PDF/HTML Page 225 of 1906
single page version

mumukShuH- ...

samAdhAnaH- svabhAvako sImA nahI.n hotI, svabhAv to ananta hotA hai, vibhAvako sImA hotI hai. vibhAv ananta nahI.n hai. svabhAv ananta.. ananta.. ananta svabhAv (hai). svabhAv pariNati pragaT ho to ananta kAl parya.nt pariNaman chalatA hai. ananta kAl parya.nta. svabhAvame.n anantatA bharI hai. vibhAvame.n anantA nahI.n hai. apanA svabhAv nahI.n hai to kahA.N- se anantatA Ave? sImAvAlA hai. vibhAvakI maryAdA ho jAtI hai. adhyavasAn asa.nkhyAt hote hai.n, usame.n anantatA nahI.n hotI. svabhAv ananta hotA hai.

paryAy apekShAse dravyame.n hAni-vR^iddhi hai, dravya apekShAse nahI.n hai. paryAy apekShAse aisA kahate hai.n ki kevalaj~nAn pragaT huA, lokAlokakA j~nAn pragaT huA, kevalaj~nAn shaktirUp ho gayA, aisA sab paryAy apekShAse (kahaneme.n AtA hai). kevalaj~nAn pragaT nahI.n hai, kevalaj~nAn shaktime.n hai, aisA sab kahaneme.n AtA hai. dravya apekShAse vastu jaisI hai vaisI hai. usame.n vAstavikarUpase kuCh kam nahI.n huA hai, kuCh baDhA bhI nahI.n hai. parantu paryAyakI apekShAse- pariNatikI apekShAse aisA kahA jAy ki usame.n kevalaj~nAnakI paryAy pragaT huI, kevalaj~nAnakA vikAs huA. nigodame.n jAye tab thoDA kShayopasham rahatA hai, aisA kahA jAya. vah sab paryAy apekShAse kahaneme.n AtA hai. dravya apekShAse hAni-vR^iddhi nahI.n hotI, parantu paryAy apekShAse hai. paryAy apekShAse pariNati shuddha ho to usame.n agurulaghu paryAyakI tAratamyatA hAni-vR^iddhi (hotI hai). aisA vastukA svabhAv to rahatA hai. anantaguN vR^iddhi aur anantaguN hAni. us prakArase dravya svataH pariNamatA hai. aisA dravyakA svabhAv hai. paryAyame.n vaisA hotA hai. vah paryAy dravyakI hI hai. dravyakI paryAyame.n bhI aisI tAratamyatArUp dravya pariNamatA hai. paryAyakI orase, pariNatikI orase dekhe.n to usame.n hAni-vR^iddhi us prakArase lAgU hotI hai. parantu dravya apekShAse lAgU nahI.n paDatI.

jo agurulaghu hai usakI vAstavik hAni-vR^iddhi nahI.n hotI ki kevalaj~nAn huA to j~nAn baDh gayA aur j~nAn kam ho gayA, aisA nahI.n hai. usakI paryAyame.n tAratamyatArUp pariNamatA hai. ye to j~nAn shaktime.n kevalaj~nAn ho gayA, phir kevalaj~nAn pragaT hotA hai. vah to usake vikAsakI apekShAse hai. svabhAvakA Ashray le, dravyakA Ashray le to

PDF/HTML Page 226 of 1906
single page version

dravyakI orakI jo shuddha paryAye.n pragaT hotI hai. isaliye paryAy binAkA dravya nahI.n hai. dravyame.n paryAy hai, paryAye.n hotI hai, pariNati hotI hai. aur paryAyakI apekShAse hAni- vR^iddhi lAgU paDatI hai. paryAy apekShAse. dravya apekShAse lAgU nahI.n paDatI. paryAy apekShAse sAdhanAkI paryAy pragaT huyI. samyagdarshan, ChaThThA-sAtavA.N guNasthAn, Age baDhA, paryAyame.n shuddhi baDhatI gayI, shreNI lagAyI, sab paryAy apekShAse kahA jAtA hai. kevalaj~nAn pragaT huA, sab paryAy apekShAse hai. aur vah paryAy dravyakI hI hai. isaliye dravya aur paryAyako abhed karake kahe.n to dravya shuddharUp pariNamit huA, dravyame.n kevalaj~nAn huA, dravya apekShAse aisA kahA jAye. dravya aur paryAy, dono.nko abhed karake kahe.n to.

