Moksha-Marg Prakashak-Hindi (iso15919 transliteration). Page: 107.

pān̐cavān̐ adhikār ][ 117

ham pūchate haiṁ — koī kisīkā nām to na kahe, aur aise kāryoṁkā hī nirūpaṇ karake

kahe ki kisīne aise kārya kiye haiṁ, tab tum use bhalā jānoge yā burā jānoge? yadi
bhalā jānoge to pāpī bhale hue, burā kaun rahā? burā jānoge to aise kārya koī karo,
vahī burā huā. pakṣapāt rahit nyāy karo.

yadi pakṣapātase kahoge ki — ṭhākurakā aisā varṇan karanā bhī stuti hai, to ṭhākurane

aise kārya kisaliye kiye? aise niṁdya kārya karanemeṁ kyā siddhi huī? kahoge ki — pravr̥tti

calāneke artha kiye, to parastrī – sevan ādi niṁdya kāryoṁkī pravr̥tti calānemeṁ āpako va anyako

kyā lābh huā? isaliye ṭhākurako aisā kārya karanā sambhav nahīṁ hai. tathā yadi ṭhākurane
kārya nahīṁ kiye, tum hī kahate ho, to jisameṁ doṣ nahīṁ thā use doṣ lagāyā. isaliye
aisā varṇan karanā to nindā hai — stuti nahīṁ hai.

tathā stuti karate hue jin guṇoṁkā varṇan karate haiṁ usarūp hī pariṇām hote haiṁ va

unhīṁmeṁ anurāg ātā hai. so kām-krodhādi kāryoṁkā varṇan karate hue āp bhī kām-
krodhādirūp hogā athavā kām-krodhādimeṁ anurāgī hogā, so aise bhāv to bhale nahīṁ haiṁ.
yadi kahoge — bhakta aisā bhāv nahīṁ karate, to pariṇām hue binā varṇan kaise kiyā? unakā

anurāg hue binā bhakti kaise kī? yadi yah bhāv hī bhale hoṁ to brahmacaryako va kṣamādikako
bhalā kisaliye kaheṁ? inake to paraspar pratipakṣīpanā hai.

tathā saguṇ bhakti karaneke artha rām-kr̥ṣṇādikī mūrti bhī śrr̥ṅgārādi kiye, vakratvādi

sahit, strī ādi saṁg sahit banāte haiṁ; jise dekhate hī kām-krodhādibhāv pragaṭ ho āyeṁ
aur mahādev ke liṁgakā hī ākār banāte haiṁ. dekho viḍambanā! jisakā nām lene se lāj
ātī hai, jagat jise ḍhan̐k rakhatā hai, usake ākārakī pūjā karāte haiṁ. kyā usake anya
aṁg nahīṁ the? parantu bahut viḍambanā aisā hī karanese pragaṭ hotī hai.

tathā saguṇ bhaktike artha nānāprakār kī viṣayasāmagrī ekatrit karate haiṁ. vahān̐ nām

ṭhākurakā karate haiṁ aur svayaṁ usakā upabhog karate haiṁ. bhojanādi banāte haiṁ aur ṭhākurako
bhog lagāyā kahate haiṁ; phi ra āp hī prasādakī kalpanā karake usakā bhakṣaṇādi karate haiṁ. so
yahān̐ pūchate haiṁ — pratham to ṭhākurake kṣudhā-tr̥ṣākī pīṛā hogī, na ho to aisī kalpanā kaise sambhav

hai? aur kṣudhādise pīṛit hogā tab vyākul hokar īśvar duḥkhī huā, auroṁkā duḥkh kaise
dūr karegā? tathā bhojanādi sāmagrī āpane to unake artha arpaṇ kī so kī, phi ra prasād to
ṭhākur de tab hotā hai, apanā hī kiyā to nahīṁ hotā. jaise koī rājāko bheṁṭ kare, phi ra
rājā inām de to use grahaṇ karanā yogya hai; parantu āp rājāko bheṁṭ kare, vahān̐ rājā to

< Previous Page Next Page >