408
mumukShu- pramAN .. kA abhiprAy aisA hai ki Ashay grahaN karanA.
samAdhAna- Ashay grahaN karanA. gurudevakA vachan pramANa. gurudevane kahA, tU bhagavAn paramAtmA hai. bhagavAn paramAtmA aisA kahA, vah grahaN kiyA kab kahanemen Aye? ki vAstavamen main bhagavAn paramAtmA hI hUn, aisI antarase shraddhA Aye to vachanako pramAN kiyA, kahanemen Aye. antaramense nishankatA honI chAhiye. nishankatAke kAraN Age jA sakatA hai. bAharamen gurudevakI pratIti, jo gurudev kahe vah pramANa. antaramen gnAyak hai so gnAyak hai. gnAyakakI pratIti dRuDh honI chAhiye. yah gnAyak hai vahI main gnAyak hUn. usamen chalavichalatA shankA nahIn. yah gnAyak so main gnAyak hI hUn. aise gnAyakako pahachAnakar aisA nishank ho jAy to usamen sthir honeke samartha hotA hai. aisA shAstramen AtA hai. aisA nishank ho to usamen lInatA hotI hai. nishankatAke binA, use pahachAne binA Age nahIn jA sakatA.
mumukShu- nishankatA nahIn hai to sachchA pramAN bhI nahIn kah sakate.
samAdhAna- nishankatAke binA use satya mAnA nahIn hai.
mumukShu- gurudev kahate hain ki hAn hI kahanA, kalpanA mat karanA.
samAdhAna- hAn, hAn hI kahanA, kalpanA mat karanA. sab kahate hain. hAn hI kahanA. tU gnAyak hI aisA barAbar nakkI karanA. andarase hAn kahanA. hAn kahanA, to andarase terI paryAy pragaT hogI, to gnAyak tere hAthamen AyegA, to gnAyakadevake darshan honge. jaise anjan chorako bhagavAnake darshan hue. akRutrim chaityAlayake (darshan hue), vaise tujhe is chaitanya bhagavAnake darshan honge. vah to phir antaramen utar gaye hain, kevalagnAn tak pahunch gaye hain.
vaise tU andaramen (nishankatA pragaT kar) bhagavAnake darshan honge. gurudev batAte hain, tU andar dekh, andar tujhe bhagavAne darshan honge. chaitanyadevake. gurudevake is vachanako pramAN karake andar jAy to chaitanyadevake darshan ho.
mumukShu- Ashay pakaDamen nahIn AyA ho aur hAn kahe to gurudevakA avarNavAd huA kahanemen Aye?