PDF/HTML Page 1772 of 1906
single page version

mumukShuH- gurudevako koI bAr pravachan dete samay mAno.nkI nirvikalpa dashA ho gayI ho, to ham jo bAhar pravachaname.n baiThe ho.n, unhe.n khyAl A sakatA hai?

samAdhAnaH- A sake aur na bhI A sake, dono.n bAt hai.n. dekhanevAlA chAhiye. apanI vaisI dR^iShTi ho to mAlUm paDe, nahI.n to nahI.n.

mumukShuH- aise dikhAv par-se to khyAl na Aye na?

samAdhAnaH- apanI aisI dekhanekI shakti chAhiye na.

mumukShuH- bAharame.n kuCh khyAl A sakatA hai?

samAdhAnaH- jo dekh sake vah dekh sakatA hai, sab nahI.n dekh sakate. usakI parIkShak shakti honI chAhiye.

mumukShuH- bIchame.n thoDA samayakA a.ntar rahatA hogA?

samAdhAnaH- paDe, lekin bAhar pakaDanA mushkil paDe. ek AdamI kuCh kAm karatA ho, to kAm karate vakta usake vichAro.nkA pariNaman kahA.N chalA jAtA hai. hAthakI kriyA kahI.n chalatI hai, to bAharakA manuShya kahI.n pakaD nahI.n sakatA ki usake vichArakI pariNati kahA.N jAtI hai. ek AdamI kisIke sAth bAtachIt karatA ho, dhIre-dhIre shAnti- se karatA ho, usakI pariNati kahA.N jAtI ho vah bAharakA manuShya pakaD nahI.n sakatA. vah to sthUl vibhAvakI pariNatime.n bhI aisA hotA hai. koI kAm karatA ho, kuCh karatA ho aur usake vichAr kahI.n chalate hai.n aur kAm kuCh hotA ho.

mumukShuH- dR^iShTAnta to barAbar hai. us prakAr vA.nchan karate-karate unake pariNAm ho jAy to khyAlame.n na Aye.

samAdhAnaH- aisI pariNati pakaDanI mushkil hai. yogakI kriyAme.n kuCh dikhe to mAlUm paDe, nahI.n to pakaDanA mushkil paDe.

mumukShuH- yogakI kriyAme.n kuCh pharka to paDatA hogA.

samAdhAnaH- dekhanevAlekI dR^iShTi par (nirbhar karatA) hai.

mumukShuH- mAtAjI! vANIme.n kuCh pheraphAr hotA hai?

samAdhAnaH- vANIkI sandhi chalatI hai.

PDF/HTML Page 1773 of 1906
single page version

mumukShuH- atya.nt Ashcharya ho aisI bAt hai. hamane to Apase savikalpa dashAkA varNan sunA to aisA hotA hai ki abhI tak to bAharake rAg-dveShake pariNAm-se hI mAp nikAlanekA prayatna karate the. jabaki j~nAnIkA pariNaman to pUrA bhinna hai.

samAdhAnaH- jagat-se bhinna pariNaman hai. koI vyaktike prashna pUChaneke bajAy samuchchay prashna pUChanA. ChaThave.n-sAtave.n guNasthAname.n munirAj a.ntarmuhUrta-a.ntarmuhUrtame.n jhulate hai.n. bAhar Aye to munirAjako sab sandhi hotI hai. shAstra likhate ho.n to bhI sandhi to aise hI chalatI hai. a.ntarmuhUrta-a.ntarmuhUrtame.n bhI bahut pheraphAr hote hai.n. kaun-sA a.ntarmuhUrta, kaisA a.ntarmuhUrta... j~nAnIkI dashA kShaN-kShaName.n bhedaj~nAnakI vartatI hai. j~nAyakadashAkI pariNati pUrI bhinna hotI hai.

mumukShuH- muni mahArAjako aisA vikalpa nahI.n hotA hai ki mai.n shreNi lagAU.N. unakI tIvratA itanI baDh gayI hai ki sahaj hI shreNi lagAte hai.n.

