-
pAnchavAn adhikAr ][ 125
anyamat nirUpit tattva-vichAr
ab, paNDitapaneke balase kalpit yuktiyon dvArA nAnA mat sthApit hue hain, unamen jo
tattvAdik mAne jAte hain, unakA nirUpaN karate hain —
sAnkhyamat
vahAn sAnkhyamatamen pachchIs tattva mAnate hain1. so kahate hain — sattva, raj, tama yah tIn
guN kahate hain. vahAn sattva dvArA prasAd (prasanna) hotA hai, rajoguN dvArA chitta kI chanchalatA hotI
hai, tamoguN dvArA mUDhatA hotI hai, ityAdi lakShaN kahate hain. inarUp avasthAkA nAm prakRiti hai;
tathA usase buddhi utpanna hotI hai; usIkA nAm mahatattva hai, usase ahankAr utpanna hotA hai; usase
solah mAtrA hotI hain. vahAn pAnch to gnAn indriyAn hotI hain — sparshan, rasanA, ghrAN, chakShu, shrotra
tathA ek man hotA hai. tathA pAnch karma indriyAn hotI hain — vachan, charaN, hasta, ling, gudA.
tathA pAnch tanmAtrA hotI hain — rUp, ras, gandha, sparsha, shabda. tathA rUpase agni, ras se jal,
gandha se pRithvI, sparsha se pavan, shabda se AkAsh — is prakAr hue kahate hain. is prakAr chaubIs
tattva to prakRitisvarUp hain; inase bhinna nirguN kartA-bhotA ek puruSh hai.
is prakAr pachchIs tattva kahate hain so yah kalpit hain; kyonki rAjasAdik guN Ashray
binA kaise honge? inakA Ashray to chetan dravya hI sambhav hai. tathA inase buddhi huI kahate
hain so buddhi nAm to gnAnakA hai aur gnAnaguNadhArI padArthamen yah hotI dekhI jAtI hai, to
isase gnAn huA kaise mAnen? koI kahe — buddhi alag hai, gnAn alag hai, tab man to pahale
solah mAtrAmen kahA aur gnAn alag kahoge to buddhi kisakA nAm ThaharegA? tathA usase
ahankAr huA kahA so paravastu men ‘‘main karatA hUn’’ aisA mAnanekA nAm ahankAr hai, sAkShIbhUt
jAnanese to ahankAr hotA nahIn hai, to gnAnase utpanna kaise kahA jAtA hai?
tathA ahankAr dvArA solah mAtrAen kahIn, unamen pAnch gnAnaindriyAn kahIn, so sharIramen
netrAdi AkArarUp dravyendriyAn hain ve to pRithvI Adivat jaD dekhI jAtI hain aur varNAdikake
jAnanerUp bhAvaindriyAn hain so gnAnarUp hain, ahankArakA kyA prayojan hai? koI-kisIko ahankAr
buddhirahit dekhanemen AtA hai? vahAn ahankAr dvArA utpanna honA kaise sambhav hai? tathA man
kahA, so indriyavat hI man hai; kyonki dravyaman sharIrarUp hai, bhAvaman gnAnarUp hai. tathA
pAnch karmaindriy kahate hain so yah to sharIrake ang hain, mUrtik hain. amUrtik ahankArase inakA
utpanna honA kaise mAnen?
1. prakRutamahAnstatAhankArastaramAdgaNashcha ShoDashaka.
tasmAdapi ShoDashakAtpanchabhya panch bhUtAni.. (sAnkhya kA0 12)