PDF/HTML Page 362 of 1906
single page version

mumukShuH- nay, nikShep aur pramAN jo asta ho jAte hai.n anubhUtike kAlame.n, anubhUtike kAlame.n nay, nikShep, pramAN asta ho jAte hai.n, vah vikalparUpase asta ho jAte hai.n, parantu nirvikalparUpase to tab hote hai.n na?

samAdhAnaH- nirvikalparUpase use shuddha pariNati hai. dravya par jo dR^iShTi hai vah dR^iShTi nirvikalparUpase hai aur j~nAn svaya.nko jAnatA hai, j~nAn apane ananta guNo.nko jAnatA hai, j~nAn paryAyako bhI jAnatA hai. j~nAn apanI pariNatiko jAnatA hai, j~nAn guNo.nko jAnatA hai. vah usakI jAnanekI pariNati aur dR^iShTi ek shuddhAtmA par, us jAtakI usakI pariNati chAlU hai. nay aur pramAN chAlU hai.

mumukShuH- nirvikalparUpase?

samAdhAnaH- nirvikalparUpase nirvikalpa nay, pramANa. vah apekShAse kah sakate hai.n. bAkI jo shAstrame.n AtA hai vikalpAtmak nay, pramAN, us prakArase nahI.n hote hai.n. AdhyAtmik dR^iShTikoNase us jAtakI pariNati hai. ek dravyakA Alamban hai, isaliye vikalpAtmak nahI.n hai. aur j~nAn sab jAnatA hai. j~nAn svaya.n ek svarUpako jAne, ek abhedako jAne, j~nAn bhedako jAne, sab jAne. AnandakI dashAkA vedan ho use j~nAn jAne. AtmAme.n ananta-ananta guNo.nkI ga.nbhIratAse bharA ana.nt AshcharyakArI dravya hai, usakI adabhut paryAye.n, usake adabhut guNo.nkI jo gahanatA hai, vah sab jAne. usakI adabhutatAko j~nAn jAnatA hai.

mumukShuH- satsa.ng binA dhyAn tara.ngarUp ho jAtA hai. to j~nAnIkI nishrAme.n rahakar dhyAn karaneme.n koI dikkat hai?

samAdhAnaH- satsa.ng binA dhyAn tara.ngarUp hotA hai. guruke Ashrayame.n gurune jo mArga batAyA hai, vah mArga grahaN karake dhyAn kare to usame.n koI dikkat nahI.n hai. gurune jo mArga batAyA hai ki tU j~nAyakako grahaN kara. pahale sachchA j~nAn kar, phir sachchA dhyAn hotA hai. sachchA j~nAn jo gurune batAyA, gurudevane mahAn upakAr kiyA hai. bhavakA abhAv ho aisA mArga batAyA. chaitanyakI adabhutatA, chaitanyake dravya-guN-paryAy, svadravya-paradravya, usakI bhinnatA, svata.ntratA, anek prakArase gurudevane mahAn-mahAn upakAr karake jo batAyA

PDF/HTML Page 363 of 1906
single page version

hai, gurukA Ashay samajhakare gurudevane jo mArga batAyA hai, us mArga par svaya.n jAy to usame.n dikkat nahI.n hai.

gurukA Ashray kare. gurukA Ashray kiyA kab kahaneme.n Aye? ki unakA Ashay grahaN karake jo unho.nne kahA hai, us anusAr svaya.n kare to pahale sachchA j~nAn hotA hai, phir sachchA dhyAn hotA hai. pahale jo binA j~nAnake dhyAn hotA hai, to kahA.N khaDA rahegA? kyo.nki dhyAnakI ekAgratA kisake Ashrayase karegA? jo astitva AtmAkA hai, us AtmAkA astitva grahaN kiye binA kahA.N sthir khaDA rahegA? kahA.N vah sthiratA karegA?

aise to bahut log karate hai.n. koI-koI mantro.nme.n vikalpa kam kare, aisA sab karate hai.n. vikalpa kam ho jAy isaliye use aisA lagatA hai ki mAno dhyAn ho gayA. manda vikalpako pakaD nahI.n sakatA hai. koI prakAsh dikhe, kuCh dikhe to mAno AtmA mil gayA, aisA mAn lete hai.n. aisI kalpanA ho jAtI hai. AtmAko pahachAne binA, AtmAkA Ashray liye binA (dhyAn hotA nahI.n).