samAdhAnaH- vikalpa nahI.n hotA hai, mai.n shreNi lagAU.N aisA vikalpa nahI.n hotA. unakI pariNatikI gati hI aisA ho jAtI hai ki bAr-bAr svarUpame.n lInatA (ho jAtI hai). a.ntarame.n lInatAke alAvA bAhar Tik nahI.n sakate hai.n. aisI to dashA hai ki a.ntarmuhUrtase jyAdA to bAhar nahI.n sakate hai.n. a.ntarmuhUrta bAhar jAy utaneme.n a.ntarame.n pariNati palaT hI jAtI hai. usase jyAdA der ve bAhar Tik nahI.n pAte. pariNati utanI apane svarUpakI or chalI gayI hai ki apaneme.n itanI lIn pariNati hai ki bAhar Tik nahI.n sakate.

aisA karate-karate unakI pariNati itanI joradAr svarUp or jAtI hai ki usame.n- se unako shreNi lagatI hai. aisA vikalpa nahI.n karate hai.n ki mai.n shreNi lagAU.N. svarUpame.n itanI lInatA baDh jAtI hai, nirvikalpa dashAme.n itanI lInatA ho jAtI hai ki usame.n- se unhe.n shreNi lag jAtI hai. vah a.ntarmuhUrtakI dashA hai. aisI dashA ho jAy ki vikalpa to nirvikalpa dashAme.n buddhipUrvak ho jAy, parantu unhe.n svarUp lInatAkI aisI joradAr pariNati ho jAtI hai ki usame.nse shreNi lagAkar aur vah lInatA aisI hotI hai ki phir bAhar hI nahI.n Ate. aisI kShapak shreNi lagA de to andar lInatA huI so huI, sarva vibhAvakA kShay ho jAtA hai. vibhAv pariNatikA kShay ho jAtA hai isaliye karmakA bhI kShay ho jAtA hai. aur a.ntarame.n pariNati gaI so gaI, phir bAhar hI nahI.n Ate. aisI lInatA ho jAtI hai ki a.ntarmuhUrta bhI bAhar A jAte the, ve utanA bhI bAhar Tik nahI.n sakate. andar aisI lInatA ho gayI. sAdiananta (kAl) usame.n-hI Tik gaye. usame.n Tik gaye, pariNati Tik gayI to sAdiananta Ananda dashA pragaT huI. aur j~nAnakI nirmalatA ho gayI. j~nAnakI pariNatime.n ek a.ntarmuhUrtame.n jAnA jAtA thA, vah j~nAn ek samayame.n sab jAn sake aisI pariNati, vItarAg dashA huI isaliye j~nAn bhI vaisA nirmal ho gayA.

PDF/HTML Page 1774 of 1906
single page version

usakA svabhAv jo hai ek samayamee.n jAne, j~nAn dUsareko jAnane nahI.n jAtA, parantu apaneme.n j~nAnakI pariNati sva taraph hI muD gayI. svaya.n apaneko jAnate hue par sahaj hI j~nAt ho jAtA hai. pUrNa lokAlok aur svaya.n AtmA, AtmAke ananta guN-paryAy aur dUsareke svaya.nko jAnate hue sab j~nAt ho jAtA hai. aisI sahaj pariNati (ho jAtI hai). vikalpa nahI.n hotA ki mai.n shreNi lagAU.N, kevalaj~nAn nahI.n ho rahA hai. mujhe vItarAg dashA ho, mere svarUpame.n lInatA karu.N, mujhe bAhar kahI.n nahI.n jAnA hai. vibhAv pariNati suhAtI nahI.n. isaliye svarUpame.n aisI lInatA ho gayI. AtmAke alAvA mujhe kahI.n chain nahI.n hai. AtmAme.n utanI lInatA ho gayI ki phir bAhar hI nahI.n Ate. andar gaye so gaye, svarUpame.n samAye so samAye, bAhar hI nahI.n Aye. aisI pariNati hotI hai isaliye vItarAg dashA aur kevalaj~nAnakI dashA pragaT ho jAtI hai.

