Moksha-Marg Prakashak-Hindi (English transliteration).

Page 193 of 350
PDF/HTML Page 221 of 378
single page version

sAtavAn adhikAr ][ 203

tathA vah tapashcharaN ko vRuthA klesh ThaharAtA hai; so mokShamArgI hone par to sansArI

jIvonse ulTI pariNati chAhiye. sansAriyonko iShTa-aniShTa sAmagrIse rAg-dveSh hotA hai, isake
rAg-dveSh nahIn honA chAhiye. vahAn rAg chhoDaneke artha iShTa sAmagrI bhojanAdikakA tyAgI hotA
hai, aur dveSh chhoDaneke artha aniShTa sAmagrI anashanAdiko angIkAr karatA hai. svAdhInarUpase
aisA sAdhan ho to parAdhIn iShTa-aniShTa sAmagrI milane par bhI rAg-dveSh na ho, so honA to
aisA hI chAhiye; parantu tujhe anashanAdise dveSh huA, isaliye use klesh ThaharAyA. jab yah
klesh huA tab bhojan karanA sukh svayamev ThaharA aur vahAn rAg AyA; so aisI pariNati
to sansAriyonke pAI hI jAtI hai, tUne mokShamArgI hokar kyA kiyA?

yadi tU kahegA — kitane hI samyagdRuShTi bhI tapashcharaN nahIn karate hain?

uttara — kAraN visheShase tap nahIn ho sakatA, parantu shraddhAnamen tapako bhalA jAnate

hain aur usake sAdhanakA udyam rakhate hain. tujhe to shraddhAn yah hai ki tap karanA klesh
hai, tathA tapakA tere udyam nahIn hai, isaliye tujhe samyagdRuShTi kaise ho?

phi ra vah kahatA hai — shAstramen aisA kahA hai ki tap AdikA klesh karatA hai to

karo, gnAn binA siddhi nahIn hai?

uttara — jo jIv tattvagnAnase to parAngmukh hain, tapase hI mokSha mAnate hain, unako aisA

upadesh diyA hai — tattvagnAnake binA keval tapase hI mokShamArga nahIn hotA. tathA tattvagnAn

hone par rAgAdik miTAneke artha tap karanekA to niShedh hai nahIn. yadi niShedh ho to
gaNadharAdik tap kisalie karen? isaliye apanI shakti-anusAr tap karanA yogya hai.

tathA vah vratAdikako bandhan mAnatA hai; so svachchhandavRutti to agnAn-avasthAmen thI hI,

gnAn prApta karane par to pariNatiko rokatA hI hai. tathA us pariNatiko rokaneke artha bAhya
hinsAdik kAraNonkA tyAgI avashya honA chAhiye.

phi ra vah kahatA hai — hamAre pariNAm to shuddha hain; bAhyatyAg nahIn kiyA to nahIn kiyA?

uttar : — yadi yah hinsAdi kArya tere pariNAm binA svayamev hote hon to ham aisA

mAnen. aur yadi tU apane pariNAmase kArya karatA hai to vahAn tere pariNAm shuddha kaise kahen?
viShay-sevanAdi kriyA athavA pramAdarUp gamanAdi kriyA pariNAm binA kaise ho? vah kriyA
to svayam udyamI hokar tU karatA hai aur vahAn hinsAdik hote hain unhen ginatA nahIn hai, pariNAm
shuddha mAnatA hai. so aisI mAnyatAse tere pariNAm ashuddha hI rahenge.

Page 194 of 350
PDF/HTML Page 222 of 378
single page version

204 ] [ mokShamArgaprakAshak

phi ra vah kahatA hai — pariNAmonko roken, bAhya hinsAdik bhI kam karen; parantu pratignA

karanemen bandhan hotA hai, isaliye pratignArUp vrat angIkAr nahIn karanA?

samAdhAn : — jis kArya ko karanekI AshA rahe usakI pratignA nahIn lete. aur

AshA rahe usase rAg rahatA hai. us rAgabhAvase binA kArya kiye bhI aviratise karmabandha
hotA rahatA hai; isaliye pratignA avashya karane yogya hai. tathA kArya karanekA bandhan hue
binA pariNAm kaise rukenge? prayojan paDane par tadrUp pariNAm honge, tathA binA prayojan paDe
usakI AshA rahatI hai; isaliye pratignA karanA yogya hai.

phi ra vah kahatA hai — na jAne kaisA uday Aye aur bAdamen pratignA bhang ho, to

mahApAp lagatA hai. isaliye prArabdha – anusAr kArya bane so bano, pratignAkA vikalpa nahIn

karanA?

samAdhAn : — pratignA grahaN karate hue jisakA nirvAh hotA na jAne, vah pratignA to

na kare; pratignA lete hI yah abhiprAy rahe ki prayojan paDane par chhoD dUngA, to vah pratignA
kyA kAryakArI huI? pratignA grahaN karate hue to yah pariNAm hai ki maraNAnta hone par
bhI nahIn chhoDUngA, to aisI pratignA karanA yukta hI hai. binA pratignA kiye avirat sambandhI
bandha nahIn miTatA.

tathA AgAmI udayake bhayase pratignA na lI jAye, to udayako vichAranese sarva hI

kartavyakA nAsh hotA hai. jaise — apaneko pachatA jAne utanA bhojan kare. kadAchit kisIko

bhojanase ajIrNa huA ho, aur us bhayase bhojan karanA chhoD de to maraN hI hogA. usI
prakAr apane se nirvAh hotA jAne utanI pratignA kare. kadAchit kisIke pratignAse bhraShTapanA
huA ho aur us bhayase pratignA karanA chhoD de to asanyam hI hogA; isaliye jo ban
sake vah pratignA lenA yogya hai.

tathA prArabdha-anusAr to kArya banatA hI hai, tU udyamI hokar bhojanAdi kisaliye karatA

hai? yadi vahAn udyam karatA hai to tyAg karanekA bhI udyam karanA yogya hI hai. jab pratimAvat
terI dashA ho jAyegI tab ham prArabdha hI mAnenge, terA kartavya nahIn mAnege. isaliye svachchhanda
honekI yukti kisaliye banAtA hai? bane vah pratignA karake vrat dhAraN karanA yogya hI hai.

tathA vah pUjanAdi kAryako shubhAsrav jAnakar hey mAnatA hai, so yah satya hI hai;

parantu yadi in kAryonko chhoDakar shuddhopayogarUp ho to bhalA hI hai, aur viShay- kaShAyarUp –

ashubharUp pravarte to apanA burA hI kiyA.

Page 195 of 350
PDF/HTML Page 223 of 378
single page version

sAtavAn adhikAr ][ 205

shubhopayogase svargAdi hon, athavA bhalI vAsanAse yA bhale nimittase karmake sthiti-anubhAg

ghaT jAyen to samyaktvAdikI bhI prApti ho jAye. aur ashubhopayogase narak-nigodAdi hon,
athavA burI vAsanAse yA nimittase karmake sthiti-anubhAg baDh jAyen to samyaktvAdik mahA
durlabh ho jAyen.

tathA shubhopayog honese kaShAy manda hotI hai aur ashubhopayog honese tIvra hotI hai;

so mandakaShAyakA kArya chhoDakar tIvrakaShAyakA kArya karanA to aisA hai jaise kaDavI vastu na
khAnA aur viSh khAnA. yo yah agnAnatA hai.

phi ra vah kahatA hai — shAstramen shubh-ashubhako samAn kahA hai, isaliye hamen to visheSh

jAnanA yogya nahIn hai?

samAdhAna — jo jIv shubhopayogako mokShakA kAraN mAnakar upAdey mAnate hain aur

shuddhopayogako nahIn pahichAnate, unhen shubh-ashubh dononko ashuddhatAkI apekShA va bandhakAraNakI
apekShA samAn batalAyA hai.

