svabhAvakI paryAy ho. to bhI usakA jo svabhAv hai, dravya dravyatva ChoDatA nahI.n, dravya dravyarUp to pariNamatA hI hai. akelA kUTastha ho to dravyakI pahachAn hI na ho. dravya dravyakA kArya karatA hI rahatA hai. svabhAv par dR^iShTi jAy to svabhAvakA kArya hotA rahe. svaya.n sahaj hotA rahatA hai. use buddhipUrvak yA vikalpapUrvak karanA nahI.n paDatA sahaj hI hotA hai. dravya pariNamatA hI rahatA hai.
mumukShuH- pahale jo Apane kahA ki katha.nchit pariNAmI hai, usake AdhAr-se yah...
samAdhAnaH- katha.nchit pariNAmI aur katha.nchit apariNAmI. pariNAmI hai, dravya pariNamatA hai. svabhAv par dR^iShTi jAy to vah svataH svaya.n svabhAvarUp pariNamatA hai.
mumukShuH- padArthakA j~nAn, darshan aur chAritrarUp prati samay binA prayatna pariNaman to hotA hI rahatA hai. kyo.nki pariNamanA vah to siddhA.ntik bAt hai. to shubhAshubh rUp athavA shuddharUp, kis prakAr pariNamanA usame.n jIvakA koI amuk guN nimitta paDatA hai, arthAt j~nAn yA vIrya?
samAdhAnaH- usame.n usakA j~nAyak jo asAdhAraN guN hai, us j~nAnako pahachAne, j~nAyakatAko pahachAne. aur us rUp pratItako dR^iDh kare. dR^iShTi arthAt pratIta. dravya par dR^iShTi-pratIt kare, us prakArakA j~nAn kare aur us jAtakA usakI A.nshik pariNati hotI hai. isaliye usame.n use j~nAn, darshan aur chAritra to (hote hI hai.n). visheSh chAritra to bAdame.n hotA hai. lekin usame.n dR^iShTi, j~nAn aur usakI A.nshik pariNati ho to usakI shuddha paryAy pragaT hotI hai.
dR^iShTi to ek dravya par hai, usake sAth use j~nAn bhI samyak hotA hai. aur pariNati bhI us taraph jhukatI hai. to usame.n-se shuddha paryAy, dravyame.n-se sarvaguNA.nsh so samyagdarshan pragaT hotA hai. Aj AyA thA na? dravya kise kahate hai.n? jo dravit ho so dravya. gurudevakI Tepame.n AyA thA.
mumukShuH- jI hA.N, Aj subah pravachaname.n AyA thA.
samAdhAnaH- hA.N, Aj subah (AyA thA). jo dravit ho use dravya kahate hai.n. dravya pariNamatA hai. svabhAv par dR^iShTi jAy to svabhAvarUp pariNamatA hai. vibhAvame.n dR^iShTi hai to vibhAvakI paryAye.n hotI hai.n. svabhAv par dR^iShTi jAy to svabhAvakI paryAye.n hotI hai.n. bAkI vastu to pAriNAmikabhAv-se anAdiananta ekarUp sadR^ishya pariNAm-se pariNamatA hai. vah koI apekShA-se kUTastha aur koI apekShA-se pariNAmI, koI apekShA-se apariNAmI hai.
mumukShuH- akelA kUTastha mAne.n to sab bhUl hotI hai.
samAdhAnaH- akelA kUTastha ho to usame.n koI vedan bhI nahI.n hogA, svAnubhUti