Moksha-Marg Prakashak-Hindi (English transliteration). Page: 32.

42 ] [ mokShamArgaprakAshak

yahAn aisA jAnanA ki ve kAraN hI sukh-dukhako utpanna nahIn karate, AtmA mohakarmake

udayase svayam sukh-dukh mAnatA hai. vahAn vedanIyakarmake udayakA aur mohakarmake udayakA aisA
hI sambandha hai. jab sAtAvedanIyakA utpanna kiyA bAhya kAraN milatA hai tab to sukh mAnanerUp
mohakarmakA uday hotA hai, aur jab asAtAvedanIyakA utpanna kiyA bAhya kAraN milatA hai
tab dukh mAnanerUp mohakarmakA uday hotA hai.

tathA yahI kAraN kisIko sukhakA, kisIko dukhakA kAraN hotA hai. jaise — kisIko

sAtAvedanIyakA uday hone par milA huA jaisA vastra sukhakA kAraN hotA hai, vaisA hI vastra
kisIko asAtAvedanIyakA uday hone par milA so dukhakA kAraN hotA hai. isalie bAhya
vastu sukh-dukhakA nimittamAtra hotI hai. sukh-dukh hotA hai vah mohake nimittase hotA hai.
nirmohI muniyonko anek Ruddhi Adi tathA parIShahAdi kAraN milate hain tathApi sukh-dukh utpanna
nahIn hotA. mohI jIvako kAraN milane par athavA binA kAraN mile bhI apane sankalpa
hI se sukh-dukh huA hI karatA hai. vahAn bhI tIvra mohIko jis kAraNake milane par tIvra
sukh-dukh hote hain, vahI kAraN milane par mand mohIko mand sukh-dukh hote hain.

isaliye sukh-dukhakA mUl balavAn kAraN mohakA uday hai. anya vastuen hain ve balavAn

kAraN nahIn hain; parantu anya vastuonke aur mohI jIvake pariNAmonke nimitta-naimittikakI mukhyatA
pAI jAtI hai; usase mohI jIv anya vastu hI ko sukh-dukhakA kAraN mAnatA hai.

is prakAr vedanIyase sukh-dukhakA kAraN utpanna hotA hai.

Ayukarmodayajanya avasthA

tathA Ayukarmake udayase manuShyAdi paryAyonkI sthiti rahatI hai. jab tak AyukA uday

rahatA hai tab tak anek rogAdik kAraN milane par bhI sharIrase sambandha nahIn chhUTatA. tathA
jab AyukA uday na ho tab anek upAy karane par bhI sharIrase sambandha nahIn rahatA, us
hI kAl AtmA aur sharIr pRuthak ho jAte hain.

is sansAramen janma, jIvan, maraNakA kAraN Ayukarma hI hai. jab navIn AyukA uday

hotA hai tab navIn paryAyamen janma hotA hai. tathA jab tak AyukA uday rahe tab tak
us paryAyarUp prANonke dhAraNase jInA hotA hai. tathA AyukA kShay ho tab us paryAyarUp
prAN chhUTanese maraN hotA hai. sahaj hI aisA AyukarmakA nimitta hai; dUsarA koI utpanna
karanevAlA, kShay karanevAlA yA rakShA karanevAlA hai nahIn — aisA nishchay jAnanA.

< Previous Page Next Page >