tathA shubh-ashubhakA paraspar vichAr karen to shubhabhAvommen kaShAy manda hotI hai, isaliye

bandha hIn hotA hai; ashubhabhAvommen kaShAy tIvra hotI hai, isaliye bandha bahut hotA hai. is
prakAr vichAr karane par ashubhakI apekShA siddhAntamen shubhako bhalA bhI kahA jAtA hai. jaise —

rog to thoDA yA bahut burA hI hai, parantu bahut rogakI apekShA thoDe rogako bhalA bhI kahate
hain.

isaliye shuddhopayog na ho, tab ashubhase chhUTakar shubhamen pravartanA yogya hai; shubhako

chhoDakar ashubhamen pravartanA yogya nahIn hai.

phi ra vah kahatA hai — kAmAdik yA kShudhAdik miTAnekI ashubharUp pravRutti to hue binA

rahatI nahIn hai, aur shubh pravRutti ichchhA karake karanI paDatI hai; gnAnIko ichchhA nahIn chAhiye,
isaliye shubhakA udyam nahIn karanA?

uttar : — shubh pravRuttimen upayog laganese tathA usake nimittase virAgatA baDhanese

kAmAdik hIn hote hain aur kShudhAdikamen bhI sanklesh thoDA hotA hai. isaliye shubhopayogakA
abhyAs karanA. udyam karane par bhI yadi kAmAdik va kShudhAdik pIDit karate hain to unake
artha jisase thoDA pAp lage vah karanA. parantu shubhopayogako chhoDakar nishank pAparUp pravartan
karanA to yogya nahIn hai.

Page 196 of 350
PDF/HTML Page 224 of 378
single page version

206 ] [ mokShamArgaprakAshak

aur tU kahatA hai — gnAnIke ichchhA nahIn hai aur shubhopayog ichchhA karanese hotA hai;

so jis prakAr koI puruSh kinchitmAtra bhI apanA dhan denA nahIn chAhatA; parantu jahAn bahut
dhan jAtA jAne vahAn apanI ichchhAse thoDA dhan denekA upAy karatA hai; usI prakAr gnAnI
kinchitmAtra bhI kaShAyarUp kArya nahIn karanA chAhatA, parantu jahAn bahut kaShAyarUp ashubh- kArya
hotA jAne vahAn ichchhA karake alpa kaShAyarUp shubhakArya karanekA udyam karatA hai.

isaprakAr yah bAt siddha huI ki jahAn shuddhopayog hotA jAne vahAn to shubh kAryakA

niShedh hI hai aur jahAn ashubhopayog hotA jAne vahAn shubhakA upAy karake angIkAr karanA
yogya hai.

isaprakAr anek vyavahArakAryonkA utthApan karake jo svachchhandapaneko sthApit karatA hai,

usakA niShedh kiyA.

keval nishchayAbhAsake avalambI jIvakI pravRutti

ab, usI keval nishchayAvalambI jIvakI pravRutti batalAte hain —

ek shuddhAtmAko jAnanese gnAnI ho jAte hain — anya kuchh bhI nahIn chAhiye; aisA jAnakar

kabhI ekAntamen baiThakar dhyAnamudrA dhAraN karake ‘main sarva karmopAdhirahit siddhasamAn AtmA hUn’ —

ityAdi vichArase santuShTa hotA hai; parantu yah visheShaN kis prakAr sambhav hai — aisA vichAr

nahIn hai. athavA achal, akhaNDa, anupamAdi visheShaN dvArA AtmAko dhyAtA hai; so yah
visheShaN anya dravyommen bhI sambhavit hain. tathA yah visheShaN kis apekShAse hain so vichAr nahIn
hai. tathA kadAchit sote-baiThate jis-tis avasthAmen aisA vichAr rakhakar apaneko gnAnI mAnatA
hai.

tathA gnAnIke Asrav-bandha nahIn hain — aisA Agamamen kahA hai; isaliye kadAchit viShay-

kaShAyarUp hotA hai, vahAn bandha honekA bhay nahIn hai, svachchhanda huA rAgAdirUp pravartatA hai.

so sva-parako jAnanekA to chihna vairAgyabhAv hai. so samayasAramen kahA hai —

‘‘samyagdRuShTerbhavati niyatan gnAnavairAgyashakti¹.’’

artha — samyagdRuShTike nishchayase gnAn-vairAgyashakti hotI hai.

1. samyagdRuShTerbhavati niyatan gnAnavairAgyashakti, svan vastutvan kalayitumayan svAnyarUpAptimuktyA.

yasmAjgnAtvA vyatikaramidan tattvata svan paran cha, svasminnAste viramati parAtsarvato rAgayogAt..

(samayasAr kalash-136)

Page 197 of 350
PDF/HTML Page 225 of 378
single page version

sAtavAn adhikAr ][ 207

phi ra kahA hai —

samyagdRuShTi svayamayamahan jAtu bandho na me syA-
dityuttAnotpulakavadanA rAgiNopyAcharantu.

AlambantAn samitiparatAn te yatodyApi pApA
AtmAnAtmAvagamavirahAtsanti samyaktvashUnyA..137..

artha — svayamev yah main samyagdRuShTi hUn, mere kadAchit bandha nahIn hai — is prakAr UnchA

phu lAyA hai munh jinhonne — aise rAgI vairAgyashakti rahit AcharaN karate hain to karo, tathA pAnch

samitikI sAvadhAnIkA avalamban lete hain to lo; parantu ve gnAnashakti binA Aj bhI pApI
hI hain. yah donon AtmA-anAtmAke gnAnarahitapanese samyaktvarahit hI hain.

phi ra pUchhate hain — parako par jAnA to paradravyommen rAgAdi karanekA kyA prayojan rahA?

vahAn vah kahatA hai — mohake udayase rAgAdik hote hain. pUrvakAlamen bharatAdik gnAnI hue, unake

bhI viShay-kaShAyarUp kArya huA sunate hain.

uttara — gnAnIke bhI mohake udayase rAgAdik hote hain yah satya hai; parantu buddhipUrvak

rAgAdik nahIn hote. usakA visheSh varNan Age karenge.

tathA jisake rAgAdik honekA kuchh viShAd nahIn hai, unake nAshakA upAy bhI nahIn

hai, usako rAgAdik bure hain — aisA shraddhAn bhI nahIn sambhavit hotA. aur aise shraddhAn binA

samyagdRuShTi kaise ho sakatA hai? jIvAjIvAdi tattvonkA shraddhAn karanekA prayojan to itanA hI
shraddhAn hai.

tathA bharatAdik samyagdRuShTiyonke viShay-kaShAyonkI pravRutti jaise hotI hai vah bhI visheSharUpase

Age kahenge. tU unake udAharaNase svachchhanda hogA to tujhe tIvra Asrav-bandha hogA.

vahI kahA hai —

‘‘magnA gnAnanayaiShiNopi yadatisvachchhandamandodyamA.’’

artha — gnAnanayakA avalokan karanevAle bhI jo svachchhanda mandaudyamI hote hain, ve sansAramen

DUbate hain.

1. magnA karmanayAvalambanaparA gnAnan na jAnanti yan, magnA gnAnanayaiShiNopi yadatisvachchhandamandodyamA.

vishvasyopari te taranti satatan gnAnan bhavanta svayam, ye kurvanti na karma jAtu na vashan yAnti pramAdasya cha..

