Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

210 usameṁ paryāyako nahīṁ dekhanā hai, dravyako dekhanā hai.

vah paryāy dravyako grahaṇ kare aisī śakti hai. jñānakī aisī śakti hai ki svayaṁ dravyako grahaṇ kar sake. lokālok prakāśak jñān ek samayakā jñān ho, vah ek samayakī paryāy jo jñānakī hai, vah ek samayameṁ lokālokako jāne. aisā usakā ek paryāyakā svabhāv hai. vah to nirmal jñān ho gayā hai. isakā jñān to kam ho gayā hai. parantu paryāy apaneko grahaṇ kar sake aisī usameṁ śakti hai. parantu svayaṁ apanī taraph dekhatā hī nahīṁ. apanī kṣati hai, svayaṁ dekhatā nahīṁ hai. svayaṁ dravyako pahacānanekā prayatna nahīṁ karatā hai. maiṁ jñānasvarūp ātmā jñāyak hū̃n. jñānalakṣaṇ dvārā svayaṁ apaneko pīchān sakatā hai, prayatna kare.

jitanā jñān lakṣaṇ dikhatā hai, us lakṣaṇ dvārā jñāyakakī pahicān hotī hai. guṇ dvārā guṇīkī pahicān hotī hai. usameṁ bīcameṁ paryāy ātī hai, parantu paryāy grahaṇ karatī hai dravyako. viṣay dravyakā karanā hai, grahaṇ dravyako karanā hai. paryāy par-se dr̥ṣṭi choḍakar dravya par dr̥ṣṭi karanī hai. bhedajñān karanekā hai ki ye vibhāv hai vah merā svabhāv nahīṁ hai. ye sab vibhāvik paryāyeṁ, usase maiṁ atyaṁt bhinna śāśvat dravya hū̃n. guṇakā bhed paḍe yā paryāyakā bhed paḍe, vah bhed jitanā merā svabhāv nahīṁ hai, maiṁ to akhaṇḍa dravya hū̃n. usameṁ ananta guṇ hai. usakī paryāyeṁ haiaiṁ. parantu usake bhed par dr̥ṣṭi nahīṁ dekarake ek akhaṇḍa dravyako grahaṇ karanā vahī yathārtha mārga hai aur vahī samyagdarśan hai. use yadi grahaṇ kare aur vibhāv-se bhedajñān karake jñāyakakī pariṇati pragaṭ kare aur jñāyakake bhedajñānakī dhārā yadi pragaṭ kare to vikalpa chūṭakar svānubhūti hotī hai aur vahī muktikā mārga hai aur gurudevane vahī batāyā hai aur vahī karanekā hai.

grahaṇ to paryāy dvārā hotā hai, parantu vah svayaṁ grahaṇ kare to ho. paryāy bīcameṁ ātī hai. paryāyako grahaṇ nahīṁ karanī hai. paryāy par dr̥ṣṭi nahīṁ karanī hai, parantu dr̥ṣṭi dravya par karanī hai. grahaṇ to dravyako hī karanā hai. akhaṇḍa dravya jñāyak svabhāv, usako grahaṇ karanā hai.

use grahaṇ kare vahī muktikā mārga hai. ananta kālameṁ jīvane sab kiyā lekin ek dravyako grahaṇ nahīṁ kiyā. vah karanā hai. śubhāśubh bhāv bhī caitanyakā svabhāv nahīṁ hai. sādhakadaśāmeṁ vah śubhabhāv bīcameṁ āte haiṁ. paṁc parameṣṭhī bhagavaṁtoṁkī bhakti, dev- guru-śāstrakī bhakti, jinhoṁne use pragaṭ kiyā usakī bhakti ātī hai. parantu vah śubhabhāv hai, usase jñāyakakā pariṇaman bhinna hai. aisī śraddhā, pratīti aur aisī jñāyakakī pariṇati pragaṭ ho sakatī hai. vahī muktikā mārga hai. phir vītarāg daśā hotī hai tab vah sab chūṭ jātā hai.

< Previous Page Next Page >