aur paryAy aur dravya, aise bhed karake kaho to dravyame.n kuCh nahI.n hai, dravya to anAdiananta jaisA hai vaisA hI shuddha hai. bAkI paryAyame.n sab (pheraphAr hotA hai). aur paryAy kahI.n paDI hai aur dravya kahI.n paDA hai, dravya kuCh alag hI vedan karatA hai aur paryAyame.n kuCh aur hI vedan hai, aise do bhAg nahI.n hai. vah sab vedan svaya.nko hI hotA hai. (paryAyakA) vedan koI aur kare aur (dravyakA) vedan koI aur kare, aisA nahI.n hai. jo paryAyame.n hotA hai usakA use j~nAn hotA hai ki yah paryAyakA vedan hai, yah dravya hai, yah paryAy hai, j~nAname.n sab khyAlame.n hotA hai. kyo.nki dravya aur paryAy sab abhed hai. vaise do TUkaDe nahI.n hai ki bilakUl do dravya ho, aise do TUkaDe nahI.n hai. bhed apekShA hai (usame.n) dravyakA svarUp aur paryAyakA svarUp ek kShaN mAtra hai aur vah anAdiananta hai, shAshvat hai. is apekShAse usakA svarUpabhed hai, parantu vastubhed nahI.n hai.

mumukShuH- mAtAjI! AtmAnubhUtike pahale pramAN, nay, nipekShase AtmAkA kaisA nirNay karanA?

samAdhAnaH- jAnanA chAhiye. AtmAkA dravya apekShAse kyA svarUp hai, paryAy apekShAse kyA svarUp hai. pramAN apekShAse dravya aur paryAy dono.nkA svarUp samajhe. dravyadR^iShTiko mukhya rakhe. dR^iShTime.n mukhya dravya hotA hai, paryAy gauN hotI hai. nay aur pramANase aisA vichAr kare.

mumukShuH- aur nikShepase?

samAdhAnaH- khAs to mukhya nay aur pramAN hotA hai. nikShep to bIchame.n AtA hai koI AkShep karaneko. yah vastu hai, bhagavAnakI pratimA hai to bhagavAn hai, nikShep aise hotA hai. koI bhaviShyame.n kevalaj~nAnI honevAlA hai to use vartamAname.n kevalaj~nAnI hai, aisA kahanA vah nikShep hai. Age honevAle hai.n, bhUtakAlame.n ho gaye hai.n, use vartamAname.n kahanA-AkShep karanA vah nikShepame.n hotA hai. aisA nayame.n bhI hotA hai, nikShepame.n bhI hotA

PDF/HTML Page 227 of 1906
single page version

hai. sthApanA karatA hai. sthApanA nikShep, dravya nikShep, bhAv nikShepa. AkShep karatA hai, bhUtakA, vartamAn, bhaviShyakA. sAdhanAme.n nay aur pramAN dono.n sAthame.n rahate hai.n. nikShep to bIchame.n AtA hai.

mumukShuH- dravya-guN-paryAyase vichArame.n AtmAkA nirNay karanA aur pramAN-nayase nirNay karanA ek hI bAt hai yA dono.nme.n kuCh a.ntar hai?

samAdhAnaH- dono.n ek hai. ekame.n A jAtA hai. dravya-guN-paryAy vAstavik samajhame.n Aye to usame.n nay aur pramAN A jAtA hai. dravyakA svarUp samajhe, paryAyakA samajhe, dravya mukhya, paryAy gauN, ashuddha kis apekShAse hai, shuddha kis apekShAse hai yah sab samajhe. apekShAkI bAt samajhanI chAhiye. dravya-guN-paryAy kaise hai.n, usame.n kaun-sI apekShA lAgU paDatI hai. usame.n jo apekShAkI bAt AtI hai usame.n nay aur pramAN A jAte hai.n. dravya-guN-paryAyakA svarUp samajhe to guN kis apekShAse hai aur paryAy kis apekShAse hai, dravya kis apekShAse hai, usame.n apekShA samajhe to usame.n nay aur pramAN dono.n A jAte hai.n. dravya-guN-paryAy samajhe usame.n sAthame.n apekShA samajhe to nay aur pramAN sAthame.n A jAte hai.n. paryAyako samajhe usame.n sAthame.n apekShA samajhanI chAhiye, to usame.n nay aur pramAN A jAte hai.n.

mukhya kare, gauN kare, dravya-guN-paryAyakA svarUp samajhe. usame.n mukhya kaun, gauN kaun, usakA kyA svarUp, vah sab samajhanA chAhiye. nay aur pramANase samajhanA chAhiye. guNakA yah svarUp, paryAyakA yah svarUp, dravyakA yah svarUp, usame.n apekShAse samajhe usamee.n nay-pramAN AtA hai.