(samayasAr kalash — 111)

Page 198 of 350
PDF/HTML Page 226 of 378
single page version

208 ] [ mokShamArgaprakAshak

aur bhI vahAn ‘‘gnAnin karma na jAtu kartumuchitan’’1 ityAdi ka lashamen tathA ‘‘tathApi

na nirargalan charitumiShyate gnAnina’’2 ityAdi klashamen svachchhandI honekA niShedh kiyA hai. binA

ichchhAke jo kArya ho vah karmabandhakA kAraN nahIn hai. abhiprAyase kartA hokar kare aur
gnAtA rahe yah to banatA nahIn hai — ityAdi nirUpaN kiyA hai.

isaliye rAgAdikako bure – ahitakArI jAnakar unake nAshake artha udyam rakhanA.

vahAn anukramase pahale tIvra rAgAdi chhoDaneke artha ashubh kArya chhoDakar shubhamen laganA,

aur pashchAt manda rAgAdi bhI chhoDaneke artha shubhako chhoDakar shuddhopayogarUp honA.

tathA kitane hI jIv ashubhamen klesh mAnakar vyApArAdi kArya va strI-sevanAdi kAryonko

bhI ghaTAte hain, tathA shubhako hey jAnakar shAstrAbhyAsAdi kAryommen nahIn pravartate hain, vItarAgabhAvarUp
shuddhopayogako prApta hue nahIn hain; isalie ve jIv artha, kAm, dharma, mokSharUp puruShArthase rahit
hote hue AlasI – nirudyamI hote hain.

unakI nindA panchAstikAy3kI vyAkhyAmen kI hai. unake liye dRuShTAnta diyA hai ki jaise

bahut khIr-shakkar khAkar puruSh AlasI hotA hai va jaise vRukSha nirudyamI hain; vaise ve jIv AlasI –

nirudyamI hue hain.

ab inase pUchhate hain ki tumane bAhya to shubh-ashubh kAryonko ghaTAyA, parantu upayog

to binA Alambanake rahatA nahIn hai; to tumhArA upayog kahAn rahatA hai? so kaho.

yadi vah kahe ki AtmAkA chintavan karatA hai, to shAstrAdi dvArA anek prakArase AtmAke

vichArako to tumane vikalpa ThaharAyA, aur AtmAkA koI visheShaN jAnanemen bahut kAl lagatA
nahIn hai, bArambAr ekarUp chintavanamen chhadmasthakA upayog lagatA nahIn hai, gaNadharAdikakA bhI upayog
isaprakAr nahIn rah sakatA, isaliye ve bhI shAstrAdi kAryommen pravartate hain, terA upayog gaNadharAdikase
bhI kaise shuddha huA mAnen? isaliye terA kahanA pramAN nahIn hai.

jaise koI vyApArAdimen nirudyamI hokar niThallA jaise-taise kAl gamvAtA hai; usIprakAr

1. gnAnin karma na jAtu kartumuchitan kinchittathApyuchyate, bhunkShe hant na jAtu me yadi paran durbhukta evAsi bho.

bandha syAdupabhogato yadi na tatkin kAmachArosti te, gnAnan sanvas bandhameShyaparathA svasyAparAdhAddhruvam..
(samayasAr kalash-151)

2. tathApi na nirargalan charitumiShyate gnAninAn tadAyatanamev sA kil nirargalA vyApRuti.

akAmakRutakarma tanmatamakAraNan gnAninAn dvayan na hi virudhyate kimu karoti jAnAti cha..

(samayasAr kalash — 166)

3. gAthA 172 kI TIkAmen.

Page 199 of 350
PDF/HTML Page 227 of 378
single page version

sAtavAn adhikAr ][ 209

tU dharmamen nirudyamI hokar pramAd sahit yon hI kAl gamvAtA hai. kabhI kuchh chintavan-sA karatA
hai, kabhI bAten banAtA hai, kabhI bhojanAdi karatA hai; parantu apanA upayog nirmal karaneke
lie shAstrAbhyAs, tapashcharaN, bhakti Adi karmommen nahIn pravartatA. sUnA-sA hokar pramAdI honekA
nAm shuddhopayog ThaharAtA hai. vahAn klesh thoDA honese jaise koI AlasI banakar paDe rahanemen
sukh mAne vaise Ananda mAnatA hai.

athavA jaise koI svapnamen apaneko rAjA mAnakar sukhI ho; usI prakAr apaneko bhramase

siddha samAn shuddha mAnakar svayam hI Anandit hotA hai. athavA jaise kahIn rati mAnakar sukhI
hotA hai; usI prakAr kuchh vichAr karanemen rati mAnakar sukhI hotA hai; use anubhavajanit
Ananda kahatA hai. tathA jaise kahIn arati mAnakar udAs hotA hai; usI prakAr vyApArAdik,
putrAdikako khedakA kAraN jAnakar unase udAs rahatA aur use vairAgya mAnatA hai — so aisA

gnAn-vairAgya to kaShAyagarbhit hai. vItarAgarUp udAsInadashA men jo nirAkulatA hotI hai vah
sachchA Ananda, gnAn, vairAgya gnAnI jIvonke chAritramohakI hInatA hone par pragaT hotA hai.

tathA vah vyApArAdik klesh chhoDakar yatheShTa bhojanAdi dvArA sukhI huA pravartatA hai

aur vahAn apaneko kaShAyarahit mAnatA hai; parantu is prakAr AnandarUp honese to raudradhyAn
hotA hai. jahAn sukhasAmagrIko chhoDakar dukhasAmagrIkA sanyog hone par sanklesh na ho, rAg-
dveSh utpanna na hon; tab nikaShAyabhAv hotA hai.

aisI bhramarUp unakI pravRutti pAyI jAtI hai.
is prakAr jo jIv keval nishchayAbhAsake avalambI hain unhen mithyAdRuShTi jAnanA.

jaise — vedAntI va sAnkhyamatI jIv keval shuddhAtmAke shraddhAnI hain; usI prakAr inhen bhI jAnanA.

kyonki shraddhAnakI samAnatAke kAraN unakA upadesh inhen iShTa lagatA hai, inakA upadesh unhen
iShTa lagatA hai.

tathA un jIvonko aisA shraddhAn hai ki keval shuddhAtmAke chintavanase to samvar-nirjarA

hote hain va muktAtmAke sukhakA ansh vahAn pragaT hotA hai; tathA jIvake guNasthAnAdi ashuddha
bhAvonkA aur apane atirikta anya jIv-pudgalAdikA chintavan karanese Asrav-bandha hotA hai;
isaliye anya vichArase parAngmukh rahate hain.

so yah bhI satyashraddhAn nahIn hai, kyonki shuddha svadravyakA chintavan karo yA anya chintavan

karo; yadi vItarAgatAsahit bhAv hon to vahAn samvar-nirjarA hI hai, aur jahAn rAgAdirUp bhAv
hon vahAn Asrav-bandha hI hai. yadi paradravyako jAnanese hI Asrav-bandha hote hon, to kevalI
to samasta paradravyonko jAnate hain, isaliye unake bhI Asrav-bandha honge.

Page 200 of 350
PDF/HTML Page 228 of 378
single page version

210 ] [ mokShamArgaprakAshak

phi ra vah kahatA hai ki chhadmasthake to paradravya chintavanase Asrav-bandha hotA hai? so

bhI nahIn hai; kyonki shukladhyAnamen bhI muniyonko chhahon dravyonke dravya-guN-paryAyonkA chintavan honekA
nirUpaN kiyA hai, aur avadhi-manaparyay Adimen paradravyako jAnanekI hI visheShatA hotI hai;
tathA chauthe guNasthAnamen koI apane svarUpakA chintavan karatA hai usake bhI Asrav-bandha adhik
hain tathA guNashreNI nirjarA nahIn hai; pAnchave-chhaTThe guNasthAnamen AhAr-vihArAdi kriyA hone par paradravya
chintavanase bhI Asrav-bandha thoDA hai aur guNashreNI nirjarA hotI rahatI hai. isaliye svadravya-
paradravyake chintavanase nirjarA-bandha nahIn hote, rAgAdi ghaTane se nirjarA hai aur rAgAdi hone se
bandha hai. use rAgAdike svarUpakA yathArtha gnAn nahIn hai, isaliye anyathA mAnatA hai.

ab vah pUchhatA ki aisA hai to nirvikalpa anubhavadashAmen nay-pramAN-nikShepAdikake tathA

darshan-gnAnAdikake bhI vikalponkA niShedh kiyA hai — so kis prakAr hai?

uttara — jo jIv inhIn vikalpommen lage rahate hain aur abhedarUp ek AtmAkA anubhav

nahIn karate unhen aisA upadesh diyA hai ki yah sarva vikalpa vastukA nishchay karanemen kAraN
hain, vastukA nishchay hone par unakA prayojan kuchh nahIn rahatA; isaliye in vikalponko bhI
chhoDakar abhedarUp ek AtmAkA anubhav karanA, inake vichArarUp vikalpommen hI phansA rahanA
yogya nahIn hai.

