272
karake kahate haiṁ ki) tū siddha bhagavān jaisā hai, tū svīkār kara. jaise siddha bhagavān hai, vaisā hī tū hai. aise sthāpanā (karate haiṁ). ācāryadev aur gurudev kr̥pā karake śiṣyako siddha bhagavān jaisā kahate haiṁ ki tū siddha hai, tū bhagavān hai, aisā svīkār kara. ataḥ yadi pātra śrotā ho to vah svīkār kar letā hai ki hān̐, maiṁ siddha bhagavān jaisā hū̃n. use yathārtha pariṇaman bhale bādameṁ ho, parantu pahale aisā nakkī kare ki hān̐, majhe gurudevane kahā ki tū siddha bhagavān (jaisā hai), to maiṁ siddha bhagavān jaisā hū̃n. aisā tū svīkār kar, aisā sthāpanā karake kahate haiṁ. ham tujhe siddha bhagavān jaisā mānakar hī upadeś dete haiṁ. tū nahīṁ samajhegā aisā mānakar nahīṁ kahate haiṁ. tū siddha bhagavān jaisā hī hai, aisā tū nakkī kara. to terā puruṣārtha pragaṭ hogā.
mumukṣuḥ- aṁtarameṁ manomaṁthan karake vyavasthit nirṇay karanemeṁ kyā-kyā āvaśyakatā hai?
samādhānaḥ- vah to apanī pātratā svayaṁko hī taiyār karanī hai. svayaṁ kahīṁ aṭakatā ho, svayaṁko kuch baiṭhatā na ho. mukhya to hai, tattvavicār karanā. upādān-nimitta, svabhāv- vibhāv, kyā merā svabhāv hai, kyā vibhāv hai, mere caitanyake dravya-guṇ-paryāyake kyā hai, paradravyake dravya-guṇ-paryāy, apane dravya-guṇ-paryāy, maiṁ vibhāv svabhāv-se kaise bhinna paḍūn̐, sab svayaṁko apane āp nakkī karanā hai. usakā maṁthan karake ekatvabuddhi kaise ṭūṭe, ātmā bhinna kaise ho, bhedajñān kaise ho, usakā aṁś kaisā hotā hai, usakī pūrṇatā kaisī hotī hai, usakī sādhak daśā kaisī hotī hai.
gurune jo apūrva rūp-se upadeś diyā, guruko sāth rakhakar svayaṁ nakkī kare ki ye svabhāv merā hai, ye vibhāv bhinna hai. aisā barābar maṁthan kar-karake apane-se nakkī kare. aisā dr̥ḍh nakkī kare ki kisī-se badale nahīṁ. aisā apane-se nakkī kare. apanī pātratā aisī ho to svayaṁ nakkī kar sakatā hai.
mumukṣuḥ- ... svabhāvakī pahacān hotī hai yā sīdhī pahacān hotī hai? vistārapūrvak samajhānekī kr̥pā kījiye.
samādhānaḥ- gurudevane dravya-paryāyakā jñān bahut diyā hai, bahut vistār kiyā hai. sūkṣma rūp-se sarva prakār-se kahīṁ bhūl na rahe, is tarah samajhāyā hai. parantu svayaṁko puruṣārtha karanekā bākī rah jātā hai. bāt to yah hai. paryāyakī pahicān, paryāyako kahān̐ pahacānatā hai?
jo dravyako yathārtha pahacānatā hai, vah dravya-guṇ-paryāyako pahacānatā hai, vah sabako pahacānatā hai. paryāyako svayaṁ pīchānatā nahīṁ hai. dravyakā jñān karanemeṁ paryāy bīcameṁ ātī hai. isaliye paryāy dravyako grahaṇ karatī hai. paryāy dvārā dravya grahaṇ hotā hai. parantu