Moksha-Marg Prakashak-Hindi (iso15919 transliteration). Page: 112.

122 ] [ mokṣamārgaprakāśak

tathā koī lalāṭ, bhramar aur nāsikāke agrako dekhaneke sādhan dvārā trikuṭī ādikā

dhyān huā kahakar paramārtha mānatā hai. vahān̐ netrakī putalī phi ranese mūrtik vastu dekhī, usameṁ
kyā siddhi hai? tathā aise sādhanase kiṁcit atīt-anāgatādikakā jñān ho, va vacanasiddhi
ho, va pr̥thvī-ākāśādimeṁ gamanādikakī śakti ho, va śarīrameṁ ārogyatādik ho to yah to
sarva laukik kārya haiṁ; devādikako svayamev hī aisī śakti pāyī jātī hai. inase kuch apanā
bhalā to hotā nahīṁ hai; bhalā to viṣayakaṣāyakī vāsanā miṭane par hotā hai; yah to
viṣayakaṣāyakā poṣaṇ karaneke upāy haiṁ; isaliye yah sarva sādhan kiṁcit bhī hitakārī nahīṁ
haiṁ. inameṁ kaṣṭa bahut maraṇādi paryanta hotā hai aur hit sadhatā nahīṁ hai; isaliye jñānī vr̥thā
aisā khed nahīṁ karate, kaṣāyī jīv hī aise sādhanameṁ lagate haiṁ.

tathā kisīko bahut tapaścaraṇādik dvārā mokṣakā sādhan kaṭhin batalāte haiṁ, kisīko

sugamatāse hī mokṣa huā kahate haiṁ. uddhavādikako param bhakta kahakar unheṁ to tapakā upadeś
diyā kahate haiṁ aur veśyādikako binā pariṇām (keval) nāmādikase hī taranā batalāte haiṁ,
koī ṭhikānā hī nahīṁ hai.

isaprakār mokṣamārgako anyathā prarūpit karate haiṁ.

anyamat kalpit mokṣamārgakī mīmāṁsā

tathā mokṣasvarūpako bhī anyathā prarūpit karate haiṁ. vahān̐ mokṣa anek prakārase batalāte haiṁ.
ek to mokṣa aisā kahate haiṁ ki — vaikuṇṭhadhāmameṁ ṭhākur – ṭhakurānī sahit nānā bhog-vilās

karate haiṁ, vahān̐ pahun̐c jāy aur unakī sevā karatā rahe so mokṣa hai; so yah to viruddha hai.
pratham to ṭhākur hī saṁsārīvat viṣayāsakta ho rahe haiṁ; so jaise rājādik haiṁ vaise hī ṭhākur hue.
tathā dūsaroṁse sevā karānī paṛī tab ṭhākurake parādhīnapanā huā. aur yadi vah mokṣa prāpta karake
vahān̐ sevā karatā rahe to jis prakār rājākī cākarī karanā usī prakār yah bhī cākarī huī,
vahān̐ parādhīn hone par sukh kaise hogā? isaliye yah bhī nahīṁ banatā.

tathā ek mokṣa aisā kahate haiṁ — īśvarake samān āp hotā hai; so bhī mithyā hai.

yadi usake samān aur bhī alag hote haiṁ to bahut īśvar hue. lokakā kartā-hartā kaun
ṭhaharegā? sabhī ṭhahareṁ to bhinna icchā hone par paraspar virodh hogā. ek hī hai to samānatā
nahīṁ huī. nyūn hai usako nīcepanase ucca honekī ākulatā rahī; tab sukhī kaise hogā?
jis prakār choṭā rājā yā baṛā rājā saṁsārameṁ hotā hai; usī prakār choṭā-baṛā īśvar muktimeṁ
bhī huā so nahīṁ banatā.

tathā ek mokṣa aisā kahate haiṁ ki — vaikuṇṭhameṁ dīpak jaisī ek jyoti hai, vahān̐ jyotimeṁ

< Previous Page Next Page >