samAdhAna- gnAyakakA, akhaNDa gnAyak anantatAse bharA gnAyakakA astitva khyAlamen Aye.
mumukShu- mArgakI yukti sUjh jAy to mArga mil jAya. usamen yuktimen kyA kahanA hai?
samAdhAna- svayamko gnAyak kaise grahaN karanA vah yukti hai. yah gnAn hai aur yah rAg hai, aisI bhedagnAnakI yukti sUjh jAya. ye rAg vibhAv hai, jo shubhAshubh bhAv hai, vah main nahIn hUn. parantu main gnAyak hUn. aise svayamko gnAn dvArA-pragnAchhainI dvArA bhinna kare, nij gnAnalakShaNako grahaN kar le, vah yukti hai. isamen gnAnalakShaN kaun-sA aur vibhAvakA lakShaN kaun-sA, un dononke lakShaNako pahachAnakar, main yah gnAyak hUn aur yah vibhAv hai, aise bhinnatA kare. yukti sUjh jAy arthAt svayam apanA lakShaN pahachAn le, antaramen gaharAImen jAkara.
mumukShu- Ap bolate ho to tab aisA lagatA hai, mAnon ekadam saral hai. aisA lagatA hai. to itanA kaThin kyon ho gayA hogA?
samAdhAna- anAdikA abhyAs hai. usamen vibhAvamen aisA tanmay ho gayA hai ki use gnAnako bhinna karanA mushkil paDatA hai ki main yah gnAyak hUn aur yah vibhAv hai. is prakAr use bhinna karanemen (kaThin paDatA hai). svayam anAdike abhyAsase itanA tanmay ho gayA hai, isaliye antaramen jAnemen aur sUkShma honemen use mushkil paDatA hai, isaliye use kaThin lagatA hai. bAkI vastu to donon bhinna hI hain.
gnAyak vah gnAyak hai aur vibhAvakI paryAyen vah svayamkA mUl svabhAv nahIn hai. vastu to vastu hI hai. isaliye vah to sahaj hai. apanA svabhAv hai isaliye sahaj aur sugam hai, parantu anAdike abhyAsake kAraN use durlabh ho gayA hai. dRuShTi bAhar dauDatI rahatI hai. isaliye antaramen use sthir karanI, svayamko grahaN karanA use mushkil ho gayA hai.
nij nayananI ALase,.. gurudev kahate the na? nirakhyA nahi harine jarI. nij netrakI Alasake kAraN svayam dekhatA nahIn hai. usamen anAdi kAl vyatIt kiyAA. bAharase kahInse prApta hogA, isamen-se prApta hogA, kriyAmen-se prApta hogA, kuchh bAharakA karake prApta hogA, aisA mAn-mAnakar kAl vyatIt kiyA. parantu antar dRuShTi karake nij svabhAvako pahachAnA nahIn.
gurudevane baDe dhodh bahAye hain. sabako saral aur sugam kar diyA. AtmAkI utanI mahimA batAyI, AtmA koI apUrva, usakA bhedagnAn kaise ho? unakI vANImen utanA joradAr AtA thA. parantu karanekA svayamko bAkI rah jAtA hai. kahIn kisIkI bhUl na rahe, itanA joradAr kahate the aur utanA saral aur sugam karake kahate the.