280 sAdhanA shurU hotI hai. aisA hI vastukA svarUp hai.
jis apekShA-se vastu apariNAmI hai aur jo pariNAmI hai, usakI apekShA alag hai. parantu dravya aur paryAyakA yugma sAthamen hI hotA hai. usamen-se ek bhI nikal nahIn sakatA. dononkI apekShA alag hai. aur sAdhanAmen vah donon sAthamen hI hote hain. ek mukhyapane hotA hai, ek gauNapane hotA hai.
mumukShu- donon bAt use apane lakShyamen rakhanI chAhiye?
samAdhAna- ek mukhya hotI hai. dravyadRuShTi anAdi-se jIvane kI nahIn hai, isaliye dravyadRuShTi mukhya hai. to bhI paryAy to usake sAth hotI hai. vah dravya paryAy rahit nahIn hotA aur paryAyako dravyakA Ashray hotA hai. aisA sambandha to dravya aur paryAyakA hotA hai. vah use sAthamen hotA hai. usakI dRuShTi anAdi-se paryAy par hai. dRuShTi palaTakar dravya par dRuShTi mukhya karake usake sAth paryAy gauN hotI hai. paryAy nikal nahIn jAtI. paryAy sAthamen hotI hai. sAdhanAmen donon sAthamen hote hain. dravyadRuShTi mukhya aur sAdhanA paryAyamen hotI hai. donon sAthamen hote hain.
mumukShu- chhaThThI gAthAmen pramatta-apramatta rahit dhruv gnAyak kahA, vah to samajhamen AtA hai. parantu dUsare pairegrAphamen kahate hain ki gneyAkAr avasthAmen jo gnAyakapane gnAt huA vah svarUp prakAshanakI avasthAmen bhI kartA-karmakA ananyapanA hone-se gnAyak hI hai. to yahAn dhruv gnAyakakI bAt chalatI hai, phir bhI dUsare pairegrAphamen avasthAkI bAt kyon lI? kyA avasthA samajhAnI hai yA trikAlI gnAyak samajhAnA hai? isamen pahale aur dUsare pairegrAphakA gnAyak ek hI hai yA bhinna-bhinna hai?
samAdhAna- gnAyak ek hI hai. AchAryadevako gnAyak hI sAbit karanA hai. gnAyak jo anAdi-se gnAyak hai, vah anAdikA gnAyak hai. vibhAv avasthAmen jo gnAyak hai aur pramatta-apramatta avasthAmen jo gnAyak hai, vahI gnAyak, svarUp prakAshanakI avasthAmen vahI gnAyak hai.
AchAryadev kahate hain ki anAdi-se jo vibhAvakI paryAy hai, usamen anAdi-se vah gnAyak hI rahA hai. gnAyakapanA usakA badalA nahIn. svatasiddha gnAyak hai. vah gnAyak hI rahA hai. pramatta-apramattakI jo usakI chAritrakI dashA hai, vah chAritrakI jo dashA hai, usamen bhI vah gnAyak hI rahA hai. chAritramen jo chhaThaven-sAtaven guNasthAnamenn muni jhulate hain, kShaNamen svAnubhUti aur kShaNamen bAhar Ate hain, aisI paryAyonkI jo sAdhanAkI dashA hai, jo munikI chAritrakI dashA hai, usamen bhI gnAyak to dravyarUp, dravya gnAyakarUp hI rahA hai. vah dravya rahA hai.
usamen to gnAyak ashuddha nahIn huA hai. anAdi-se ashuddha nahIn huA hai. gnAnakI