mumukShuH- koI bhI dashAkI ichChA nahI.n karI, AtmAme.n hI lInatA kI.

samAdhAnaH- koI dashAkI ichChA nahI.n hai. ek AtmAkI lInatA, Atma svarUpame.n sthir ho jAU.N, svarUpake alAvA kahI.n nahI.n jAnA hai. vibhAvame.n kahI.n nahI.n jAnA hai. ek svarUpame.n hI rahU.N. pariNati aisI jam gayI ki usame.n kevalaj~nAn ho gayA.

samyagdarshaname.n usakI pratIti itanI joradAr hai ki isIme.n lInatA karu.N. parantu vah lInatA amuk prakAr-se TikatI hai aur thoDA bAhar Ate hai.n. vah lInatAkA jor baDhate-baDhate usakI bhUmikA baDhatI hai. aur bhUmikA baDhate-baDhate munidashA Akar phir shreNi lagAte hai.n.

j~nAyakakI dhArA, bhedaj~nAnakI dhArA sahajapane vartatI hai. usame.n unhe.n svarUpame.n lInatA nirvikalpa dashA hotI hai, aisA karate-karate usakI bhUmikA baDh jAtI hai. svarUpakI lInatA baDhate-baDhate usakI bhUmikA chautheme.n-se pA.NchavI ho jAtI hai. lInatA baDhatI hai isaliye. usake anukUl jo jAtake shubhabhAv hote hai.n, vah bhAv Ate hai.n. usame.n amuk vratAdike Ate hai.n. aisA karate-karate lInatAkI-svarUpame.n rahanekI bhUmikA baDhatI jAtI hai isaliye ChaThavA.n-sAtavA.n guNasthAn aur munidashA ho jAtI hai. phir aisI dashA ho jAtI hai ki a.ntamuUrharta-se jyAdA bAhar Tik nahI.n sakate haiai.n. isaliye munidashA AtI hai. aur munidashAme.n rahate-rahate bAhar hI nahI.n jAy aisI lInatA ho jAtI hai isaliye shreNi lagAte hai.n.

mumukShuH- chaturtha guNasthAn-se Akhir tak lInatAkA ek hI puruShArtha hai.

samAdhAnaH- bas, vah lInatAkA puruShArtha hai. pahale samyagdarshanakI pratIti kA bal hotA hai. us pratItike balapUrvak lInatAkI pariNati hotI hai. lInatA arthAt chAritrakI dashA pragaT hotI hai. samyagdarshanapUrvak svarUpakA Alamban hai, pratItame.n svarUpakA-dravyakA

PDF/HTML Page 1775 of 1906
single page version

Alamban hai. us AlambanapUrvak lInatAkA jor baDhatA jAtA hai.

mumukShuH- aj~nAnIko bhI aisA dravyakA jor AtA hai, aj~nAn dashAme.n?

samAdhAnaH- samyagdR^iShTiko jaisA jor AtA hai, aisA jor-dravyakA Alamban nahI.n hotA hai. parantu usakI bhAvanApUrvak hotA hai. vah abhyAs karatA hai.

jo samyagdarshanakA jor hotA hai vah to yathArtha hai. use dravyakA Alamban barAbar hotA hai. apane astitvako grahaN karake yathArthapane jo Alamban liyA, bhedaj~nAn hokar Alamban liyA, vibhAv-se bhinna paDakar mai.n yah j~nAyak hU.N, aisA Alamban yathArthapane A gayA, us AlambanakA bal use alag hotA hai. vah Alamban aisA hotA hai ki pUrA jagat Dol uThe to bhI usakA Alamban andar-se TUTatA nahI.n. sadAke liye vah Alamban TikA rahatA hai, aisI usakI bhedaj~nAnakI dashA ho jAtI hai.

