કહાનગુરુને શ્રુતસાગર ઊછળ્યા,
અમૃત વરસ્યા મેહ,....વીર૦ ૧૫.
આતમ-આધાર એ અમ સેવકના,
શિવપુરનો એ સાથ,....વીર૦ ૧૬.
✽
૬૪. વીરજીની વાણી છૂટી રે
વીર સભામાં આજ ગૌતમ પધાર્યા, અમૃત વરસ્યા મેહ રે;
વીરજીની વાણી છૂટી રે.
વૈશાખ માસથી વાદળ ચડ્યાં, આજ આષાઢે વરસ્યો મેહ રે;
વીરજીની વાણી છૂટી રે.....વીરસભામાં૦ ૧.
દેવ દુંદુભીનાદ ગગડિયા, ઇંદ્ર-ઇંદ્રાણી હરખાય રે;
વીરજીની વાણી છૂટી રે;
રત્ન અમોલખ ગણધરદેવશ્રી, શોભાવ્યાં શાસન રે,
વીરજીની વાણી છૂટી રે.....વીરસભામાં૦ ૨.
તરસ્યાં-ચાતક – દેવ-માનવ-તિર્યંચની, તત્ત્વપિપાસા છિપાય રે,
વીરજીની વાણી છૂટી રે;
સંસારતાપના દુઃખદાવાનળ, એકીક્ષણે બુઝાય રે,
વીરજીની વાણી છૂટી રે.....વીરસભામાં૦ ૩.
દર્શન-જ્ઞાન ને ચારિત્ર કેરા, મોંઘેરા ફાલ્યા ફાલ રે,
વીરજીની વાણી છૂટી રે;
મોંઘો મારગ જ્યાં મુક્તિ તણો ત્યાં, જીવોનાં જૂથ ઉભરાય રે,
વીરજીની વાણી છૂટી રે.....વીરસભામાં૦ ૪.
[ ૮૪ ]