208 aisā sukhameṁ khyāl nahīṁ ātā hai.
samādhānaḥ- jñān hai vah aisā asādhāraṇ guṇ hai, vah caitanyakā aisā viśeṣ guṇ hai ki use us prakār-se nakkī kiyā jā sakatā hai. yah sukh hai, vah jñānakī bhān̐ti, jaise jñeyoṁko jānane-se (jñān) nakkī hotā hai, vaise vah sukhaguṇ jñānakī bhān̐ti vaisā asādhāraṇ us jātakā guṇ nahīṁ hai. isaliye use nakkī karanā muśkil paḍatā hai. to bhī usakā ek vedan svabhāv hai. bāhar jahān̐-tahān̐ sukhakī kalpanā kar rahā hai, us par-se bhī jise jānanā ho, jis mumukṣuko sukhakā svabhāv jānanā ho, to bāhar jo sukhakī kalpanā karanevālā hai vah svayaṁ sukhasvabhāvī hai. is prakār use nakkī kiyā jā sakatā hai, yadi vah karanā cāhe to.
usakā lakṣaṇ utanā hī dikhatā hai ki sukhakī kalpanā bāhar kar rahā hai. vah usakā lakṣaṇ hai. bākī jñānakī bhān̐ti, jaise jñānaguṇ asādhāraṇ hai, vaisā vah nahīṁ hai. to bhī jaḍameṁ kahīṁ sukhaguṇ nahīṁ hai. sukhaguṇ ek caitanyameṁ hī hai. jaḍ jaise jānatā nahīṁ hai, vaise jaḍameṁ sukhakā koī svabhāv bhī nahīṁ hai. sukhakā svabhāv ātmāmeṁ hī hai. isaliye vah kalpanā kar rahā hai, ataḥ vah sukh svabhāv ātmākā hai. aise nakkī kiyā jā sakatā hai. parantu aṁtar-se svayaṁ barābar biṭhāye to nakkī kar sakatā hai.
mumukṣuḥ- samayasārakī pratham gāthāmeṁ śrī guru apane ātmāmeṁ aur śrotāoṁke ātmāmeṁ ananta siddhoṁkī sthāpanā karate haiṁ. to śrotāko ananta siddhoṁkī sthāpanā karanī, usameṁ kyā karaneko kahanemeṁ ātā hai?
samādhānaḥ- jo gurudev samajhāye aur ācārya aisā kahate haiṁ ki maiṁ tere ātmāmeṁ ananta siddhoṁkī sthāpanā karatā hūn̐ arthāt tū siddha bhagavān jaisā hī hai. jaise ananta siddha hai, vaisā hī tū hai, aisā ham tujhe sthāpanā karake kahate haiṁ, isaliye tū svīkār kar ki tū siddha bhagavān jaisā hī hai. aur siddha bhagavānake svabhāv jaisā terā svabhāv hai, ataḥ tū us rūp pariṇaman kar aur puruṣārtha kar sake aisā hai. aisā tū svīkār kara. aisā ācāryadev evaṁ gurudev aisā kahate haiṁ ki ham tere ātmāmeṁ siddha bhagavānakī sthāpanā karate haiaiṁ ki tū siddha bhagavān jaisā hai. aisā tū svīkār kara.
aisā śrotāoṁko svayaṁko svīkār karanā hai. jo guru kahate haiṁ, sāmane śrotā aise haiṁ ki svīkār karatā hai ki maiṁ siddha bhagavān jaisā hū̃n. isaliye jo guru kahate haiṁ, usakā maiṁ svīkār karake pariṇamit ho jāūn̐. aisā sthāpanā karanī hai. jaise ananta siddha hai, vaisā hī maiṁ siddha bhagavān jaisā hī hū̃n. merā svabhāv vaisā hī hai, isaliye maiṁ us rūp ho sakū aisā hū̃n. meremeṁ kuch nahīṁ hai aur maiṁ kaise karun̐, aisā nahīṁ hai.
gurudev aur ācāyā siddha bhagavānakī sthāpanā karate haiṁ. śrotāke ātmāmeṁ (sthāpanā