(mumukShuko) to abhyAsapUrvak hai. isaliye aisA Alamban use nahI.n hotA. AlambanakA abhyAs karatA hai. Alamban le, phir ChUT jAy, aisA sab hotA hai.

mumukShuH- ye to dhArAvAhI aur uttarottar vR^iddhigat hotA hai.

samAdhAnaH- vR^iddhi pAmatA hai, dhArAvAhI Alamban hai. jaisI vibhAvakI ekatvabuddhi (hotI hai), aisA joradAr use ChUTatA hI nahI.n. sadAke liye aisA (rahatA hai). use dravyake AlambanakA khaNDa nahI.n hai. j~nAyakakI pariNatikA khaNDa nahI.n hai. sab vikalpame.n, kShaN- kShaName.n, sab kAyAme.n, jAgate-sote dravyakA Alamban sadAke liye ChUTatA nahI.n. aisA use sahaj Alamban hotA hai. sahaj pratIti, sahaj Alamban, sahaj j~nAyakakI dhArA, chaitanyakI mahimA use aisI sahaj ho gayI ki use ChUTatA hI nahI.n. chaitanyake alAvA kuCh nahI.n, bas, ek usakA hI Alamban dR^iDhapane huA hai. aur usame.n lInatA baDhatA jAtA hai.

chaitanya ek mahA padArtha AtmA koI apUrva anupam hai. vah use grahaN ho gayA. j~nAyakakI j~nAyakarUp pariNati ho gayI. vah sadAke liye chAlU hI hai. jo chyUt ho gaye usakI koI bAt nahI.n hai. jisakI sahaj dhArA vartatI hai, jo Age jAnevAlA hai, use sadAke liye Alamban hotA hai. aur vahI usakI dashA hai. to hI vah samyagdR^iShTikI dashA hai. bhedaj~nAnakI dhArA ho to hI vah dashA hai. aur bhedaj~nAnakI dhArAke kAraN, use svAnubhUti bhI usI kAraN-se hotI hai. bhedaj~nAn j~nAyakakI dhArA ho to svAnubhUti hotI hai. svAnubhUtikI dashA usIme.n pragaT hotI hai.

mumukShuH- samakitIko sharIr-se bhinna, aisA to dhArAvAhI lagatA hI hogA na?

samAdhAnaH- sahaj hai. vikalpa-se bhinna vah sahaj hai to sharIr-se bhinna to usase bhI jyAdA sahaj hai. sharIr to sthUl hai. sthUl sharIr-se bhinna (lagatA hI hai). vikalpa- se bhinna, jo kShaN-kShaName.n vikalpa Ate hai.n, vikalpa aur vibhAv pariNatikI dhArA jo

PDF/HTML Page 1776 of 1906
single page version

kShaN-kShaName.n hotI rahatI hai, andar jo ekake bAd ek vikalpakI jAl chalatI hai, usase kShaN-kShaName.n bhinna, dhArAvAhI rUp-se bhinna rahatA hai to usame.n sharIr-se bhinna to A hI jAtA hai. sharIr-se bhinnatA vah to ek sthUl hai. usase bhI jyAdA sUkShma vikalpa-se bhinnatA hai.

mumukShuH- mAno.n koI dUsarA vikalpa kar rahA ho, utanA bhinna lagatA hai?

samAdhAnaH- vikalpa-se merA svabhAv bhinna hai. puruShArthakI mandatA-se hotA hai, parantu yah merA svabhAv nahI.n hai. usase bhinna bhedaj~nAn, j~nAtAkI pariNati vartatI hai.

mumukShuH- svabhAvame.n ekatva hai isaliye..

samAdhAnaH- svabhAvame.n ekatva hai, vibhAv-se vibhakta hai. jo vibhAv-se vibhakta huA, vah sharIr-se vibhakta ho hI gayA hai. dravyakarma, bhAvakarma, nokarma. bhAvakarma- se bhinna vartatA hai, vah dravyakarma, nokarma-se bhinna hI vartatA hai. sthUlatA-se sharIr- se bhinna, bhinna aisA kare, aur andar-se bhinna nahI.n paDA to vah vAstavik bhinna hI nahI.n huA. koI sthUlatA-se aisA kahe ki mai.n sharIr-se bhinna-bhinna (hU.N). parantu yadi vikalpa-se bhinna nahI.n pariNamatA hai to sharIr-se bhinna, vah mAtra abhyAsarUp hai.

