348 gnAyakadev mujhe kaise pragaT ho? aisI usakI bhAvanA hotI hai. use anant shaktiyonke vikalpa aur kaise jyAdA jAnUn, us prakArakA prayatna sAdhakadashAmen nahIn hotA hai. ek AtmAko jAne isaliye sab A jAtA hai. usamen use bAhar jyAdA jAnanekI jarUrat nahIn paDatI.
mumukShu- sukhake liye vItarAgatA..?
samAdhAna- hAn, sukhake liye vItarAgatA. prayojanabhUt gnAn pahale hotA hai. pahale AtmAko jAne. prayojanabhUt gnAn hotA hai. phir usamen sukhake liye vItarAgatAkI jarUrat hai, gnAnakI jarUrat nahIn hai. jo vItarAg ho, usamen sampUrNa shAnti, Ananda, sukh sab usImen-vItarAgatAmen hI hai. prayojanabhUt gnAn hotA hai. gnAnaguN AtmAkA hai, vah to sahaj pragaT ho jAtA hai. vItarAgatA ho isaliye gnAn sahaj pragaT hotA hai. gnAn svako jAne aur (parako bhI jAne). svaparaprakAshak gnAn sahaj pragaT hotA hai. use pragaT karane nahIn jAnA paDatA.
dRuShTiko avalmaban ek gnAyakakA hotA hai. usakI dRuShTi mati, shrut, avadhi, manaparyay, kevalagnAnake bhedamen nahIn rukatI. gnAnamen jAne ki, yah mati, shrut, avadhi kShayopashamagnAnake bhed, kShAyikake bhed (jAne), lekin usamen vah rukatA nahIn. dRuShTimen kisI bhI prakArakA bhed nahIn hotA. sampUrNa vItarAg hotA hai, vah sampUrNa sarvagna hotA hai.
mumukShu- he bhagavatI mAtAjI! samyakagnAnIko nirantar gnAnadhArA hotI hai. upayog bAharamen ho tab bhI bhedagnAnakI dhArA chAlU hai, vah kaise sambhavit hai? yah kRupA karake hamen samajhAiye.
samAdhAna- upayog bAhar ho to bhI gnAnakI dhArA-gnAnakI pariNati rahatI hai. upayog bAhar ho aur pariNati gnAyakakI ho, usamen koI virodh nahIn hai. gnAyakakI dhArA andar chalatI ho. ekatvabuddhi TUT gayI hai aur bhedagnAnakI dhArA vartatI hai. gnAyakakI gnAyakarUp dhArA pratikShaN jo-jo vikalpa Aye, vibhAvakI paryAy ho, to usamen use bhedagnAnakI dhArA (chalatI hI rahatI hai). svayam bhinna hI bhinna, nyArA hI nyArA rahatA hai. dRuShTi ek gnAyak par hai, pariNati gnAyakakI hai. pratikShaN vah bhinna hI bhinna, pratyek kAryamen vah nyArA hI nyArA rahatA hai.
khAte-pIte, sote, svapnamen sabamen vah nyArA hI nyArA rahatA hai. aisI gnAyakakI pariNati rahatI hai. upayog bhale bAhar ho, bAharake kAyAmen ho. bAhar gayA aur bAharakA jAne to andar khaNDa-khaNDa ho jAtA hai, aisA nahIn hai. vah to akhaNDa gnAyak hai. kShayopashamagnAnake kAraN usakA jo mUl svabhAv gnAyak pariNati hai, usamen koI khaNDa nahIn hotA. gnAyakakI pariNati har vakta maujUd hotI hai.