gurudevane jo mArga kahA hai, us mArgako grahaN karake gurudevake Ashrayase dhyAn kare, usame.n yathArtha kare to dikkat nahI.n hai. Ashay grahaN karake (kare). dhyAn hotA hai. sachchA j~nAn (pahale) hotA hai. mai.n yah j~nAyak hI hU.N, aisI shraddhA kare, usakA j~nAn kare, bhedaj~nAn kare ki yah sharIr mai.n nahI.n hU.N, yah vibhAv merA svabhAv nahI.n hai, yah sab shubhAshubh bhAv AkulatArUp hai, usase mai.n bhinna hU.N. aise barAbar j~nAyakako grahaN karake usame.n ekAgratA kare.

dhyAn arthAt ekAgratA. aisI ekAgratA kare to yathArtha hotA hai. bAkI to anek bAr "yam niyam sa.nyam Ap kiyo, puni tyAg virAg athAg liyo'. muni huA, vanavAsame.n rahA, mukh maun rahA, Asan-padmAnas lagAkar dhyAn kiyA. to bhI mArga nahI.n prApta hotA hai. AtmAko grahaN kiye binA, j~nAyakako grahaN kiye binA dhyAn nahI.n ho sakatA hai. parantu gurukA Ashray yathArtha kare to vah mArga milatA hai. gurune jo kahA hai, usI anusAr kare to mArga prApta hue binA rahatA nahI.n. to sachchA dhyAn hotA hai.

dhyAn hotA hai, mArgame.n ekAgratA hotI hai. j~nAyakako grahaN kare, shraddhAke balapUrvak AtmAme.n ekAgratA ho, aisI dhyAnakI dashA ho to vikalpa TUTakar AtmAkI svAnubhUti ho, vah mArga hai. parantu AtmAko grahaN karake ho to yathArtha hotA hai. bAkI munio.nko to dhyAnakI dashA hotI hai. samyagdarshan honeke bAd sahaj dhyAnakI dashA hotI hai. aisI dhyAnakI dashA hotI hai ki a.ntarmuhUrta-a.ntarmuhUrtame.n nirvikalpa dashAme.n chale jAte hai.n. a.ntarmuhUrtame.n bAhar Ate hai.n. aisI sahaj dhyAnakI dashA, aisI ekAgratAkI pariNati munio.nko sahaj

PDF/HTML Page 364 of 1906
single page version

hotI hai. aisI dhyAnakI dashA to pUrNatA tak hotI hai.

phir muniko dhyAn bahut ugra ho jAy to usame.nse shreNi lagAkar kevalaj~nAn prApta karate hai.n. aisI dhyAnakI dashA munio.nko pragaT hotI hai. gR^ihasthAshramame.n dhyAn hotA hai, parantu j~nAyakako grahaN karake (hotA hai). (j~nAyakako) grahaN karake mai.n j~nAyak hU.N, aisI j~nAyakakI pariNati dR^iDh karake, usakA Ashray lekar usakA dhyAn kare to usame.n nirvikalpa svAnubhUti (hotI hai). svaya.n apane svarUpame.n lIn ho, vah ho sakatA hai. parantu gurudevane jo kahA hai, vah Ashay grahaN karake, vah mArga grahaN karake jo kare to yathArtha hotA hai. nahI.n to bAharase shubhabhAvarUpase jIvane anek bAr kiyA hai. parantu vah shubhabhAvarUp hotA hai, puNyabandha hotA hai, lekin bhavakA abhAv nahI.n ho sakatA. isaliye gurukA Ashay, Ashay grahaN karake kare to yathArtha hotA hai.

mumukShuH- he pUjya mAtAjI! AjakA din mahAma.ngal hai. kyo.nki Ajake din Apane shuddhAtmasvarUp bhagavAn AtmAke sAkShAt darshan kiye, Ap vikalpAtIt hue, pavitra samyagdarshan pragaT kiyA, to hamArI vinatI hai ki vikalpAtIt honekA upAy kyA hai? yah batAkar Ap hame.n AshirvAd dIjiye.

