Moksha-Marg Prakashak-Hindi (iso15919 transliteration). Page: 108.

118 ] [ mokṣamārgaprakāśak

kuch kahe nahīṁ aur āp hī ‘‘rājāne mujhe inām dī’’ — aisā kahakar use aṁgīkār kare to

yah khel huā. usī prakār karanese bhakti to huī nahīṁ, hāsya karanā huā.

phi ra ṭhākur aur tum do ho yā ek ho? do ho to tūneṁ bheṁṭ kī, paścāt ṭhākur de to

grahaṇ karanā cāhie, apane āp grahaṇ kisalie karatā hai? aur tū kahegā — ṭhākurakī to mūrti

hai, isalie maiṁ hī kalpanā karatā hūn̐; to ṭhākurake karanekā kārya tūne hī kiyā, tab tū hī ṭhākur
huā. aur yadi ek ho to bheṁṭ kahanā, prasād karanā jhūṭh huā. ek hone par yah vyavahār
sambhav nahīṁ hotā; isalie bhojanāsakta puruṣoṁ dvārā aisī kalpanā kī jātī hai.

tathā ṭhākurajīke artha nr̥tya-gānādi karanā; śīt, grīṣma, vasantādi r̥tuoṁmeṁ saṁsāriyoṁke

sambhavit aisī viṣayasāmagrī ekatrit karanā ityādi kārya karate haiṁ. vahān̐ nām to ṭhākurakā
lenā aur indriyoṁke viṣay apane poṣanā so viṣayāsakta jīvoṁ dvārā aisā upāy kiyā gayā
hai. tathā vahān̐ janma, vivāhādikakī va sone-jāgane ityādikī kalpanā karate haiṁ so jis
prakār laṛakiyān̐ guā-guṛiyoṁkā khel banākar kautūhal karatī haiṁ; usī prakār yah bhī kautūhal
karatā haiṁ, kuch paramārtharūp guṇ nahīṁ hai. tathā bāl ṭhākurakā svāṁg banākar ceṣṭāen̐ dikhāte
haiṁ, usase apane viṣayoṁkā poṣaṇ karate haiṁ aur kahate haiṁ — yah bhī bhakti hai, ityādi kyā-

kyā kaheṁ? aisī anek viparītatāen̐ saguṇ bhaktimeṁ pāyī jātī haiṁ.

is prakār donoṁ prakārakī bhaktise mokṣamārga kahate haiṁ so use mithyā dikhāyā.

jñānayog mīmāṁsā

ab anyamat prarūpit jñānayogase mokṣamārgakā svarūp batalāte haiṁḥ —

ek advait sarvavyāpī parabrahmako jānanā use jñān kahate haiṁ so usakā mithyāpanā to

pahale kahā hī hai.

tathā apaneko sarvathā śuddha brahmasvarūp mānanā, kām-krodhādik va śarīrādikako bhram

jānanā use jñān kahate haiṁ; so yah bhram hai. āp śuddha hai to mokṣakā upāy kisaliye
karatā hai? āp śuddha brahma ṭhaharā tab kartavya kyā rahā? tathā apaneko pratyakṣa kām-krodhādik
hote dekhe jāte haiṁ, aur śarīrādikakā saṁyog dekhā jātā hai; so inakā abhāv hogā tab
hogā, vartamānameṁ inakā sadbhāv mānanā bhram kaise huā?

phi ra kahate haiṁ — mokṣakā upāy karanā bhī bhram hai. jaise — rassī to rassī hī hai,

use sarpa jān rahā thā so bhram thā, bhram miṭane par rassī hī hai; usī prakār āp to
brahma hī hai, apaneko aśuddha jān rahā thā so bhram thā, bhram miṭane par āp brahma hī hai. —

< Previous Page Next Page >