mumukShuH- to chAritrake doShako andar thoDA bhI nahI.n ginanA? samakit prApta honeme.n shraddhAnakA hI doSh hai?

samAdhAnaH- samyagdarshan prApta honeme.n shraddhAkA hI doSh hai. chAritrakA doSh to usake sAth-shraddhAn sambandhit svarUpAcharaN chAritra hai vah A jAtA hai. parantu use chAritrame.n ginaneme.n nahI.n AtA hai. vah shraddhAme.n hI kahaneme.n AtA hai. chAritrakA doSh shraddhAko nahI.n rokatA. shraddhAko shraddhAkA doSh hI rokatA hai. anantAnubandhI jo kaShAy hai, us kaShAyako shraddhAke sAth sambandha hai. vah shraddhA jisakI badale, use anantAnubandhI kaShAy Tal hI jAtA hai. use shraddhAke sAth sambandha hai. isaliye ananta kAl-se shraddhAkA doSh hai.

mumukShuH- to sa.nyam aur nItiko bilakUl bIchame.n lAnA hI nahI.n?

samAdhAnaH- jise AtmAkI ruchi lage, jise AtmA hI chAhiye dUsarA kuCh nahI.n chAhiye, use nIti Adi sab hotA hI hai. amuk pAtratA to use hotI hai. jise shraddhA palaT jAtI hai use amuk jAtakA shraddhAke sAth jise sambandha hai, aisI pAtratA to hotI hai. pAtratAke binA nahI.n hotA.

mumukShuH- avinAbhAvI kahe.n to usame.n kyA dikkat hai?

samAdhAnaH- avinAbhAvI to hai, parantu vah anantAnubandhI kaShAyake sAth sambandha hai. use apratyAkhyAnI aur pratyAkhyAnIke sAth sambandha nahI.n hai. anantAnubandhI kaShAyake sAth sambandha hai. isaliye amuk jAtakI use pAtratA hotI hai. usakI ruchi jahA.N palaTatI

PDF/HTML Page 1777 of 1906
single page version

hai, ki ek AtmA hI chAhiye, jahA.N AtmArthItA hotI hai, ek AtmAkA hI prayojan hai, usake kaShAy manda hote hai.n. use viShay kaShAyo.nkI lAlasA TUT jAtI hai. ek AtmA chAhiye, dUsarA kuCh nahI.n chAhiye. aisI usakI a.ntar-se pariNati ho jAtI hai. usakA nIti, nyAyake sAth sambandha hotA hai.

mumukShuH- samyagdarshan honeke bAd nIti jyAdA baDhatI hai, aisA hai?

samAdhAnaH- nItikA samyagdarshanake sAth jitanA sambandha hai utanI hotI hai. vyavahAr- se ayogya ho aisI anIti usako nahI.n hotI. samyagdarshanake sAth bhI nItikA sambandha hai. samyagdarshan hone pUrva bhI nItikA sambandha hotA hai. samyagdarshan honekA bAd kahI.n anItike kArya kare aisA nahI.n hotA. samyagdarshan honeke bAd chAhe jaisA AcharaN kare to koI doSh nahI.n hai, aisA nahI.n hai. use chAhe jaisA AcharaN hotA hI nahI.n.