samAdhAnaH- gurudevane mArga spaShTa kiyA hai. gurudevakA param-param upakAr hai. gurudevane hI pUrA mArga batAyA hai. svaya.n vichAr kare to samajhame.n Aye aisA hai. gurudevane itanA spaShTa kiyA hai. gurudevane j~nAyakakI pahachAn karavAyI. sab gurudevakA param-param upakAr (hai). is dAs par bhI gurudevakA param upakAr hai.

gurudevane kahA hai aur shAstrame.n bhI AtA hai ki pahale shrutaj~nAnase j~nAnasvabhAv AtmAkA nirNay, yah j~nAyak hai vahI mai.n hU.N, usakA nishchay aisA dR^iDh kare ki in sabase bhinna mai.n j~nAyak hU.N. yah sharIr bhI mai.n nahI.n hU.N, yah vibhAv merA svabhAv nahI.n hai, usase bhinna aisA j~nAnasvabhAv (hai). j~nAname.n arthAt pUrNa j~nAyak aisA nirNay karake, aisA nishchay kare ki vah aisA niHsha.nk ho jAy ki koI chAhe kuCh bhI kahe athavA chaudah brahmANDa phir jAy, to bhI usakI dR^iDhatA phire nahI.n. aisA niHsha.nk ho jAya. aisA j~nAtAme.n shraddhAkA bal lAye. us balase j~nAyakakI dR^iDhatA karake, j~nAyakame.n ugratA kare, vibhAvase virakti ho, chaitanyakI-j~nAyakakI mahimA Aye, parase, vibhAvase sabase mahimA ChUT jAya. ek j~nAyakakI mahimA, j~nAyakakI rAt aur din laganI, jise j~nAyak.. j~nAyak.. j~nAyakadevake sivA kahI.n chain nahI.n paDatI.

bhedaj~nAnakI dhArA ugra ho, kShaN-kShaName.n, kShaN-kShaName.n j~nAyakakI ugratA ho. j~nAyakakI ugratA, j~nAyakame.n ekAgratA, j~nAyakakI dhUn aur j~nAyakame.n bAra.nbAr j~nAyak.. j~nAyak.. kare. jo mati-shrutakA upayog bAhar jAtA hai, bAhar jo vichAr aur shrutake vichAr Ate

PDF/HTML Page 365 of 1906
single page version

hai.n, use bhI svaya.n sthir karake svarUp sanmukh jo upayogako sthir karatA hai, svarUpame.n lIn hotA hai, svarUpame.n jam jAtA hai, bAharame.n jise kahI.n bhI chain nahI.n paDatI, j~nAyakame.n ekAgratA, j~nAtAkI ugratA aur usIme.n sthir ho jAya. jo j~nAyakakI Dorako svarUpakI or, svarUp sanmukh karake j~nAyakame.n sthir ho jAtA hai. bAra.nbAr upayogakI Dor, j~nAyakakI Dor svarUpame.n lIn karatA hai. vah vikalpAtIt honekA upAy hai, dUsarA koI upAy nahI.n hai.

bAra.nbAr svarUpame.n sthir ho jAy to usake vikalpa ChUTe aur j~nAyakadev use pragaT ho. us j~nAyakadevame.n hI sab bharA hai. bAhar kahI.n nahI.n hai. Ananda usame.n, ananta guN usame.n, sab (usIme.n hai). jagatase bhinna aisA j~nAyakadev, jo bhavakA abhAv ho, a.ntarame.nse ananta sukh pragaT ho, jo apanA svabhAv hai vahI sukharUp hai. shAstrame.n AtA hai ki utanA hI satya paramArtha hai ki jitanA yah j~nAn hai. jitanA yah j~nAn hai utanA hI tU hai. vahI satya paramArtha hai, usIme.n tU sa.ntuShTa ho, usIme.n tU ruchi kara. j~nAname.n sab bharA hai. ananta mahimAva.nt j~nAyak svabhAv, mahimAse bharA, jagatase bhinna aisA anupam tattva hai. j~nAnasvabhAvame.n aisA nishchay karake usame.n sa.ntuShTa ho.

