-
pAnchavAn adhikAr ][ 117
ham pUchhate hain — koI kisIkA nAm to na kahe, aur aise kAryonkA hI nirUpaN karake
kahe ki kisIne aise kArya kiye hain, tab tum use bhalA jAnoge yA burA jAnoge? yadi
bhalA jAnoge to pApI bhale hue, burA kaun rahA? burA jAnoge to aise kArya koI karo,
vahI burA huA. pakShapAt rahit nyAy karo.
yadi pakShapAtase kahoge ki — ThAkurakA aisA varNan karanA bhI stuti hai, to ThAkurane
aise kArya kisaliye kiye? aise nindya kArya karanemen kyA siddhi huI? kahoge ki — pravRutti
chalAneke artha kiye, to parastrI – sevan Adi nindya kAryonkI pravRutti chalAnemen Apako va anyako
kyA lAbh huA? isaliye ThAkurako aisA kArya karanA sambhav nahIn hai. tathA yadi ThAkurane
kArya nahIn kiye, tum hI kahate ho, to jisamen doSh nahIn thA use doSh lagAyA. isaliye
aisA varNan karanA to nindA hai — stuti nahIn hai.
tathA stuti karate hue jin guNonkA varNan karate hain usarUp hI pariNAm hote hain va
unhImmen anurAg AtA hai. so kAm-krodhAdi kAryonkA varNan karate hue Ap bhI kAm-
krodhAdirUp hogA athavA kAm-krodhAdimen anurAgI hogA, so aise bhAv to bhale nahIn hain.
yadi kahoge — bhakta aisA bhAv nahIn karate, to pariNAm hue binA varNan kaise kiyA? unakA
anurAg hue binA bhakti kaise kI? yadi yah bhAv hI bhale hon to brahmacharyako va kShamAdikako
bhalA kisaliye kahen? inake to paraspar pratipakShIpanA hai.
tathA saguN bhakti karaneke artha rAm-kRuShNAdikI mUrti bhI shrRunggArAdi kiye, vakratvAdi
sahit, strI Adi sang sahit banAte hain; jise dekhate hI kAm-krodhAdibhAv pragaT ho Ayen
aur mahAdev ke lingakA hI AkAr banAte hain. dekho viDambanA! jisakA nAm lene se lAj
AtI hai, jagat jise Dhank rakhatA hai, usake AkArakI pUjA karAte hain. kyA usake anya
ang nahIn the? parantu bahut viDambanA aisA hI karanese pragaT hotI hai.
tathA saguN bhaktike artha nAnAprakAr kI viShayasAmagrI ekatrit karate hain. vahAn nAm
ThAkurakA karate hain aur svayam usakA upabhog karate hain. bhojanAdi banAte hain aur ThAkurako
bhog lagAyA kahate hain; phi ra Ap hI prasAdakI kalpanA karake usakA bhakShaNAdi karate hain. so
yahAn pUchhate hain — pratham to ThAkurake kShudhA-tRuShAkI pIDA hogI, na ho to aisI kalpanA kaise sambhav
hai? aur kShudhAdise pIDit hogA tab vyAkul hokar Ishvar dukhI huA, auronkA dukh kaise
dUr karegA? tathA bhojanAdi sAmagrI Apane to unake artha arpaN kI so kI, phi ra prasAd to
ThAkur de tab hotA hai, apanA hI kiyA to nahIn hotA. jaise koI rAjAko bhenT kare, phi ra
rAjA inAm de to use grahaN karanA yogya hai; parantu Ap rAjAko bhenT kare, vahAn rAjA to