jise svarUp maryAdA ho gayI hai, svarUp-se jo bAhar nahI.n jAtA hai, svarUpako ChoDakar vibhAvake sAth ekatvabuddhi nahI.n karatA hai, jo svarUpakI maryAdAme.n hI rahatA hai, a.ntarame.n utanI maryAdA A gayI hai, use svarUpAcharaN chAritra aur bhedaj~nAnakI dhArA vartatI hai, j~nAyakakI dhArA (vartatI hai), jo kartA nahI.n hotA, svarUpame.n itanI maryAdA A gayI, use bAharakI maryAdA, use vibhAvame.n maryAdA A hI jAtI hai. jo svarUpame.n- se bAhar nahI.n jAtA hai, use amuk maryAdA hotI hai. to use vibhAvakI, rAgakI sabakI maryAdA hai. use nItike amuk kArya hote hI hai.n. use sabame.n maryAdA A jAtI hai.

jise andarame.n maryAdA ho gayI, j~nAyakako ChoDakar kahI.n jAtA nahI.n, j~nAyakakI dhArAke alAvA usakI pariNati kahI.n ekatva nahI.n hotI, to usake pratyek kAryame.n maryAdA hotI hai. maryAdA rahit nahI.n hotA. usakI bhUmikAke yogya use sab hotA hI hai.

mumukShuH- si.nhake bhavame.n mahAvIr bhagavAnako jo samakit prApta huA, to mu.Nhame.n to abhI mA.ns thA.

samAdhAnaH- vah ChUT jAtA hai. phir to usane ChoD diyA. mu.Nhake sAth koI sambandha nahI.n hai. a.ntar-se pariNati palaT gayI aur ChUT gayA, AhAr-pAnIkA tyAg kar diyA hai. jahA.N samyagdarshan huA, vahA.N si.nhane AhArakA tyAg kar diyA hai. tyAg karake sa.nthArA kiyA hai aur devalokame.n gayA hai. usane ChoD diyA, AhAr hI ChoD diyA hai. jahA.N samyagdarshan, svAnubhUti huyI, pariNati palaT gayI vahA.N AhAr ChoD diyA.

mumukShuH- merA kahanA aisA hai ki jo samyagdarshan prApta hotA hai, usake pahale hey aur upAdeyakA vivek karane jAy ki usake pahale AtmAkA svasa.nvedan karanekA prayatna kare?

samAdhAnaH- jo svasa.nvedan or muDA usame.n hey-upAdey sAthame.n hI hotA hai. sab

PDF/HTML Page 1778 of 1906
single page version

sAthame.n ho jAtA hai. si.nhake bhavame.n sab sAthame.n A gayA. pariNati ekadam narma ho gayI, andar pAtratA pragaT ho gayI, are..! ye mai.n kyA kar rahA hU.N? aisA ho jAtA hai. a.ntar svarUp or muD jAtA hai. sab sAthame.n ho jAtA hai. are..! ye vibhAvadashAme.n mai.n kahA.N A gayA? svabhAv or pariNati palaT jAtI hai. sab sAthame.n (ho jAtA hai).

yathArtha palaTanA kab kahA jAy? ki andar bhedaj~nAn huA taba. aur us yathArtha palaTaneke sAth sabakA avinAbhAvI sambandha hai. usake pahale use pAtratAke amuk bhAv Ate hai.n, are..! ye mai.n kyA kar rahA hU.N? aisA vikalpa Aye. parantu yathArtha prakAr- se jab ChUTatA hai tab ekasAth ChUT jAtA hai.

mumukShuH- Apane kahA ki tIkhA aur ugra puruShArtha karanA paDegA. usame.n jyAdA vA.nchan karanA? jyAdA satsa.ng karanA? jyAdA dhyAn karanA?

samAdhAnaH- a.ntar pariNatikA jyAdA puruShArtha karanA. usame.n jahA.N usakI ruchi lage, use vA.nchaname.n pariNatiko jyAdA lAbhadAyI dikhe to vA.nchaname.n juDe, vichArame.n jyAdA lAbh lage to usame.n juDe, use satsa.ngame.n lAbh hotA ho to usame.n juDe. use jahA.N lAbh hotA ho vah kare. parantu andar puruShArtha, andar j~nAyakakI ugratA kaise ho, j~nAyakadhArAkI aur mai.n kaise mere chaitanyakI or merI pariNati dR^iDh ho, merI pratIti dR^iDh ho, mai.n chaitanya hI hU.N, yah mai.n nahI.n hU.N, usake puruShArthakA dhyey ek hI hai. us dhyeyake sAth jahA.N-jahA.N usake pariNAmako ThIk paDe, jahA.N usake pariNAm Tik sake aur vR^iddhi ho, aise kAyAme.n juDe.