tathA vastukA nishchay honeke pashchAt aisA nahIn hai ki sAmAnyarUp svadravyakA hI chintavan

rahA kare. svadravyakA tathA paradravyakA sAmAnyarUp aur visheSharUp jAnanA hotA hai, parantu
vItarAgatAsahit hotA hai; usIkA nAm nirvikalpadashA hai.

vahAn vah pUchhatA hai — yahAn to bahut vikalpa hue, nirvikalpa sangnA kaise sambhav hai?

uttara — nirvichAr honekA nAm nirvikalpa nahIn hai; kyonki chhadmasthake jAnanA

vichArasahit hai, usakA abhAv mAnanese gnAnakA abhAv hogA aur tab jaDapanA huA; so
AtmAke hotA nahIn hai. isaliye vichAr to rahatA hai.

tathA yah kahe ki ek sAmAnyakA hI vichAr rahatA hai, visheShakA nahIn. to sAmAnyakA

vichAr to bahut kAl rahatA nahIn hai va visheShakI apekShA binA sAmAnyakA svarUp bhAsit
nahIn hotA.

tathA yah kahe ki apanA hI vichAr rahatA hai, parakA nahIn; to paramen parabuddhi hue

binA apanemen nijabuddhi kaise Aye?

vahAn vah kahatA hai — samayasAramen aisA kahA hai —

Page 201 of 350
PDF/HTML Page 229 of 378
single page version

sAtavAn adhikAr ][ 211

bhAvayedbhedavignAnamidamachchhinnadhArayA.

tAvadyAvatparAchchyutvA gnAnan gnAne pratiShThate..(kalash — 130)

artha — bhedagnAnako tab tak nirantar bhAnA, jab tak parase chhUTakar gnAn gnAnamen sthit ho.

isaliye bhedagnAn chhUTane par jAnanA miT jAtA hai, keval ApahIko Ap jAnatA rahatA hai.

yahAn to yah kahA hai ki pUrvakAlamen sva-parako ek jAnatA thA; phi ra bhinna jAnaneke liye

bhedagnAnako tab tak bhAnA hI yogya hai jab tak gnAn pararUpako bhinna jAnakar apane gnAnasvarUpamen
hI nishchit ho jAye. pashchAt bhedavignAn karanekA prayojan nahIn rahatA; svayamev parako pararUp aur
Apako AparUp jAnatA rahatA hai. aisA nahIn hai ki paradravyakA jAnanA hI miT jAtA hai. isaliye
paradravyako jAnane yA svadravyake visheShonko jAnanekA nAm vikalpa nahIn hai.

to kis prakAr hai? so kahate hain. rAg-dveShavash kisI gneyako jAnanemen upayog lagAnA

aur kisI gneyake jAnanese chhuDAnA — is prakAr bArambAr upayogako bhramAnA — usakA nAm

vikalpa hai. tathA jahAn vItarAgarUp hokar jise jAnate hain use yathArtha jAnate hain, anya-
anya gneyako jAnaneke artha upayogako bhramAte nahIn hain; vahAn nirvikalpadashA jAnanA.

yahAn koI kahe ki chhadmasthakA upayog to nAnA gneyommen bhramatA hI bhramatA hai; vahAn

nirvikalpatA kaise sambhav hai?

uttara — jitane kAl tak jAnanerUp rahe tab tak nirvikalpa nAm pAtA hai. siddhAntamen

dhyAnakA lakShaN aisA hI kiyA hai —

‘‘ekAgrachintAnirodho dhyAnam.’’ (tattvArthasUtra 9-27)

ekakA mukhya chintavan ho aur anya chintA ruk jAye — usakA nAm dhyAn hai.

sarvArthasiddhi sUtrakI TIkAmen yah visheSh kahA hai — yadi sarva chintA rukanekA nAm dhyAn ho

to achetanapanA A jAye. tathA aisI bhI vivakShA hai ki santAn-apekShA nAnA gneyonkA bhI
jAnanA hotA hai; parantu jab tak vItarAgatA rahe, rAgAdise Ap upayogako na bhramAye tab
tak nirvikalpadashA kahate hain.

phi ra vah kahatA hai — aisA hai to paradravyase chhuDAkar svarUpamen upayog lagAnekA upadesh

kisaliye diyA hai?

samAdhAna — jo shubh-ashubhabhAvonke kAraN paradravya hain; unamen upayog lagAnese jinako

rAg-dveSh ho Ate hain, aur svarUp-chintavan karen to jinake rAg-dveSh ghaTate hain — aise nichalI

Page 202 of 350
PDF/HTML Page 230 of 378
single page version

212 ] [ mokShamArgaprakAshak

avasthAvAle jIvonko pUrvokta upadesh hai. jaise — koI strI vikArabhAvase parAye ghar jAtI thI;

use manA kiyA ki parAye ghar mat jA, gharamen baiThI raha. tathA jo strI nirvikAr bhAvase
kisIke ghar jAkar yathAyogya pravarte to kuchh doSh hai nahIn. usI prakAr upayogarUp pariNati
rAg-dveShabhAvase paradravyommen pravartatI thI; use manA kiyA ki paradravyommen pravartan mat kar, svarUpamen
magna raha. tathA jo upayogarUp pariNati vItarAgabhAvase paradravyako jAnakar yathAyogya pravarte
to kuchh doSh hai nahIn.

phi ra vah kahatA hai — aisA hai to mahAmuni parigrahAdik chintavanakA tyAg kisaliye

karate hain?

samAdhAna — jaise vikArarahit strI kushIlake kAraN parAye gharonkA tyAg karatI hai; usI

prakAr vItarAg pariNati rAg-dveShake kAraN paradravyonkA tyAg karatI hai. tathA jo vyabhichArake
kAraN nahIn hain aise parAye gharommen jAnekA tyAg hai nahIn; usI prakAr jo rAg-dveShake kAraN
nahIn hain aise paradravyonko jAnanekA tyAg hai nahIn.

phi ra vah kahatA hai — jaise jo strI prayojan jAnakar pitAdikake ghar jAtI hai to jAye,

binA prayojan jis-tisake ghar jAnA to yogya nahIn hai. usI prakAr pariNatiko prayojan jAnakar
sAt tattvonkA vichAr karanA, binA prayojan guNasthAnAdikakA vichAr karanA yogya nahIn hai?

samAdhAna — jaise strI prayojan jAnakar pitAdik yA mitrAdikake bhI ghar jAye; usI

prakAr pariNati tattvonke visheSh jAnaneke kAraN guNasthAnAdik va karmAdikako bhI jAne. tathA
yahAn aisA jAnanA ki jaise shIlavatI strI udyamapUrvak to viT puruShonke sthAn par na jAye;
yadi paravash vahAn jAnA ban jAye aur vahAn kushIl sevan na kare to strI shIlavatI hI
hai. usI prakAr vItarAg pariNati upAyapUrvak to rAgAdikake kAraN paradravyommen na lage; yadi
svayamev unakA jAnanA ho jAye aur vahAn rAgAdik na kare to pariNati shuddha hI hai. isaliye
muniyonko strI Adike parIShah hone par unako jAnate hI nahIn, apane svarUpakA hI jAnanA
rahatA hai — aisA mAnanA mithyA hai. unako jAnate to hain, parantu rAgAdik nahIn karate.

is prakAr paradravyako jAnate hue bhI vItarAgabhAv hotA hai. — aisA shraddhAn karanA.

tathA vah kahatA hai — aisA hai to shAstramen aisA kaise kahA hai ki AtmAkA shraddhAn-

gnAn-AcharaN samyagdarshan-gnAn-chAritra hai?

samAdhAna — anAdise paradravyamen AparUp shraddhAn-gnAn-AcharaN thA; use chhuDAneke liye

yah upadesh hai. apanemen hI AparUp shraddhAn-gnAn-AcharaN honese paradravyamen rAg-dveShAdi pariNati