mumukShuH- dravyatvabhAv shaktirUp hai aur shaktike sAmane dR^iShTi rakhanese athavA dR^iShTime.n shakti par vajan denese paryAyame.n shuddhatA hotI hai. to shaktime.nse to koI... shakti to utanI kI utanI sa.npUrNa hI rahatI hai. to sirpha dR^iShTi denese hI shuddhatA A jAtI hai?

samAdhAnaH- shakti to utanI kI utanI rahatI hai, vah sab dravya apekShAse kahaneme.n AtA hai. lekin pragaT hotI hai, vah paryAy apekShAse pragaT bhI hotI hai. shakti jaisI hai vaisI, utanI kI utanI rahatI hai. usame.n kuCh baDhatA nahI.n, usame.n kuCh ghaTatA nahI.n, vah sab dravya apekShAse hai. parantu paryAy apekShAse esA kahaneme.n Aye ki dravyake Ashrayase shuddha paryAy pragaT huI, dravyame.nse paryAy pragaT huI, samyagdarshan pragaT huA, ChaThThA-sAtavA.N guNasthAn pragaT huA, vah sab kahaneme.n Aye vah sab paryAy apekShAse pragaT bhI hotA hai. shakti apekShAse dravya jaisA hai vaisA hai. parantu pragaT bhI hotA hai, aisI ek apekShA paryAyakI hai. kuCh pragaT hI nahI.n hotA aisA nahI.n hai. kevalaj~nAn pragaT huA, vItarAgadashA pragaT huI, chAritra pragaT huA, chAritra shakti me.n anAdiananta vaisAkA vaisA, jaisA hai

PDF/HTML Page 228 of 1906
single page version

vaisA hai, vah dravya apekShAse kahaneme.n AtA hai. parantu chAritrame.n mithyAchAritra ho gayA, dR^iShTi bAhar gayI hai, svarUpAcharaN chAritra pragaT huA, vah sab paryAy apekShAse pragaT hotA hai. isaprakAr kuCh pragaT nahI.n hotA hai, dravyame.nse kuCh pragaT hI nahI.n hotA hai, aisA nahI.n hai. paryAy apekShAse pragaT hotA hai, dravya apekShAse jaisA hai vaisA hai.

mumukShuH- aisA hI dravyakA adabhut sAmarthya hai.

samAdhAnaH- vah adabhut sAmarthya hai.

mumukShuH- dravyatva vaisAkA vaisA rakhakar, paryAyame.n..

samAdhAnaH- hA.N. dravya-guName.n vaisAkA vaisA rakhakar, paryAyame.n hAni-vR^iddhi (ho), paryAy pragaT ho, paryAy vibhAvarUp huyI, paryAy svabhAvarUp huyI, vahI paryAy visheSh pragaT huyI, vah sab hotA hai.

mumukShuH- use bhI dravyakA sAmarthya kahaneme.n AtA hai?

samAdhAnaH- vah dravyakA sAmarthya hai.

mumukShuH- dravyakI hI adabhutatA hai.

samAdhAnaH- dravyakI adabhutatA hai. ek apekShAse dravyame.nse kuCh pragaT nahI.n hotA. paryAyame.nse paryAy (pragaT hotI hai), aisA kahaneme.n AtA hai. parantu dravyame.nse paryAy pragaT huyI, dravyame.nse pragaT hotI hai, aisA bhI ek apekShAse hai.

jAnanevAlA j~nAn dravyame.nse pragaT huA, koI nirAdhAr pragaT nahI.n huA hai. lokAlokako jAnanevAlA jo j~nAn thA, vItarAgadashA, nirmalatA dravyame.n pragaT huyI. dravyame.n yAnI vItarAgI pariNati dravyakI pragaT huyI, dravyame.n kevalaj~nAn pragaT huA. j~nAn lokAlokakI nirmalatArUp dravya pariNamit huA, aisA hai.

mumukShuH- ... shakti bhI rakhatA hai aur pUrNatA bhI dravya hI pragaT karatA hai.