dhyAname.n use ThIk lage to dhyAname.n juDe. parantu dhyAnake sAth yathArtha j~nAnake vichAr, yathArtha j~nAnapUrvak dhyAn hotA hai. apane svabhAvako pahachAne vichAr karake ki yah j~nAyak hai vahI mai.n hU.N. phir usame.n ekAgra honekA prayatna kare. vah ekAgratA usakA dhyAn hai. usame.n dhyAn-se ugratA hotI ho to dhyAn kare. parantu vah dhyAn j~nAnapUrvakakA dhyAn honA chAhiye. binA samajhe dhyAn kare yA vikalpa ChoDe, kahA.N khaDe rahanA? apanA astitva grahaN kiye binA, samajh binA hI dhyAn kare to koI lAbh nahI.n hai. samajhakar dhyAn kare ki mai.n yah chaitanya hU.N aur yah mai.n nahI.n hU.N. phir usame.n ekAgra honekA tIkhA puruShArtha kare to lAbh ho. lekin vah yathArtha samajhapUrvak honA chAhiye.

ekAgratAkI ugratA karake vibhAv-se bhinna paDanekA prayatna kare. parantu usako yathArtha j~nAn karaneke liye vichArake sAth vA.nchan, satsa.ng, yathArtha j~nAn karaneke liye vah hotA hai. phir ekAgratA karaneke liye vah dhyAn kare, parantu samajhapUrvakakA dhyAn honA chAhiye. j~nAnapUrvakakA dhyAn honA chAhiye.

mumukShuH- jo vA.nchan karane-se, jo vichAr karane-se AtmA vibhAvase, vibhAvake

PDF/HTML Page 1779 of 1906
single page version

kAyAse bhinna nahI.n huA vah vA.nchanA, paDhanA mithyA hai. to hamArI samajhake sAth-sAth hey aur upAdeyakA vivek kyo.n pragaT nahI.n hotA hai? yA ham sirpha dikhAv karaneke liye yahA.N Ate hai.n yA phir AtmaprAptikI kuCh ichChA nahI.n ho rahI hai? bhavabhramaNakA trAs nahI.n lagatA hai?

samAdhAnaH- puruShArthakI mandatA hai. mumukShuH- Ap j~nAnI ho.n isaliye Apake pAs baiThate hai.n. samAdhAnaH- dikhAneke liye nahI.n parantu apanI ruchikI mandatA hai, puruShArthakI mandatA hai. andar utanI lagI nahI.n hai ki yah ChUTakar andar jAnA hai. utanI ugratA nahI.n hai. utanI ugratA nahI.n hotI hai tabatak vichAr, vA.nchan, satsa.ng karatA rahe, parantu a.ntarame.n karanA vahI hai. bhedaj~nAnakI pariNati karanA vah hai, usakI ekAgratA karanI. chAritrapUrvakakA dhyAn bAdame.n munidashAme.n ho, parantu ye samyagdarshan sambandhit dhyAn, yA bhedaj~nAn ho aisA dhyAn pahale hotA hai. parantu vah dhyAn j~nAnapUrvakakA dhyAn honA chAhiye. yathArtha j~nAn ho to vah dhyAn yathArtha hotA hai. parantu utanI svaya.nkI mandatA hai. vichAr, vA.nchan, satsa.ng karake bAra.nbAr nakkI kare, use dR^iDh kare. jabatak na ho tabatak satsa.ng, vichAr, vA.nchan karatA rahe. nahI.n ho rahA hai usakA kAraN apanI mandatA hai. dikhAneke liye karatA hai aisA nahI.n, parantu mandatA hai.