Page 203 of 350
PDF/HTML Page 231 of 378
single page version

sAtavAn adhikAr ][ 213

karanekA shraddhAn va gnAn va AcharaN miT jAye tab samyagdarshanAdi hote hain. yadi paradravyakA
paradravyarUp shraddhAnAdi karanese samyagdarshanAdi na hote hon to kevalIke bhI unakA abhAv ho.
jahAn paradravyako burA jAnanA, nijadravyako bhalA jAnanA ho; vahAn to rAg-dveSh sahaj hI hue.
jahAn Apako AparUp aur parako pararUp yathArtha jAnatA rahe, vaise hI shraddhAnAdirUp pravartan
kare; tabhI samyagdarshanAdi hote hain — aisA jAnanA.

isaliye bahut kyA kahen — jis prakArase rAgAdi miTAnekA shraddhAn ho vahI shraddhAn

samyagdarshan hai, jis prakArase rAgAdi miTAnekA jAnanA ho vahI jAnanA samyaggnAn hai, tathA
jisaprakArase rAgAdi miTen vahI AcharaN samyakchAritra hai; aisA hI mokShamArga mAnanA yogya hai.

is prakAr nishchayanayase AbhAsasahit ekAntapakShake dhArI jainAbhAsonke mithyAtvakA

nirUpaN kiyA.

vyavahArabhAsI mithyAdRuShTi

ab, vyavahArAbhAsapakShake dhArak jainAbhAsonke mithyAtvakA nirUpaN karate hain —

jinAgamamen jahAn vyavahArakI mukhyatAse upadesh hai, use mAnakar bAhyasAdhanAdikakA hI

shraddhAnAdik karate hain, unake sarvadharmake ang anyathArUp hokar mithyAbhAvako prApta hote hain —

so visheSh kahate hain.

yahAn aisA jAn lenA ki vyavahAradharmakI pravRuttise puNyabandha hotA hai, isaliye

pApapravRuttikI apekShA to isakA niShedh hai nahIn; parantu yahAn jo jIv vyavahArapravRuttise hI santuShTa
hokar sachche mokShamArgamen udyamI nahIn hote hain, unhen mokShamArgamen sanmukh karaneke liye us shubharUp
mithyApravRuttikA bhI niShedharUp nirUpaN karate hain.

yah jo kathan karate hain use sunakar yadi shubhapravRutti chhoD ashubhamen pravRutti karoge tab

to tumhArA burA hogA; aur yadi yathArtha shraddhAn karake mokShamArgamen pravartan karoge to tumhArA
bhalA hogA. jaise — koI rogI nirguN auShadhikA niShedh sunakar auShadhi sAdhanako chhoDakar

kupathya kare to vah maregA, usamen vaidyakA kuchh doSh nahIn hai; usI prakAr koI sansArI puNyarUp
dharmakA niShedh sunakar dharmasAdhan chhoD viShay-kaShAyarUp pravartan karegA to vahI narakAdimen dukh
pAyegA. upadeshadAtAkA to doSh hai nahIn. upadesh denevAlekA abhiprAy to asatyashraddhAnAdi
chhuDAkar mokShamArgamen lagAnekA jAnanA.

so aise abhiprAyase yahAn nirUpaN karate hain.

Page 204 of 350
PDF/HTML Page 232 of 378
single page version

214 ] [ mokShamArgaprakAshak

[ kulaapekShA dharmadhArak vyavahArAbhAsI ]

vahAn koI jIv to kulakramase hI jainI hain, jainadharmakA svarUp jAnate nahIn, parantu kulamen

jaisI pravRutti chalI AyI hai vaise pravartate hain. vahAn jis prakAr anyamatI apane kuladharmamen
pravartate hain usI prakAr yah pravartate hain. yadi kulakramase hI dharma ho to musalamAn Adi sabhI
dharmAtmA ho jAyen. jainadharmakI visheShatA kyA rahI?

vahI kahA hai —

loyammi rAyaNII NAyan Na kulakammi kaiyAvi.

kin puN tiloy pahuNo jiNandadhammAhigArammi..7.. (upadeshasiddhAntaratnamAlA)

artha — lokamen yah rAjanIti hai ki kadAchit kulakramase nyAy nahIn hotA hai. jisakA

kul chor ho, use chorI karate pakaD len to usakA kulakram jAnakar chhoDate nahIn hain, daNDa hI
dete hain. to trilokaprabhu jinendradevake dharmake adhikAramen kyA kulakramAnusAr nyAy sambhav hai?

tathA yadi pitA daridrI ho aur Ap dhanavAn ho, tab vahAn to kulakramakA vichAr

karake Ap daridrI rahatA hI nahIn, to dharmamen kulakA kyA prayojan hai? tathA pitA narakamen
jAye aur putra mokSha jAtA hai, vahAn kulakram kaise rahA? yadi kul par dRuShTi ho to putra
bhI narakagAmI honA chAhiye. isaliye dharmamen kulakramakA kuchh bhI prayojan nahIn hai.

shAstronkA artha vichArakar yadi kAladoShase jinadharmamen bhI pApI puruShon dvArA kudev-kuguru-

kudharma sevanAdirUp tathA viShay-kaShAy poShaNAdirUp viparIt pravRutti chalAI gaI ho, to usakA
tyAg karake jin-AgnAnusAr pravartan karanA yogya hai.

yahAn koI kahe ki paramparA chhoDakar navIn mArgamen pravartan karanA yogya nahIn hai?
usase kahate hain — yadi apanI buddhise navIn mArga pakaDe to yogya nahIn hai. jo

paramparA – anAdinidhan jainadharmakA svarUp shAstrommen likhA hai, usakI pravRutti miTAkar pApI puruShonne

bIchamen anyathA pravRutti chalAI ho, use paramparA-mArga kaise kahA jA sakatA hai? tathA use chhoDakar
purAtan jainashAstrommen jaisA dharma likhA thA, vaise pravartan kare to use navIn mArga kaise kahA
jA sakatA hai?

tathA yadi kulamen jaisI jinadevakI AgnA hai, usI prakAr dharmakI pravRutti hai to apaneko

bhI vaise hI pravartan karanA yogya hai; parantu use kulAchAr na jAn dharma jAnakar, usake svarUp,
phalAdikakA nishchay karake angIkAr karanA. jo sachche bhI dharmako kulAchAr jAnakar pravartatA

Page 205 of 350
PDF/HTML Page 233 of 378
single page version

sAtavAn adhikAr ][ 215

hai to use dharmAtmA nahIn kahate; kyonki sarva kulake us AcharaNako chhoD den to Ap bhI
chhoD degA. tathA vah jo AcharaN karatA hai so kulake bhayase karatA hai, kuchh dharmabuddhise
nahIn karatA, isaliye vah dharmAtmA nahIn hai.

isaliye vivAhAdi kulasambadhI kAryommen to kulakramakA vichAr karanA, parantu dharmasambandhI

kAryamen kulakA vichAr nahIn karanA. jaisA dharmamArga sachchA hai, usI prakAr pravartan karanA yogya hai.

