-
pAnchavAn adhikAr ][ 121
mokShamArga nahIn hai. jIvonko iShTa-aniShTa batalAkar unake rAg-dveSh baDhAye aur apane mAn-
lobhAdik utpanna kare, isamen kyA siddhi hai?
tathA prANAyAmAdik sAdhan kare, pavanako chaDhAkar samAdhi lagAI kahe; so yah to
jis prakAr naT sAdhanA dvArA hastAdikase kriyA karatA hai, usI prakAr yahAn bhI sAdhanA dvArA
pavanase kriyA kI. hastAdik aur pavan yah to sharIrake hI ang hain inake sAdhanese Atmahit
kaise sadhegA?
tathA tU kahegA — vahAn manakA vikalpa miTatA hai, sukh utpanna hotA hai, yamake
vashIbhUtapanA nahIn hotA; so yah mithyA hai. jis prakAr nidrAmen chetanAkI pravRutti miTatI hai,
usI prakAr pavan sAdhanese yahAn chetanAkI pravRutti miTatI hai. vahAn manako rok rakhA hai, kuchh
vAsanA to miTI nahIn hai, isaliye manakA vikalpa miTA nahIn kahate; aur chetanA binA sukh
kaun bhogatA hai? isaliye sukh utpanna huA nahIn kahate. tathA is sAdhanAvAle to is kShetramen
hue hain, unamen koI amar dikhAI nahIn detA. agni lagAnese usakA bhI maraN hotA dikhAI
detA hai; isaliye yamake vashIbhUt nahIn hain — yah jhUThI kalpanA hai.
tathA jahAn sAdhanAmen kinchit chetanA rahe aur vahAn sAdhanAse shabda sune use ‘‘anahad
nAd’’ batalAtA hai. so jis prakAr vINAdikake shabda sunanese sukh mAnanA hai, usI prakAr
usake sunanese sukh mAnanA hai. yahAn to viShayapoShaN huA, paramArtha to kuchh nahIn hai. tathA
pavanake nikalane - praviShTa honemen ‘‘sohan’’ aise shabda kI kalpanA karake use ‘‘ajapA jAp’’ kahate
hain. so jis prakAr tItarake shabdamen ‘‘tU hI’’ shabda kI kalpanA karate hain, kahIn tItar arthakA
avadhAraN kar aisA shabda nahIn kahatA. usI prakAr yahAn ‘‘sohan’’ shabdakI kalpanA hai, kuchh
pavan artha avadhAraN karake aise shabda nahIn kahate; tathA shabdake japane – sunanese hI to kuchh
phalaprApti nahIn hai, arthakA avadhAraN karanese phalaprApti hotI hai.
‘‘sohan’’ shabdakA to artha yah hai ‘‘so main hUn.’’ yahAn aisI apekShA chAhiye ki —
‘so’ kaun? tab usakA nirNay karanA chAhiye; kyonki tat shabdako aur yat shabdako nitya
sambandha hai. isaliye vastukA nirNay karake usamen ahambuddhi dhAraN karanemen ‘‘sohan’’ shabda banatA
hai. vahAn bhI Apako AparUp anubhav kare vahAn to ‘‘sohan’’ shabda sambhav nahIn hai, parako
apanerUp batalAnemen ‘‘sohan’’ shabda sambhav hai. jaise — puruSh Apako Ap jAne, vahAn ‘‘so
main hUn’’ aisA kisaliye vichAregA? koI anya jIv jo apaneko na pahichAnatA ho aur koI
apanA lakShaN na jAnatA ho, tab usase kahate hain — ‘‘jo aisA hai so main hUn’’, usI prakAr
yahAn jAnanA.