आठमो अधिकार ][ २९३
प्रश्नः — जो एम छे तो गणधरादि पुरुषोए तेनी शा माटे रचना करी?
उत्तरः — पूर्वोक्त किंचित् प्रयोजन जाणी तेनी रचना करी छे. जेम घणो धनवान
कोई वेळा अल्पकार्यकारी वस्तुनो पण संचय करे छे पण जो अल्प धनवान ए वस्तुनो संचय
करे तो धन तो त्यां ज खर्चाई जाय, पछी ते घणी कार्यकारी वस्तुनो संग्रह शा वडे करे?
तेम घणा बुद्धिमान गणधरादिक कोई प्रकारे अल्पकार्यकारी वैद्यकादि शास्त्रोनो पण संचय करे
छे पण जो अल्पबुद्धिमान तेना अभ्यासमां जोडाय तो बुद्धि तो त्यां लागी जाय, पछी उत्कृष्ट
कार्यकारी शास्त्रोनो अभ्यास ते केवी रीते करे?
वळी जेम मंदरागी तो पुराणादिमां श्रृंगारादिनुं निरूपण करे तोपण ते विकारी थतो
नथी, पण जो तीव्ररागी ए प्रमाणे श्रृंगारादि निरूपण करे तो ते पाप ज बांधे; तेम मंदरागी
गणधरादि छे तेओ वैद्यकादि शास्त्रोनुं निरूपण करे तोपण तेओ विकारी थता नथी पण जो
तीव्ररागी तेना अभ्यासमां लागी जाय तो ते रागादिक वधारी पापकर्मने बांधशे एम समजवुं.
ए प्रमाणे जैनमतना उपदेशनुं स्वरूप जाणवुं.
हवे तेमां कोई दोषकल्पना करे छे तेनुं निराकरण करीए छीएः —
✾
प्रथमानुयोगमां दोषकल्पनानुं निराकरण ✾
केटलाक जीव कहे छे के — प्रथमानुयोगमां श्रृंगारादि वा संग्रामादिनुं घणुं कथन करे
छे तेना निमित्तथी रागादिक वधी जाय, माटे एवुं कथन करवुं ठीक नथी; वा एवुं कथन
सांभळवुं नहि.
तेने कहीए छीए के कथा कहेवी होय त्यारे तो बधीय अवस्थानुं कथन करवुं जोईए,
वळी जे अलंकारादि वडे वधारीने कथन करे छे ते तो पंडितोनां वचन युक्तिसहित ज नीकळे.
प्रश्नः — संबंध मेळववा माटे सामान्य कथन करवुं हतुं पण वधारीने कथन
शामाटे कर्युं?
उत्तरः — परोक्ष कथनने वधारीने कह्या विना तेनुं स्वरूप भासे नहि के – ‘पहेलां तो
आवा आवा भोग – संग्रामादि कर्या पण पछी सर्वनो त्याग करी मुनि थया,’ इत्यादि चमत्कार
तो त्यारे ज भासे के ज्यारे वधारीने कथन करवामां आवे.
तुं कहे छे के — ‘एना निमित्तथी रागादिक वधी जाय छे,’ पण जेम कोई चैत्यालय
बनावे छे त्यां तेनुं प्रयोजन तो धर्मकार्य कराववानुं छे, छतां कोई पापी त्यां पापकर्म करे
तो त्यां चैत्यालय बनाववावाळानो तो दोष नथी; तेम श्रीगुरुए पुराणादिमां श्रृंगारादिनुं वर्णन