[ parIkShArahit AgnAnusArI dharmadhArak vyavahArAbhAsI ]

tathA kitane hI AgnAnusArI jainI hote hain. jaisI shAstramen AgnA hai us prakAr mAnate

hain, parantu AgnAkI parIkShA karate nahIn. yadi AgnA hI mAnanA dharma ho to sarva matavAle
apane-apane shAstrakI AgnA mAnakar dharmAtmA ho jAyen; isaliye parIkShA karake jinavachanakI
satyatA pahichAnakar jinAgnA mAnanA yogya hai.

binA parIkShA kiye satya-asatyakA nirNay kaise ho? aur binA nirNay kiye jis

prakAr anyamatI apane shAstronkI AgnA mAnate hain usI prakAr isane jainashAstronkI AgnA mAnI.
yah to pakShase AgnA mAnanA hai.

koI kahe ki shAstramen das prakArake samyaktvamen AgnAsamyaktva kahA hai va AgnAvichay

dharmadhyAnakA bhed kahA hai va nishankit angamen jinavachanamen sanshayakA niShedh kiyA hai; vah kis
prakAr hai?

samAdhAna — shAstrommen kitane hI kathan to aise hain jinakI pratyakSha-anumAnAdi dvArA parIkShA

kar sakate hain, tathA kaI kathan aise hain jo pratyakSha-anumAnAdi gochar nahIn hain; isaliye AgnAse
hI pramAN hote hain. vahAn nAnA shAstrommen jo kathan samAn hon unakI to parIkShA karanekA
prayojan hI nahIn hai; parantu jo kathan paraspar viruddha hon unamense jo kathan pratyakSha-anumAnAdi
gochar hon unakI to parIkShA karanA. vahAn jin shAstronke kathanakI pramANatA Thahare, un shAstrommen
jo pratyakSha-anumAnagochar nahIn hain — aise kathan kiye hon, unakI bhI pramANatA karanA. tathA

jin shAstronke kathanakI pramANatA na Thahare unake sarva hI kathanakI apramANatA mAnanA.

yahAn koI kahe ki parIkShA karane par koI kathan kisI shAstramen pramAN bhAsit ho,

tathA koI kathan kisI shAstramen pramAN bhAsit ho; tab kyA karen?

samAdhAna — jo Apta-bhAsit shAstra hain unamen koI bhI kathan pramAN-viruddha nahIn hote.

kyonki yA to jAnapanA hI na ho athavA rAg-dveSh ho tab asatya kahen, so Apta aise hote
nahIn. tUnen parIkShA bhale prakAr nahIn kI, isaliye bhram hai.

Page 206 of 350
PDF/HTML Page 234 of 378
single page version

216 ] [ mokShamArgaprakAshak

phi ra vah kahatA hai — chhadmasthase anyathA parIkShA ho jAye to vah kyA kare?

samAdhAna — sachchI-jhUThI donon vastuonko kasanese aur pramAN chhoDakar parIkShA karanese

to sachchI hI parIkShA hotI hai. jahAn pakShapAtake kAraN bhale prakAr parIkShA na kare vahIn anyathA
parIkShA hotI hai.

tathA vah kahatA hai ki shAstrommen paraspar-viruddha kathan to bahut hain, kin-kinakI parIkShA

kI jAye?

samAdhAna — mokShamArgamen dev-guru-dharma, jIvAdi tattva va bandha-mokShamArga prayojanabhUt hain, so

inakI parIkShA kar lenA. jin shAstrommen yah sachche kahe hon unakI sarva AgnA mAnanA, jinamen
yah anyathA prarUpit kiye hon unakI AgnA nahIn mAnanA.

jaise — lokamen jo puruSh prayojanabhUt kAryommen jhUTh na bole, vah prayojanarahit kAryommen

kaise jhUTh bolegA? usI prakAr jis shAstramen prayojanabhUt devAdikakA svarUp anyathA nahIn
kahA, usamen prayojanarahit dvIp-samudrAdikakA kathan anyathA kaise hogA? kyonki devAdikakA
kathan anyathA karanese vaktAke viShay-kaShAyakA poShaN hotA hai.

prashna — devAdikakA anyathA kathan to viShay-kaShAyavash kiyA; parantu unhIn shAstrommen

anya kathan anyathA kisaliye kiye?

samAdhAna — yadi ek hI kathan anyathA kare to usakA anyathApanA shIghra pragaT ho

jAyegA aur bhinna paddhati ThaharegI nahIn; isaliye bahut kathan anyathA karanese bhinna paddhati
ThaharegI. vahAn tuchchhabuddhi bhramamen paD jAte hain ki yah bhI mat hai, yah bhI mat hai. isaliye
prayojanabhUtakA anyathApanA milAneke liye aprayojanabhUt kathan bhI anyathA bahut kiye hain. tathA
pratIti karAneke artha koI-koI sachche kathan bhI kiye hain. parantu jo chatur ho so bhramamen nahIn
paDatA. prayojanabhUt kathanakI parIkShA karake jahAn satya bhAsit ho, us matakI sarva AgnA mAne.

so parIkShA karane par jainamat hI bhAsit hotA hai — anya nahIn; kyonki isake vaktA

sarvagna-vItarAg hain, ve jhUTh kisaliye kahenge? isaprakAr jinAgnA mAnanese jo sachchA shraddhAn ho,
usakA nAm AgnAsamyaktva hai. aur vahAn ekAgra chintavan honese usIkA nAm AgnAvichay-
dharmadhyAn hai.

yadi aisA na mAnen aur binA parIkShA kiye hI AgnA mAnanese samyaktva va dharmadhyAn

ho jAye to jo dravyalingI AgnA mAnakar muni hue, AgnAnusAr sAdhan dvArA graiveyak paryanta
jAte hain; unake mithyAdRuShTipanA kaise rahA? isaliye kuchh parIkShA karake AgnA mAnane par hI

Page 207 of 350
PDF/HTML Page 235 of 378
single page version

sAtavAn adhikAr ][ 217

samyaktva va dharmadhyAn hotA hai. lokamen bhI kisI prakAr parIkShA hone par hI puruShakI pratIti
karate hain.

tathA tUne kahA ki jinavachanamen sanshay karanese samyaktvake shankA nAmak doSh hotA hai;

so ‘na jAne yah kis prakAr hai’ — aisA mAnakar nirNay na kare vahAn shankA nAmak doSh hotA

hai. tathA yadi nirNay karanekA vichAr karate hI samyaktvamen doSh lagatA ho to aShTasahasrImen
AgnApradhAnase parIkShApradhAnako uttam kisaliye kahA? pRuchchhanA Adi svAdhyAyake ang kaise kahe?
pramAN-nayase padArthonkA nirNay karanekA upadesh kisaliye diyA? isaliye parIkShA karake AgnA
mAnanA yogya hai.

tathA kitane hI pApI puruShonne apane kalpit kathan kiye hain aur unhen jinavachan

ThaharAyA hai, unhen jainamatake shAstra jAnakar pramAN nahIn karanA. vahAn bhI pramANAdikase parIkShA
karake, va paraspar shAstronse vidhi milAkar, va is prakAr sambhav hai yA nahIn — aisA vichAr

karake viruddha arthako mithyA hI jAnanA.

jaise — kisI Thagane svayam patra likhakar usamen likhanevAlekA nAm kisI sAhUkArakA

rakhA; us nAmake bhramase dhanako ThagAye to daridrI hogA. usI prakAr pApI logonne svayam
granthAdi banAkar vahAn kartAkA nAm jin, gaNadhar, AchAryonkA rakhA; us nAmake bhramase jhUTh
shraddhAn kare to mithyAdRuShTi hI hogA.

tathA vah kahatA hai — gommaTasAr1men aisA kahA hai ki samyagdRuShTi jIv agnAnI guruke

nimittase jhUTh bhI shraddhAn kare to AgnA mAnanese samyagdRuShTi hI hai. so yah kathan kaise kiyA?

uttara — jo pratyakSha-anumAnAdigochar nahIn hain, aur sUkShmapanese jinakA nirNay nahIn ho

sakatA unakI apekShA yah kathan hai; parantu mUlabhUt dev-guru-dharmAdi tathA tattvAdikakA anyathA
shraddhAn hone par to sarvathA samyaktva rahatA nahIn hai — yah nishchay karanA. isaliye binA parIkShA

kiye keval AgnA hI dvArA jo jainI hain unhen bhI mithyAdRuShTi jAnanA.

tathA kitane hI parIkShA karake bhI jainI hote hain; parantu mUl parIkShA nahIn karate.

dayA, shIl, tap, sanyamAdi kriyAon dvArA; va pUjA, prabhAvanAdi kAryonse; atishay, chamatkArAdise
va jinadharmase iShTa prApti honeke kAraN jinamatako uttam jAnakar, prItivant hokar jainI hote
hain. so anyamatommen bhI ye kArya to pAye jAte hain; isaliye in lakShaNommen to ativyApti
pAyA jAtA hai.

