230
mumukṣhuḥ- .. vah to khyālamen ātā hai. viṣhay jo bāhya padāthāko jānatā hai. parantu jo bhāvendriy hai, vah to gnānakī paryāy hai, use kaise bhinna jānanī? usakā upāy kyā?
samādhānaḥ- kṣhayopasham gnān adhūrā gnān rāg mishrit hai na. adhūrā gnān rāgamishrit hai. rāgamishrit jo hai vah apanā mūl svabhāv nahīn hai. rāgamishrit bhāv jo antaramen hote hain, vah kṣhayopashamagnān adhūrā gnān hai, vah adhūrā gnān hai utanā ātmā nahīn hai. ātmā to pūrṇa svarūp hai. us pūrṇako pahachānanā, pūrṇa par dr̥uṣhṭi rakhanī. vah gnān bhale kṣhayopasham gnān ātmākā ughāḍ hai, parantu vah adhūrā gnān hai aur vah rāgamishrit hai. vah rāgamishrit hai. rāgamishrit hai isaliye vah apanā mūl nahīn hai, shuddhātmākā mūl svabhāv nahīn hai. adhūrī paryāy jitanā vah nahīn hai. usakā gnān karanā.
mumukṣhuḥ- adhūrī paryāyako gney samajhanā?
samādhānaḥ- hān̐, vah adhūrī paryāy gney hai. use jānanā ki ye adhūrī hai. main to pūrṇa svarūp hū̃n. adhūrā hai vah merā mūl svarūp nahīn hai. vah jānane yogya hai. adhūrī paryāy hai use jānanī. usakā gnān barābar kare to āge baḍhe. pūrṇa chaitanya par dr̥uṣhṭi kare, akhaṇḍako pahichāne. main to shāshvat akhaṇḍa dravya hū̃n. kṣhayopasham gnān jitanā bhī nahīn hūn̐, sādhanākī adhūrī paryāy ho utanā bhī main nahīn hūn̐, pūrṇa vītarāg dashā ho vah pūrṇa paryāy hain, bākī svayam anādiananta shāshvat dravya akhaṇḍa hai. phir usamen sādhanākī paryāy bīchamen ātī hai, nahīn ātī aisā nahīn, parantu usakā gnān kare ki ye ātī hai, parantu usakī dr̥uṣhṭi pūrṇa par hai. pūrṇa svabhāv par aur pūrṇa vītarāgatā kaise ho, vah use lakṣhyamen hai, upādeyarūp hai. pūrṇa ho jāy isaliye vah sab sādhanākī paryāyen chhūṭ jātī hai, pūrṇa vītarāg ho jātā hai.
shuddha paryāy, shuddhātmākī paryāy sarvathā bhinna kahān̐ hai? shuddhātmākī shuddha paryāyen sarvathā bhinna nahīn hai.
mumukṣhuḥ- dravyakī apekṣhā-se?
samādhānaḥ- dravyadr̥uṣhṭikī apekṣhā-se vah kṣhaṇik hai. lekin vah chaitanyake āshray- se paryāy hotī hai. use sarvathā bhinna nahīn kah sakate, koī apekṣhā-se bhinna hai. sarvathā bhinna nahīn kah sakate, apekṣhā-se bhinna hai. utanā bhed paḍā us apekṣhā-se hai. mūl svabhāvamen bhed nahīn hai. bhedakī apekṣhā-se use (bhinna kahā). pūrṇa aur apūrṇakī apekṣhā rakhatā hai, nimittake sadabhāv-abhāvakī apekṣhāvālī paryāy hai, us paryāy jitanā ātmā nahīn hai. ātmā to akhaṇḍa shāshvat hai. isaliye use kathañchit bhinna kahate hain, sarvathā bhinna nahīn kahate. dravyamen hī paryāy hotī hai, dravya-se bhinna nirādhār nahīn hotī.