utanA hI satya kalyAN hai ki jitanA yah j~nAn hai. anyakI mahimA ChoDakar j~nAyakame.n lIn ho. utanA hI satya paramArtha, utanA hI kalyAN (hai). usIme.n tU sa.ntuShTa ho. tere a.ntarame.n upayogako aisA lIn kar, aisA lIn kar ki jise bAhar jAnA ruchatA nahI.n. aisI lInatA kara. vahI vikalpa ChUTanekA upAy hai. aisA karate-karate a.ntarame.n aisI koI laganI laganese, a.ntarame.n aisI vishrA.ntikI pariNati honese j~nAyakakI Dor svarUp sanmukh Anese aisI vishrA.nti aur aisI shA.nti use pragaT hotI hai ki vikalpa ChUT jAy aur j~nAyakakA koI anupam anubhav, anupam Ananda, anupam svAd (AtA hai).

j~nAyakadev jagatase bhinna, aisA nyArA vah j~nAyakadev use is prakAr pragaT hotA hai. gurudevane vah mArga aisA spaShTa karake samajhAyA hai, kahI.n sha.nkA rahe aisA nahI.n hai. puruShArtha to svaya.nko hI karanA hai. gurudevane use chAro.n orase samajhAyA hai. gurudevakA param-param upakAr hai aur vahI jIvaname.n karane jaisA hai.

shrutaj~nAnase nishchay karake mati-shrutakA upayog jo bAhar jAtA hai, use a.ntarame.n lAkar AtmAkI prasiddhi ho, aisA puruShArtha kara. to j~nAnasvarUp j~nAnAtmA, paramAtmA tujhe pratyakSha anubhavame.n AyegA aur vah tujhe dikhegA. aisA jo AtmA alaukik hai, parantu usakI bhedaj~nAnakI dhArAkI ugratA kara. dravya par dR^iShTi kar, usakA j~nAn kar aur us or bAra.nbAr sthir honekA prayatna kar to tujhe vah hue binA rahegA nahI.n.

shAstrame.n AtA hai ki ek bAr tU (sharIrakA) paDosI banakar dekh, to tujhe a.ntarame.n

PDF/HTML Page 366 of 1906
single page version

aisA koI apUrva chaitanyadev pragaT hogA ki jo anupam hai. vahI usakA upAy hai. bhagavAn kaise mile? chaitanyadev kaise prApta ho? "ka.nchan varaNo nAh mune koI milAvo' kahI.n achChA nahI.n lagatA. "a.njan rekh na A.Nkh na bhAve' kahI.n achChA nahI.n lagatA hai, kisIke sAth bolanA achChA nahI.n lagatA, khAnA achChA nahI.n lagatA, kisIke prati rAg karanA ruchatA nahI.n, kahI.n phiranA achChA nahI.n lagatA, kahI.n chain nahI.n paDatI hai. ek AtmA, ek Atmadev mujhe koI milAvo. he gurudev! mujhe vah milAvo. vah to koI alag hI thA. andar aisI bhAvanA, laganI lage to aisI bhAvanA hotI hai. andar vedanake kAraN aisA sab gAneme.n AtA thA.

samAdhAnaH- dravya usakI nAm hai ki dUsare bhAvakI rAh nahI.n dekhanI paDe. dUsarekI rAh dekhanI paDe to dravya kaisA? dravya aisA svata.ntra svataH svarUp hotA hai ki jisake kAryake liye dUsare sAdhano.nkI rAh dekhanI paDe to vah dravya svaya.n kamajor huA. vah svaya.n svata.ntra ananta shaktivAlA dravya (hai). dravya use kahate hai.n ki jo svataHsiddha ho. use kisIne banAyA nahI.n hai. ananta shakti sa.npanna jo chaitanya dravya hai, use kAryakI, jo apanI pariNati pragaT karanI hai, usake liye sAdhan Aye tab yah kArya ho, sAdhan nahI.n hai to kArya kaise ho? aise rAh dekhanI paDe to dravya hI nahI.n kahalAtA. aisI rAh nahI.n dekhanI paDatI.

