અવાજમાં એકાકારતા હતી. તે એકાકારતામાં સમજી શકાય એવી
જાતના કાંઈક આકારો પડતા હતા. તેમની વાણી અને શરીર
બધું જાણે આત્માથી છૂટું છૂટું તરતું તરતું જણાતું હતું.
પ્રભુનો દેહ જાણે ઘણો મોટો હોય એમ યાદ આવે છે, પણ કેટલો
મોટો એનું માપ આવતું નથી.
દેહમુદ્રામાં વૈરાગ દેખાય છે, સ્થિરતા દેખાય છે, બ્રહ્મચર્ય દેખાય
છે. સાદાં ખાદી જેવાં લુગડાં પહેર્યાં હતાં. બાળબહ્મચારી હતો,
પરણ્યો નહોતો, સ્ત્રી વગેરે કાંઈ ન હતું એમ સ્મરણરૂપ વેદન
સહજ આવે છે. હું ઘણી ઘણી વાર પ્રભુ પાસે ઉપદેશ સાંભળવા
આવતો હતો. ત્યાં હું નિર્વિકલ્પ સમકિત પામ્યો હતો, સ્વસન્મુખ
લક્ષને વાળ્યા કરતો હતો એમ યાદ આવે છે. શરીરનો વર્ણ
પીળા વર્ણ જેવો સહેજ ઊજળો હતો.