samAdhAnaH- hA.N, dravya hI pUrNatA pragaT karatA hai aur dravyakI shaktime.n kuCh hAni- vR^iddhi nahI.n hotI. pUrNa Ananda huA. use sab pragaT ho gayA, phir dUsare samayame.n kyA pariNaman AyegA? aisA nahI.n hai. utanA pragaT ho gayA hai phir bhI ananta-ananta hai. dUsare samaye utanA kA utanA pragaT hotA hai. itanA sab dravyame.n bharA thA, vah sab pUrNa sAmarthya, pUrNa vItarAgadashA aur pUrNa kevalaj~nAn ek samayame.n sabame.n pahu.Nch jAye, tIn kAl tIn lok sabame.n ek samayame.n pahu.Nch gayA, vah to pUrNa pragaT ho gayA, ab dravyako kyA karanA bAkI rahA? dUsare samayame.n vaisA hI ananta (pragaT hotA hai). dUsare samay usakI pariNati vaisI hI khaDI rahatI hai. ananta kAl parya.nt pariName to bhI dravyame.nse kuCh kam nahI.n hotA. utanA pragaT ho gayA to bhI.

mumukShuH- akShay ghaDA hai.

PDF/HTML Page 229 of 1906
single page version

samAdhAnaH- akShay ghaDA hai. utanAkA utanA hai. jitanA pragaT huA, vikasit huA to bhI utanA hI hai. shaktime.n thA to bhI utanA hI thA. shaktime.n thA utanA vedaname.n nahI.n AtA thA, ab vedaname.n pUrNa ho gayA to bhI dUsare samay utanAkA utanA hai. dravyakA aisA hI koI achi.ntya sAmarthya hai.

dravyakI apekShA, paryAyakI apekShA, in dono.nkI sa.ndhi karake samajhanA, vah dravyakA svarUp koI adabhut hai. mAtra dravya apekShAko alag kare aur paryAyame.n kuCh nahI.n hai, paryAy nirAdhAr rah gayI, aisA nahI.n hai. dravyakA sAmarthya aisA hai. paryAyakA svarUp hai vah dravyakA hI svarUp hai. paryAy koI achi.ntyasvarUp hai. anAdiananta rahe aur vartamAn pariNati kare. anAdiananta dravya pariNamatA nahI.n koI apekShAse kahaneme.n Aye, phir koI apekShAse (aisA kahe ki) dravya pariNamatA hai. dravyame.n to koI hAni-vR^iddhi hotI hI nahI.n. dravya to vaisAkA vaisA kUTastha kahaneme.n AtA hai. punaH dravya pAriNAmik hai. vah kaisI virodhI bAt hai. kUTastha hai aur pAriNAmik hai. pAriNAmik hai to pariNamatA rahatA hai. aisA kahaneme.n AtA hai ki paryAy pariNamatI hai. lekin paryAy kahA.N pariNamatI hai? dravyame.n pariNamatI hai ki paryAy bAhar pariNamatI hai? paryAy koI alag dravyakI bhA.Nti nahI.n pariNamatI. dravya svaya.n, pAriNAmikabhAvase dravya svaya.n pariNamatA hai. aisA dravyakA adabhut svarUp hai.

mumukShuH- dono.nkI sa.ndhipUrvak pUrI bAt vichAranI chAhiye.

samAdhAnaH- sa.ndhipUrvak dono.nko samajhanA chAhiye. .. Ananda A gayA, ab dUsare samayame.n dUsarA Ananda kahA.N-se AyegA? ek samayame.n guN pUrA ho gayA. ab khatma ho gayA, ab dUsarA kahA.N-se AyegA? yah koI aisA dhan nahI.n hai. dhan gharame.n ikaTThA huA, pUrA dhan kharcha kar diyA, ab kyA? aisA nahI.n hai. pUrA kahaneme.n AtA hai, phir bhI vah to vaise hI dravyame.nse Ate hI rahatA hai. usame.n khatma hotA hI nahI.n. ab dravyakI shakti kam ho gayI, ab dravyame.n kuCh nahI.n hai, aisA mAne to bhI galat hai. dravyame.n ananta shakti hai. shakti hai, nigodame.n jAye to bhI utanI kI utanI shakti hai, pUrNa sAmarthya hai aur pragaT ho to bhI (utanA hI hai).

pragaT honevAlA bhI svaya.n hai. shakti nahI.n hai aisA lage to aisA nahI.n hai. pragaT ho to bhI vaisA kA vaisA hai.

mumukShuH- ... dravyakI hai.

samAdhAnaH- dono.n dravyakI hai. kShaNikarUp pariNamit honevAlA dravya bhI dravyakA svarUp hai. lekin usakA svarUp samajhanA ki dravyame.n ek bhAg aisA hai ki kShaN- kShaName.n pariNati hotI hai. dUsarI-dUsarI paryAy AtI hai. aur usakA ek bhAg anAdiananta

