayī hai.
mumukṣhuḥ- vartamānamen bīs tīrthaṅkar vahī kar rahe hain aur bhaviṣhyamen tīrthaṅkar hoṅge ve yahī bāt kareṅge.
samādhānaḥ- sab yahī bāt kaheṅge. bhagavānakī vāṇīmen ananta rahasya ātā hai. usamen vastukā svarūp aisā hai ki dravya svayam, svayaṅkī bhāvanā anusār pariṇati kiye binā rahatā nahī̃n. dravya svayam svatantra hai aur svayansiddha hai. apane āp pariṇatikī gati karatā hai. .. vah bhāvanā alag hai.
mumukṣhuḥ- ātmabhāvanā bhāvatā jīv lahe kevalagnān, vah bhāvanā.
samādhānaḥ- hān̐, vah bhāvanā. ātmabhāvanā bhāvatā lahe keval, vah bhāvanā alaga. atanrakī pariṇatikī bhāvanā alag hai. svayam hī mokṣhake panth par apanā kārya shurū kar detā hai.
mumukṣhuḥ- ...paḍhate samay āpakī dr̥uḍhatā aur usakā jor koī alag hī lagatā hai.
samādhānaḥ- us dinā ā gayī hai. bhāvanākī kuchh bāt huyī, usamense us vakta ā gayā hai.
mumukṣhuḥ- mātājī! koī-koī bār āpake mukhase aisī bāt nikal jātī hai ki andar choṇṭ lag jāya. aisī sundar rītase bāt ā jātī hai.