usake kAryakI taiyArI ho to use sAdhan svataH A jAte hai.n. use sAdhano.nkI rAh dekhanI paDe, sAdhan nahI.n hai, ab kaisA Age jAU.N? sAdhano.nkI rAh dekhanI nahI.n paDatI. svaya.n pariNati karanevAlA jo dravya hai, svaya.n hI usakI kAryakI pariNati hotI hai. anAdiananta svataHsiddha shuddhAtmA svaya.n (hai). usame.n darshan, j~nAn, chAritrakI jo sAdhanA hotI hai, usakI kAryakI pariNati karanevAlA vah svaya.n hai. svaya.n svataHsiddha kAryakI pariNati karatA hai. sAdhanake binA mai.n kaise Age jAU.N? use dravya hI nahI.n kahate. aisA dravya vah dravya nahI.n hai. aisA parAdhIn dravya (nahI.n hai).

dravya use kahe.n ki usake kAryake liye dUsarekI rAh dekhanI paDe, vah dravya hI nahI.n kahalAtA. aisA dravya ho nahI.n sakatA. kudaratI svaya.n dravya svataHsiddha hai. use dUsare sAdhan ho to vah dravya khaDA rahe, aisA nahI.n hotA. anAdise svaya.n apanese hI shAshvat TikA hai aur usakI kAryakI pariNatime.n svaya.n anAdise svata.ntra (hai), pratyek kAryame.n svata.ntra hai. use sAdhano.nkI rAh dekhanI paDe to use dravya hI nahI.n kahate.

andarase samyagdarshan pragaT ho, dravyakA Ashray le, us rUp j~nAnakI pariNati ho, andar lInatA baDhe, vah sab svaya.n pariNaman karanevAlA hai. apanI pariNatikI gati, puruShArthakI gati vah svaya.n karatA hai. usame.n usakI pariNati ho, aisI pariNati ho aur sAdhan

PDF/HTML Page 367 of 1906
single page version

Aye nahI.n, aise usakI rAh nahI.n dekhanI paDatI. vah dravya hI nahI.n kahalAtA. aisA parAdhIn dravya ho sakatA nahI.n. vah dravya hI nahI.n kahalAtA. kudaratame.n aisA dravya hotA hI nahI.n. parAdhIn dravya (nahI.n hotA). usakI kAryakI pariNati ho to apaneAp sAdhan A jAte hai.n, use rAh nahI.n dekhanI paDatI. svaya.n apaneme.n pariNati karanevAlA hai.

.. pUrA chakra apanese hI chal rahA hai. karmake kAraN hotA nahI.n athavA sAdhan nahI.n mile hai.n, aisA nahI.n hai. svaya.nkI kachAsake kAraN svaya.n aTakA hai. svaya.n puruShArtha kare to svaya.n Age baDhatA hai. usake kAryake liye kisI bhI sAdhanakI jarUrat paDatI nahI.n. sAdhanake liye rukanA paDe to vah dravya hI nahI.n hai. aur aisA parAdhIn dravya ho hI nahI.n sakatA.

mumukShuH- dravya kamajor ho gayA.

samAdhAnaH- dravya kamajor ho gayA. aisA kamajor dravya hotA hI nahI.n. aisA dUsareke AdhArase TikanevAlA dravya, aisA dravya shAshvat rah nahI.n sakatA, us dravyakA nAsh hotA hai. (ananta guNo.nse) bharapUr dravya svaya.n jab bhI pariNati karanI ho tab kar sakatA hai. apane svabhAvakI or jAnekI taiyArI ho, to ApoAp sab nimitta use prApta ho jAte hai.n.

mumukShuH- .. kamajor paD jAy, .. samAdhAnaH- dravya kamajor paD gayA. aisA kamajor dravya hotA hI nahI.n. ek sAdhanake liye kamajor paD gayA. sAdhanake liye kamajor hotA ho to kamajor hI rahegA. vah kahA.N shaktivAn huA? aisA dravya hI nahI.n hotA, use dravya hI nahI.n kahate. aisA ho sakatA nahI.n.