1. sammAiThThI jIvo uvaiTThan pavayaNan tu saddahadi.

saddahadi asabbhAvan ajANamAsau guruNiyogA..27.. (jIvakANDa)

Page 208 of 350
PDF/HTML Page 236 of 378
single page version

218 ] [ mokShamArgaprakAshak

koI kahe — jaise jinadharmamen ye kArya hain, vaise anyamatommen nahIn pAye jAte; isaliye

ativyApti nahIn hai?

samAdhAna — yah to satya hai, aisA hI hai. parantu jaise tU dayAdik mAnatA hai usI

prakAr to ve bhI nirUpaN karate hain. parajIvonkI rakShAko dayA tU kahatA hai, vahI ve kahate
hain. isI prakAr anya jAnanA.

phi ra vah kahatA hai — unake ThIk nahIn hai; kyonki kabhI dayA prarUpit karate hain, kabhI

hinsA prarUpit karate hain?

uttara — vahAn dayAdikakA anshamAtra to AyA; isaliye ativyAptipanA in lakShaNonke

pAyA jAtA hai. inake dvArA sachchI parIkShA hotI nahIn.

to kaise hotI hai? jinadharmamen samyagdarshan-gnAn-chAritrako mokShamArga kahA hai. vahAn sachche

devAdik va jIvAdikakA shraddhAn karanese samyaktva hotA hai, va unako jAnanese samyaggnAn hotA
hai, va vAstavamen rAgAdik miTane par samyakchAritra hotA hai. so inake svarUpakA jaisA jinamatamen
nirUpaN kiyA hai vaisA anyatra kahIn nahIn kiyA, tathA jainIke sivAy anyamatI aisA kArya
kar nahIn sakate. isaliye yah jinamatakA sachchA lakShaN hai. is lakShaNako pahichAnakar jo
parIkShA karate hain ve hI shraddhAnI hain. isake sivAy jo anya prakArase parIkShA karate hain ve
mithyAdRuShTi hI rahate hain.

tathA kitane hI sangatise jainadharma dhAraN karate hain, kitane hI mahAn puruShako jinadharmamen

pravartatA dekh Ap bhI pravartate hain, kitane hI dekhAdekhI jinadharmakI shuddha yA ashuddha kriyAommen
pravartate hain. — ityAdi anek prakArake jIv Ap vichArakar jinadharmakA rahasya nahIn pahichAnate

aur jainI nAm dhAraN karate hain. ve sab mithyAdRuShTi hI jAnanA.

itanA to hai ki jinamatamen pApakI pravRutti nahIn ho sakatI aur puNyake nimitta bahut

hain, tathA sachche mokShamArgake kAraN vahAn bane rahate hain; isaliye jo kulAdise bhI jainI hain, ve
bhI auronse to bhale hI hain.

[ sAnsArik prayojanArtha dharmadhArak vyavahArabhAsI ]

tathA jo jIv kapaTase AjIvikAke artha, va baDAIke artha, va kuchh viShay-kaShAy-

samabandhI prayojan vichArakar jainI hote hain; ve to pApI hI hain. ati tIvra kaShAy hone par
aisI buddhi AtI hai. unakA sulajhanA bhI kaThin hai. jainadharmakA sevan to sansAr nAshake

Page 209 of 350
PDF/HTML Page 237 of 378
single page version

sAtavAn adhikAr ][ 219

liye kiyA jAtA hai; usake dvArA sAnsArik prayojan sAdhanA chAhate hain ve baDA anyAy karate
hain. isaliye ve to mithyAdRuShTi hain hI.

yahAn koI kahe — hinsAdi dvArA jin kAryonko karate hain; vahI kArya dharma-sAdhan dvArA

siddha kiye jAyen to burA kyA huA? donon prayojan siddha hote hain?

usase kahate hain — pApakArya aur dharmakAryakA ek sAdhan karanese pAp hI hotA hai.

jaise koI dharmakA sAdhan chaityAlay banavAye aur usIko strI-sevanAdi pAponkA bhI sAdhan kare
to pAp hI hogA. hinsAdi dvArA bhogAdikake hetu alag makAn banavAtA hai to banavAye,
parantu chaityAlayamen bhogAdi karanA yogya nahIn hai. usI prakAr dharmakA sAdhan pUjA, shAstrAdik
kArya hain; unhInko AjIvikAdi pApakA bhI sAdhan banAye to pApI hI hogA. hinsAdise
AjIvikAdike artha vyApArAdi karatA hai to kare, parantu pUjAdi kAryommen to AjIvikAdikA
prayojan vichAranA yogya nahIn hai.

prashna — yadi aisA hai to muni bhI dharmasAdhan kar par-ghar bhojan karate hain tathA sAdharmI

sAdharmIkA upakAr karate – karAte hain so kaise banegA?

uttara — ve Ap to kuchh AjIvikAdikA prayojan vichArakar dharma-sAdhan nahIn karate.

unhen dharmAtmA jAnakar kitane hI svayamev bhojan, upakArAdi karate hain, tab to koI doSh
hai nahIn. tathA yadi Ap bhojanAdikakA prayojan vichArakar dharma sAdhatA hai to pApI hai hI.
jo virAgI hokar munipanA angIkAr karate hain unako bhojanAdikakA prayojan kahIn hai. sharIrakI
sthitike artha svayamev bhojanAdi koI de to lete hain nahIn to samatA rakhate hain — sanklesharUp

nahIn hote. tathA apane hitake artha dharma sAdhate hain. upakAr karavAnekA abhiprAy nahIn hai,
aur Apake jisakA tyAg nahIn hai vaisA upakAr karAte hain. koI sAdharmI svayamev upakAr
karatA hai to kare, aur yadi na kare to unhen kuchh sanklesh hotA nahIn. — so aisA to

yogya hai. parantu ApahI AjIvikAdikA prayojan vichArakar bAhyadharmakA sAdhan kare, jahAn
bhojanAdik upakAr koI na kare vahAn sanklesh kare, yAchanA kare, upAy kare, athavA dharma-
sAdhanamen shithil ho jAye; to use pApI hI jAnanA.

is prakAr sAnsArik prayojanasahit jo dharma sAdhate hain ve pApI bhI hain aur mithyAdRuShTi

to hain hI.

is prakAr jinamatavAle bhI mithyAdRuShTi jAnanA.

Page 210 of 350
PDF/HTML Page 238 of 378
single page version

220 ] [ mokShamArgaprakAshak

[ ukta vyavahArabhAsI dharmadhArakonkI sAmAnya pravRutti ]

ab, inake dharmakA sAdhan kaise pAyA jAtA hai so visheSh batalAte hain —

vahAn kitane hI jIv kulapravRuttise athavA dekhA-dekhI lobhAdike abhiprAyase dharma sAdhate

hain, unake to dharmadRuShTi nahIn hai.

yadi bhakti karate hain to chitta to kahIn hai, dRuShTi ghUmatI rahatI hai aur mukhase pAThAdi

karate hain va namaskArAdi karate hain; parantu yah ThIk nahIn hai. main kaun hUn, kisakI stuti karatA
hUn, kis prayojanake artha stuti karatA hUn, pAThamen kyA artha hai, so kuchh patA nahIn hai.

tathA kadAchit kudevAdikakI bhI sevA karane lag jAtA hai; vahAn sudev-guru-shAstrAdi

va kudev-guru-shAstrAdikI visheSh pahichAn nahIn hai.

tathA yadi dAn detA hai to pAtra-apAtrake vichAr rahit jaise apanI prashansA ho vaise

dAn detA hai.

tathA tap karatA hai to bhUkhA rahakar mahantapanA ho vah kArya karatA hai; pariNAmonkI

pahichAn nahIn hai.

tathA vratAdik dhAraN karatA hai to vahAn bAhyakriyA par dRuShTi hai; so bhI koI sachchI

kriyA karatA hai, koI jhUThI karatA hai; aur jo antarang rAgAdibhAv pAye jAte hain unakA
vichAr hI nahIn hai, tathA bAhyamen bhI rAgAdike poShaNake sAdhan karatA hai.

tathA pUjA-prabhAvanAdi kArya karatA hai to vahAn jis prakAr lokamen baDAI ho, va viShay-

kaShAyakA poShaN ho us prakAr kArya karatA hai. tathA bahut hinsAdik utpanna karatA hai.

