Moksha-Marg Prakashak-Hindi (iso15919 transliteration). Page: 5.

pahalā adhikār ][ 15

vyākhyān ho usakā anya prayojan pragaṭ karake viparīt pravr̥tti karāye. punaśca, vaktā kaisā
honā cāhiye ki jise jinaājñā bhaṁg karanekā bhay bahut ho; kyoṁki yadi aisā nahīṁ ho
to koī abhiprāy vicār kar sūtraviruddha upadeś dekar jīvoṁkā burā kare. so hī kahā
haiḥ —

bahuguṇavijjāṇilayo asuttabhāsī tahāvi muttavvo.

jah varamaṇijutto vi hu vigghayaro visaharo loe..

arthaḥ — jo anek kṣamādikaguṇ tathā vyākaraṇādi vidyākā sthān hai, tathāpi utsūtrabhāṣī

hai to choṛaneyogya hī hai. jaise ki — utkr̥ṣṭa maṇisaṁyukta hone par bhī sarpa hai so lokameṁ

vighna hī kā karanevālā hai.

punaśca, vaktā kaisā honā cāhiye ki jisako śāstra parḥakar ājīvikā ādi laukik-

kārya sādhanekī icchā na ho; kyoṁki yadi āśāvān ho to yathārtha upadeś nahīṁ de sakatā,
use to kuch śrotāoṁke abhiprāyake anusār vyākhyān karake apanā prayojan sādhanekā hī
sādhan rahe. tathā śrotāoṁse vaktākā pad ucca hai; parantu yadi vaktā lobhī ho to vaktā
svayaṁ hīn ho jāy aur śrotā ucca ho.

punaśca, vaktā kaisā honā cāhiye ki jisake tīvra krodh - mān nahīṁ ho; kyoṁki

tīvra krodhī-mānīkī nindā hogī, śrotā usase ḍarate raheṁge, tab usase apanā hit kaise kareṁge ?
punaśca, vaktā kaisā honā cāhiye ki jo svayaṁ hī nānā praśna uṭhākar svayaṁ hī uttar de;
athavā anya jīv anek prakārase bahut bār praśna kareṁ to miṣṭa vacan dvārā jis prakār
unakā saṁdeh dūr ho usī prakār samādhān kare. yadi svayaṁmeṁ uttar denekī sāmarthya na ho
to aisā kahe ki isakā mujhe jñān nahīṁ hai; kyoṁki yadi aisā na ho to śrotāoṁkā
saṁdeh dūr nahīṁ hogā, tab kalyāṇ kaise hogā ? aur jinamatakī prabhāvanā bhī nahīṁ ho
sakegī.

punaśca, vaktā kaisā honā cāhiye ki jisake anītirūp lokaniṁdya kāryoṁkī pravr̥tti na

ho; kyoṁki lokaniṁdya kāryoṁse vah hāsyakā sthān ho jāye, tab usakā vacan kaun pramāṇ
kare ? vah jinadharmako lajāye. punaśca, vaktā kaisā honā cāhiye ki jisakā kul hīn na
ho, aṁg hīn na ho, svar bhaṁg na ho, miṣṭa vacan ho, prabhutva ho; jisase lokameṁ mānya
ho — kyoṁki yadi aisā na ho to use vaktāpanekī mahaṁtatā śobhe nahīṁ — aisā vaktā ho.

vaktāmeṁ ye guṇ to avaśya cāhiye.

< Previous Page Next Page >