Moksha-Marg Prakashak-Hindi (iso15919 transliteration). Page: 110.

120 ] [ mokṣamārgaprakāśak

yā nahīṁ? yadi to hai āpameṁ apanatva kaise na māneṁ? yadi āp nahīṁ hai to sarvakā brahma
kaun mānatā hai? isaliye śarīrādi parameṁ ahaṁbuddhi na karanā, vahān̐ kartā na honā so ahaṁkārakā
tyāg hai. apanemeṁ ahaṁbuddhi karanekā doṣ nahīṁ hai.

tathā sarvako samān jānanā, kisīmeṁ bhed nahīṁ karanā, usako rāg-dveṣakā tyāg batalāte

haiṁ vah bhī mithyā hai; kyoṁki sarva padārtha samān nahīṁ haiṁ. koī cetan hai, koī acetan hai,
koī kaisā hai, koī kaisā hai, unheṁ samān kaise māneṁ? isaliye paradravyoṁko iṣṭa-aniṣṭa na mānanā
so rāg-dveṣakā tyāg hai. padārthoṁkā viśeṣ jānanemeṁ to kuch doṣ nahīṁ hai.

isī prakār anya mokṣamārgarūp bhāvoṁkī anyathā kalpanā karate haiṁ. tathā aisī kalpanāse

kuśīl sevan karate haiṁ, abhakṣya bhakṣaṇ karate haiṁ, varṇādi bhed nahīṁ karate, hīn kriyā ācarate
haiṁ, ityādi viparītarūp pravartate haiṁ. jab koī pūche tab kahate haiṁ — yah to śarīrakā dharma

hai athavā jaisā prārabdha (bhāgya) hai vaisā hotā hai, athavā jaisī īśvarakī icchā hotī hai vaisā
hotā hai, hamako vikalpa nahīṁ karanā.

so dekho jhūṭh, āp jān-jānakar pravartatā hai use to śarīrakā dharma batalātā hai,

svayaṁ udyamī hokar kārya karatā hai, use prārabdha (bhāgya) kahatā hai aur āp icchāse sevan
kare use īśvarakī icchā batalātā hai. vikalpa karatā hai aur kahatā hai — hamako to vikalpa

nahīṁ karanā. so dharmakā āśray lekar viṣayakaṣāy sevan karanā hai, isaliye aisī jhūṭhī yukti
banātā hai. yadi apane pariṇām kiṁcit bhī na milāye to ham isakā kartavya na māneṁ.
jaise — āp dhyān dhare baiṭhe ho, koī apane ūpar vastra ḍāl gayā, vahān̐ āp kiṁcit sukhī

na hue; vahān̐ to usakā kartavya nahīṁ hai yah sac hai. aur āp vastrako aṁgīkār karake
pahine, apanī śītādik vedanā miṭākar sukhī ho; vahān̐ yadi apanā kartavya nahīṁ māneṁ to
kaise sambhav hai? tathā kuśīl sevan karanā, abhakṣya bhakṣaṇ karanā ityādi kārya to pariṇām
mile binā hote nahīṁ; vahān̐ apanā kartavya kaise na māneṁ? isaliye yadi kām-krodhādikā abhāv
hī huā ho to vahān̐ kinhīṁ kriyāoṁmeṁ pravr̥tti sambhav hī nahīṁ hai. aur yadi kām-krodhādi
pāye jāte haiṁ to jisaprakār yah bhāv thoṛe hoṁ tadanusār pravr̥tti karanā. svacchanda hokar
inako barḥānā yukta nahīṁ hai.

tathā kaī jīv pavanādikī sādhanā karake apaneko jñānī mānate haiṁ. vahān̐ iṛā, piṁgalā,

suṣumṇārūp nāsikādvārase pavan nikale, vahān̐ varṇādik bhedoṁse pavanakī hī pr̥thvī tattvādirūp
kalpanā karate haiṁ. usake vijñān dvārā kiṁcit sādhanāse nimittakā jñān hotā hai, isaliye
jagatako iṣṭa-aniṣṭa batalāte haiṁ, āp mahanta kahalāte haiṁ; so yah to laukik kārya hai, kahīṁ

< Previous Page Next Page >