PDF/HTML Page 230 of 1906
single page version

vaisAkA vaisA rahatA hai. dravya anAdiananta aur paryAyame.n (aisA hai), dono.nko samajhanA. usake do bhAg kar de (aisA nahI.n honA chAhiye).

mumukShuH- shabdame.n to aisA Aye ki ek bhAg, phir bhI...

samAdhAnaH- nahI.n, do bhAg nahI.n hai. dravyake do bhAg hai, vaise do bhAg nahI.n hai. apekShAse bhAg hai. ... sa.nkhyA Adise bhed hai. usakA svarUp bhinna-bhinna hai. svarUpabhedase bhed hai, vastubhedase bhed nahI.n hai.

mumukShuH-.... aur bhagavAn gharame.n virAjamAn kiye hai.n...

samAdhAnaH- gurudevakI vANI sharaN hai. gurudevane sabako bahut upadesh diyA hai. karanA vahI hai. dikhAI detA hai ki sa.nsAr aisA hai. aisA samay Aye tab kisIke sAth koI sambandha nahI.n hai. jab AyuShya pUrNa hotA hai tab ... koI use rok nahI.n sakatA. sa.nsAr aisA hI hai. yah sharIr aur AtmA bhinna hai, pratyakSha dikhatA hai. AtmA svaya.n chalA jAtA hai. koI rokI nahI.n sakatA. isaliye andar jo sa.nskAr hote hai.n vahI sAth Ate hai.n.

aise janma-maraN ananta hue, usame.n svaya.n akelA janmatA hai, akelA mare, akelA hI bhAvanA kare, svaya.n akelA svargame.n, akelA mokShame.n, har jagah akelA hI jAtA hai. sa.nsArake sab sambandha aise hI hai, sab kShaNik hai. ananta janma-maraN karate-karate gurudev mile aur yah mArga darshAyA, vah ek AshrayabhUt hai. sharaN to vahI hai. jIvane kitane janma-maraN kiye hai. usame.n yah manuShyabhav milA. ananta janma-maraN, ananta janma- maraN jIvane kiye.

is lokame.n jitane pudagal dravya hai.n, use jIvane sharIr par dhAraN karake, grahaN karake ChoDe hai.n. AkAshake ek-ek pradeshame.n janma-maraN kiyA hai. asa.nkhyAt adhyavasAy kiye hai.n. ananta kAl rakhaDA hai. ananta bAr devame.n gayA, ananta bAr narkame.n gayA, ananta tirya.nchake bhav kiye, ananta bhav manuShyake kiye. usame.n jis bhavame.n yah dharma ho aur AtmAkA sharaN (prApta ho), j~nAyakakA sharaN aur dev-guru-shAstrakA sharaN vah sachchA hai. jagatame.n jIvako sab prApta huA hai, ek AtmA nahI.n prApta huA. gurudev kahate the, ek samyagdarshan apUrva hai, vah prApta nahI.n huA hai. bhagavAn nahI.n mile hai.n. bhagavAn mile to svaya.nne pahachAnA nahI.n. isaliye vahI grahaN karane jaisA hai. vah kaise prApta ho, vahI karane jaisA hai. devalokake devo.nkA sAgaropamakA AyuShya hotA hai to vah AyuShya bhI pUrNa ho jAte hai.n. use aisA lagatA hai ki mAno yah to amar hai. devalokako amarApurI kahate hai.n, to bhI ve amar nahI.n rahate. sAgaropamake AyuShya pUre ho jAte hai.n. phir usakA mAlA murajhAtI hai to use mAlUm paDatA hai ki AyuShya pUrA ho rahA hai.

PDF/HTML Page 231 of 1906
single page version

devalokake AyuShya pUre ho jAte hai.n to phir yah manuShyakA AyuShya to kitanA hai. ekadam thoDA hai. us thoDeme.n AtmAkA kar lene jaisA hai.

gurudev kahate the na ki bijalIkI chamakame.n motI pIro le. ek bijalIkI chamakakI bhA.Nti manuShyakA bhav hai. usame.n AtmAko grahaN kar lene jaisA hai. tIrtha.nkaro, chakravartIo Adi sab is sa.nsArakA aisA svarUpako dekhakar kShaNamAtrame.n vairAgyako prApta hokar muni hokar chale jAte the. is sa.nsArakA svarUp aisA hai. muni hokar ja.ngalame.n AtmAkA dhyAn karake kevalaj~nAn prApta karate hai.n. osakA pAnIkA bindu kShaNamAtrame.n UD jAtA hai. tIrtha.nkar bhagavAn jaise bAdalake bikharatA huA dekhakar, pAnIkA bindu aur osakA bindu dekhakar vairAgyako prApta hokar ja.ngalame.n chale jAte the, AtmAkA dhyAn karate the.

