samAdhAna- hAn, aisA hai. paryAyamen adhUrA, dravya-se pUrNa hUn.
mumukShu- .. aisA dRuShTimen liyA hai, usI vakta paryAyamen kArya karanA bAkI rahatA hai.
samAdhAna- us samay khyAl hai, kArya karanekA hai. kahIn bhUl rahe aisA hai hI nahIn. svayam Age baDh nahIn sakatA hai, isaliye sab prashna utpanna hote hain. bAkI gurudevane itanA kahA hai ki kahIn bhUl na rahe, itanI spaShTatA kI hai. sab spaShTIkaraN kiyA hai. jise koI prashna utpanna huA ho, usIkA spaShTIkaraN unakI vANImen AtA thA. kisIko aisA lage ki yah kahAn-se AyA? jise jo prashna hote the, un sabakA uttar A jAtA thA.
mumukShu- tIrthankar jaisA yog thA.
samAdhAna- hAn, aisA yog thA. unakI vANIkA yog hI aisA thA.
samAdhAna- .. antaramen svabhAvamen sab bharA hai. antar dRuShTi kar to antaramen-se sab nikale aisA hai. usake liye sab vichAr, vAnchan Adi (hai). AtmA ek anAdiananta vastu hai. ek tattva hai. agAdh samudra, agAdh guNon-se bharA hai. sab vibhAvabhAv hai vah AtmAkA svabhAv nahIn hai. vah to puruShArthakI mandatA-se, karmake nimitta-se apane puruShArthakI mandatA-se hotA hai. svayam puruShArtha palaTakar AtmA taraphakI ruchi karake usIkA bAr-bAr manan, chintavan, sab AtmAkA kaise ho, vahI karane jaisA hai. usIkI ruchi baDhAne jaisA hai.
anAdi kAlamen sab kiyA, lekin ek AtmA apUrva hai (aisA jAnA nahIn). gurudevakI vANI apUrva thI. kitane sAl vANI barasAyI hai. yahAn 45-45 sAl nivAs kiyA hai. subah aur dopaharako vANI hI barasAte the. unakA to param upakAr hai. itanI to Tep huI hain. unhen to vANIkA yog koI prabal aur unakA prabhAvanA yog, aur unakI vANI kuchh alag jAtakI thI. ve to mahApuruSh the. yahAn to jo unase prApta huA hai, vah sab kahanemen AtA hai. unhonne to barason vANI barasAyI hai.
mumukShu- itanA kahA hai to ham jaise jIvonko itanA upakArI hai ki jisakI koI kImat nahIn ho sakatI.
samAdhAna- gurudev mAnon sAkShAt bolate ho, aisA Tepamen lagatA hai. .. to hUbahU sinhakI dahAD lagatI thI. unakA jo pravachan thA, vah alag thA. unakI karuNA utanI thI. koI AdamI Aye to karuNA-se hI bulAte the. sharIrakA koI ghyAn nahIn thA.
... to antaramen dRuDh ho. AtmA sarvase bhinna gnAyak hai, usIkA abhyAs aur usIkA vAnchan, usakA vichAr, bAr-bAr vichAr aur vAnchanamen dRuDh karane jaisA hai. ek gnAyak AtmAko pahachAnaneke liye.