so yah kArya to apane tathA anya jIvonke pariNAm sudhAraneke artha kahe hain. tathA vahAn

kinchit hinsAdik bhI utpanna hote hain, parantu jisamen thoDA aparAdh ho aur guN adhik ho vah
kArya karanA kahA hai. so pariNAmonkI to pahichAn nahIn hai aur yahAn aparAdh kitanA lagatA
hai, guN kitanA hotA hai — aise naphA-ToTekA gnAn nahIn hai va vidhi-avidhikA gnAn nahIn hai.

tathA shAstrAbhyAs karatA hai to vahAn paddhatirUp pravartatA hai. yadi bAnchatA hai to auronko

sunA detA hai, yadi paDhatA hai to Ap paDh jAtA hai, sunatA hai to jo kahate hain vah sun
letA hai; parantu shAstrAbhyAsakA prayojan hai use Ap antarangamen nahIn avadhAraN karatA. —

ityAdi dharmakAryonke marmako nahIn pahichAnatA.

kitane to jis prakAr kulamen baDe pravartate hain usI prakAr hamen bhI karanA, athavA

Page 211 of 350
PDF/HTML Page 239 of 378
single page version

sAtavAn adhikAr ][ 221

dUsare karate hain vaisA hamen bhI karanA, va aisA karanese hamAre lobhAdikakI siddhi hogI ityAdi
vichArasahit abhUtArthadharmako sAdhate hain.

tathA kitane hI jIv aise hote hain jinake kuchh to kulAdirUp buddhi hai, kuchh dharmabuddhi

bhI hai; isaliye pUrvokta prakAr bhI dharmakA sAdhan karate hain aur kuchh Age kahate hain us
prakArase apane pariNAmonko bhI sudhArate hain — mishrapanA pAyA jAtA hai.

[ dharmabuddhise dharmadhArak vyavahArAbhAsI ]

tathA kitane hI dharmabuddhise dharma sAdhate hain, parantu nishchayadharmako nahIn jAnate, isaliye

abhUtArtharUp dharmako sAdhate hain. vahAn vyavahArasamyagdarshan-gnAn-chAritrako mokShamArga jAnakar unakA
sAdhan karate hain.

samyagdarshanakA anyathArUp

vahAn shAstramen dev-guru-dharmakI pratIti karanese samyaktva honA kahA hai. aisI AgnA

mAnakar arahantadev, nirgranthaguru, jainashAstrake atirikta auronko namaskArAdi karanekA tyAg kiyA
hai; parantu unake guN-avaguNakI parIkShA nahIn karate, athavA parIkShA bhI karate hain to
tattvagnAnapUrvak sachchI parIkShA nahIn karate, bAhyalakShaNon dvArA parIkShA karate hain. aisI pratItise
sudev-guru-shAstronkI bhaktimen pravartate hain.

devabhaktikA anyathArUp

vahAn arahantadev hain, indrAdi dvArA pUjya hain, anek atishayasahit hain, kShudhAdi doSharahit

hain, sharIrakI sundaratAko dhAraN karate hain, strI-sangamAdirahit hain, divyadhvani dvArA upadesh dete
hain, kevalagnAn dvArA lokAlokako jAnate hain, kAm-krodhAdik naShTa kiye hain — ityAdi visheShaN

kahe hain. vahAn inamense kitane hI visheShaN pudgalAshrit hain aur kitane hI jIvAshrit hain, unako
bhinna-bhinna nahIn pahichAnate. jis prakAr koI asamAnajAtIy manuShyAdi paryAyommen jIv-pudgalake
visheShaNonko bhinna na jAnakar mithyAdRuShTi dhAraN karatA hai, usI prakAr yah bhI asamAnajAtIy
arahantaparyAyamen jIv-pudgalake visheShaNonko bhinna na jAnakar mithyAdRuShTi dhAraN karatA hai.

tathA jo bAhya visheShaN hain unhen to jAnakar unake dvArA arahantadevako mahantapanA visheSh

mAnatA hai, aur jo jIvake visheShaN hain unhen yathAvat na jAnakar unake dvArA arahantadevako
mahantapanA AgnAnusAr mAnatA hai athavA anyathA mAnatA hai. kyonki yathAvat jIvake visheShaN
jAne to mithyAdRuShTi na rahe.

tathA un arahantonko svarga-mokShadAtA, dInadayAl, adhamaudhArak, patitapAvan mAnatA hai;

Page 212 of 350
PDF/HTML Page 240 of 378
single page version

222 ] [ mokShamArgaprakAshak

so jaise anyamatI kartRutvabuddhise Ishvarako mAnatA hai; usI prakAr yah arahantako mAnatA hai.
aisA nahIn jAnatA ki phal to apane pariNAmonkA lagatA hai, arahanta unako nimittamAtra hain,
isaliye upachAr dvArA ve visheShaN sambhav hote hain.

apane pariNAm shuddha hue binA arahantahI svarga-mokShAdike dAtA nahIn hain. tathA

arahantAdikake nAmAdikase shvAnAdikane svarga prApta kiyA, vahAn nAmAdikakA hI atishay mAnate
hain; parantu binA pariNAmake nAm lenevAleko bhI svargakI prApti nahIn hotI, tab sunanevAleko
kaise hogI? shvAnAdikako nAm sunaneke nimittase koI mandakaShAyarUp bhAv hue hain unakA phal
svarga huA hai; upachArase nAmakI hI mukhyatA kI hai.

tathA arahantAdikake nAm – pUjanAdikase aniShTa sAmagrIkA nAsh tathA iShTa sAmagrIkI prApti

mAnakar rogAdi miTAneke artha va dhanAdikakI prAptike artha nAm letA hai va pUjanAdi karatA
hai. so iShTa-aniShTakA kAraN to pUrvakarmakA uday hai, arahanta to kartA hain nahIn.
arahantAdikakI bhaktirUp shubhopayog pariNAmonse pUrvapApake sankramaNAdi ho jAte hain, isaliye
upachArase aniShTake nAshakA va iShTakI prAptikA kAraN arahantAdikakI bhakti kahI jAtI hai.
parantu jo jIv prathamase hI sAnsArik prayojanasahit bhakti karatA hai usake to pApakA hI
abhiprAy huA. kAnkShA, vichikitsArUp bhAv hue — unase pUrvapApake sankramaNAdi kaise honge?

isaliye usakA kArya siddha nahIn huA.

tathA kitane hI jIv bhaktiko muktikA kAraN jAnakar vahAn ati anurAgI hokar

pravartate hain. vah to anyamatI jaise bhaktise mukti mAnate hain vaisA hI inake bhI shraddhAn huA,
parantu bhakti to rAgarUp hai aur rAgase bandha hai, isaliye mokShakA kAraN nahIn hai. jab rAgakA
uday AtA hai tab bhakti na kare to pApAnurAg ho, isaliye ashubharAg chhoDaneke liye gnAnI
bhaktimen pravartate hain aur mokShamArgako bAhya nimittamAtra bhI jAnate hain; parantu yahAn hI upAdeyapanA
mAnakar santuShTa nahIn hote, shuddhopayogake udyamI rahate hain.

vahI panchAstikAy vyAkhyAmen kahA hai — iyan bhakti kevalabhaktipradhAnasyAgnAnino bhavati.

tIvrarAgajvaravinodArthamasthAnarAganiShedhArthan kvachit gnAninopi bhavati..1

artha — yah bhakti keval bhakti hI hai pradhAn jisake aise agnAnI jIvake hotI hai.

tathA tIvrarAgajvar miTAneke artha yA kusthAnake rAgakA niShedh karaneke artha kadAchit gnAnIke
bhI hotI hai.

1. ayan hi sthUlalakShatayA kevalabhaktipradhAnyasyAgnAnino bhavati. uparitanabhUmikAyAmalabdhAspadasyAsthAnarAg

niShedhArthan tIvrarAgajvaravinodArthan vA kadAchijgnAninopi bhavatIti.(gAthA 136 kI TIkA)

< Previous Page Next Page >