vairAgya karake AtmAkA svarUp aur yah AtmA kaise pahachAnaneme.n Aye yah bhAvanA baDhAne jaisI hai. shubhame.n dev-guru-shAstra, jinendradev, gurudev aur shAstra, unakI mahimA, shAstrakA chi.ntavan, shAstra svAdhyAy aur AtmAkI ruchi-AtmA j~nAyak kaise pahachAname.n Aye, bhedaj~nAn kaise ho. yah sharIr bhinna hai. AtmA to shAshvat hai, AtmAkA nAsh nahI.n hotA. yah sab sharIrake pheraphAr hai. AtmA to jahA.N jAye vahA.N shAshvat hai. AtmA kaise grahaN ho? AtmA j~nAyakadev mahimAva.nt hai. vahI karane jaisA hai. (merA-merA) karatA hai, lekin merA kuCh nahI.n hai. sab paradravya svata.ntra dravya hai. svaya.n andar taiyArI karake sa.nskAr DAle ho vahI apanA hai.

mumukShuH- jis prakAr jIv nikal gayA, mai.nne to pahalI bAr aise nikalate hue dekhA, to aisA lagA ki yah sab moh, mAyA, bandhan sabakuCh yahA.N ChoDakar kShaName.n nikal jAtA hai. mai.nne pratyakSha pahalI bAr dekhA. aisA lagatA hai ki yah jIv sAthame.n kyA lekar jAyegA? moh, mAyA, bandhan jo merA-merA karatA thA, vah to ek kShaNamA.n ChUT jAtA hai.

samAdhAnaH- vah to ek kShaName.n sab ChoDakar jAtA hai.

mumukShuH- sAthame.n kyA jAtA hai?

samAdhAnaH- sAthame.n andar jo svaya.nne achChI bhAvanA kI ho vah jAtI hai. AtmAkA svarUp... lekin AtmAko to pahachAnA nahI.n, parantu andar jo shubhabhAvanA svaya.nne kI ho vah sAthame.n jAtI hai. dUsarA kuCh sAthame.n nahI.n jAtA hai. shubhAshubh bhAv jo jIvaname.n kiyA vah sab usake sAth hai, dUsarA kuCh nahI.n hai.

mumukShuH- aisA kaisA ham puruShArtha kare.n ki jisase hame.n bhaviShyame.n gurudev eva.n Apake sAnnidhyakA yog prApta ho?

samAdhAnaH- svaya.n a.ntarame.nse ek AtmA hI sarvasva hai, bAkI sabakuCh... anya

PDF/HTML Page 232 of 1906
single page version

padArthame.n ras kam ho jAye, yah sab niHsAr hai, koI sArabhUt vastu nahI.n hai. usakI ekatvabuddhi andar toDanekA prayatna kare ki mai.n to AtmA shAshvat hU.N, yah paradravya kuCh bhI merA nahI.n hai. paradravya pratikA moh toD de ki yah paradravya merA nahI.n hai. vyarthame.n merA-merA karatA hai. yah sharIr bhI apanA nahI.n hai to bAharakA ghar, kuTumba koI apanA nahI.n hai. koI vastu, koI paisA yA koI vastu apanI nahI.n hai. sabakuCh yahA.N paDA rahatA hai. sab sa.NbhAlakar rakhatA ho, sab (ChoDakar) ek kShaName.n svaya.n chalA jAtA hai.

un sab parase mamatA ChoDakar aur ek chaitanyakI ruchi aur chaitanyakI mahimA baDhAye aur dev-guru-shAstrakI mahimA (baDhAye). bAkI sab niHsAr hai, sab parase moh TUT jAye, moh ChoDakar ek AtmAkI orakI mahimA kare to AtmAme.n jo sa.nskAr DAle hai.n vah sAthame.n Ate hai.n. aur usake sAth jo shubhabhAvanA hotI hai, usase jo puNya bandhatA hai usase achChA yog mile, gurudev mile, jinendradev mile, vah sab shubhabhAvanAse jo puNya bandhatA hai, usase vah prApta hotA hai.