Moksha-Marg Prakashak-Hindi (iso15919 transliteration). Page: 72.

82 ] [ mokṣamārgaprakāśak

nahīṁ hotī aur jis vicār dvārā bhinnatā bhāsit hotī hai vah mithyādarśanake jorase ho nahīṁ
sakatā, isaliye paryāyameṁ hī ahaṁbuddhi pāyī jātī hai.

tathā mithyādarśanase yah jīv kadācit bāhya sāmagrīkā saṁyog hone par use bhī apanī

mānatā hai. putra, strī, dhan, dhānya, hāthī, ghoṛe, mahal, kiṁkar ādi pratyakṣa apanese bhinna aur
sadākāl apane ādhīn nahīṁ aise svayaṁko bhāsit hote haiṁ; tathāpi unameṁ mamakār karatā hai.

putrādikameṁ ‘ye haiṁ so maiṁ hī hūn̐’ aisī bhī kadācit bhramabuddhi hotī hai. tathā mithyādarśanase

śarīrādikakā svarūp anyathā hī bhāsit hotā hai. anityako nitya mānatā hai, bhinnako abhinna
mānatā hai, duḥkhake kāraṇako sukhakā kāraṇ mānatā hai, duḥkhako sukh mānatā hai — ityādi viparīt

bhāsit hotā hai.

is prakār jīv-ajīv tattvoṁkā ayathārtha jñān hone par ayathārtha śraddhān hotā hai.

āsravatattva sambandhī ayathārtha śraddhān

tathā is jīvako mohake udayase mithyātva-kaṣāyādibhāv hote haiṁ, unako apanā svabhāv

mānatā hai, karmopādhise hue nahīṁ jānatā. darśan-jñān upayog aur āsravabhāv unako ek
mānatā hai; kyoṁki inakā ādhārabhūt to ek ātmā hai aur inakā pariṇaman ek hī kālameṁ
hotā hai, isaliye ise bhinnapanā bhāsit nahīṁ hotā aur bhinnapanā bhāsit honekā kāraṇ jo
vicār hai so mithyādarśanake balase ho nahīṁ sakatā.

tathā ye mithyātva – kaṣāyabhāv ākulatā sahit haiṁ, isaliye varttamān duḥkhamay haiṁ aur

karmabandhake kāraṇ haiṁ, isaliye āgāmī kālameṁ duḥkh kareṁge — aisā unheṁ nahīṁ mānatā aur bhalā

jān in bhāvoṁrūp hokar svayaṁ pravartatā hai. tathā vah duḥkhī to apane in mithyātva –

kaṣāyabhāvoṁse hotā hai aur vr̥thā hī auroṁko duḥkh utpanna karanevāle mānatā hai. jaise —

duḥkhī to mithyāśraddhānase hotā hai, parantu apane śraddhānake anusār jo padārtha na pravarte use
duḥkhadāyak mānatā hai. tathā duḥkhī to krodhase hotā hai, parantu jisase krodh kiyā ho usako
duḥkhadāyak mānatā hai. duḥkhī to lobhase hotā hai, parantu iṣṭa vastukī aprāptiko duḥkhadāyak
mānatā hai. — isī prakār anyatra jānanā.

tathā in bhāvoṁkā jaisā phal ātā hai vaisā bhāsit nahīṁ hotā. inakī tīvratāse

narakādi hote haiṁ tathā mandatāse svargādi hote haiṁ, vahān̐ adhik-kam ākulatā hotī hai. aisā
bhāsit nahīṁ hotā hai, isaliye ve bure nahīṁ lagate. kāraṇ yah hai ki — ve apane kiye

bhāsit hote haiṁ, isaliye unako bure kaise māne?

is prakār āsravatattvakā ayathārtha jñān hone par ayathārtha śraddhān hotā hai.

< Previous Page Next Page >