Moksha-Marg Prakashak-Hindi (iso15919 transliteration). Page: 109.

pān̐cavān̐ adhikār ][ 119

so aisā kahanā mithyā hai. yadi āp śuddha ho aur use aśuddha jāne to bhram hai; aur
āp kām-krodhādi sahit aśuddha ho rahā hai use aśuddha jāne to bhram kaise hogā? śuddha
jānane par bhram hogā. so jhūṭhe bhramase apaneko śuddhabrahma mānanese kyā siddhi hai?

tathā tū kahegā — yah kām-krodhādik to manake dharma haiṁ, brahma nyārā hai. to tujhase

pūchate haiṁ — man terā svarūp hai yā nahīṁ? yadi hai to kām-krodhādik bhī tere hī hue; aur

nahīṁ hai to tū jñānasvabhāv hai yā jaṛ hai? yadi jñānasvarūp hai to tere to jñān man va
indriy dvārā hī hotā dikhāī detā hai. inake binā koī jñān batalāye to use terā alag
svarūp māneṁ, so bhāsit nahīṁ hotā. tathā ‘‘manajñāne’’ dhātuse man śabda utpanna hotā hai so
man to jñānasvarūp hai; so yah jñān kisakā hai use batalā; parantu alag koī bhāsit nahīṁ
hotā. tathā yadi tū jaṛ hai to jñān binā apane svarūpakā vicār kaise karatā hai? yah
to banatā nahīṁ hai. tathā tū kahatā hai — brahma nyārā hai, so vah nyārā brahma tū hī hai yā

aur hai? yadi tū hī hai to tere ‘‘maiṁ brahma hūn̐’’ — aisā mānanevālā jo jñān hai vah to man-

svarūp hī hai, manase alag nahīṁ hai; aur apanatva mānanā to apanemeṁ hī hotā hai. jise
nyārā jāne usameṁ apanatva nahīṁ mānā jātā. so manase nyārā brahma hai, to manarūp jñān brahmameṁ
apanatva kisaliye mānatā hai? tathā yadi brahma aur hī hai to tū brahmameṁ apanatva kisaliye
mānatā hai? isaliye bhram choṛakar aisā jān ki jis prakār sparśanādi indriyān̐ to śarīrakā
svarūp hai so jaṛ hai, usake dvārā jo jānapanā hotā hai so ātmākā svarūp hai; usī prakār
man bhī sūkṣma paramāṇuoṁkā puṁj hai vah śarīrakā hī aṁg hai. usake dvārā jānapanā hotā
hai va kām-krodhādibhāv hote haiṁ so sarva ātmākā svarūp hai.

viśeṣ itanā – jānapanā to nijasvabhāv hai, kām-krodhādik aupādhikabhāv haiṁ, unase

ātmā aśuddha hai. jab kāl pākar kām-krodhādi miṭeṁge aur jānapaneke man-indriyakī
ādhīnatā miṭegī tab kevalajñānasvarūp ātmā śuddha hogā.

isī prakār buddhi – ahaṁkārādik bhī jān lenā; kyoṁki man aur buddhi ādik ekārtha

haiṁ aur ahaṁkārādik haiṁ ve kām-krodhādivat aupādhikabhāv haiṁ; inako apanese bhinna jānanā bhram
hai. inako apanā jānakar aupādhikabhāvoṁkā abhāv karanekā udyam karanā yogya hai. tathā jinase
isakā abhāv na ho sake aur apanī mahaṁtatā cāheṁ, ve jīv inheṁ apane na ṭhaharākar svacchanda
pravartate haiṁ; kām-krodhādik bhāvoṁko barḥākar viṣay-sāmagriyoṁmeṁ va hiṁsādik kāryoṁmeṁ tatpar hote haiṁ.

tathā ahaṁkārādike tyāgako bhī ve anyathā mānate haiṁ. sarvako parabrahma mānanā, kahīṁ

apanatva na mānanā use ahaṁkārakā tyāg batalāte haiṁ so mithyā hai; kyoṁki koī āp hai

< Previous Page Next Page >