Moksha-Marg Prakashak-Hindi (iso15919 transliteration). Page: 27.

dūsarā adhikār ][ 37

usī prakār is jīvake sarvako dekhane – jānanekī śakti hai. tathā use karmane rokā

itanā kṣayopaśam huā ki sparśādik viṣayoṁko jāno yā dekho, parantu ek kālameṁ ek hī
ko jāno yā dekho. vahān̐ is jīvako sarvako dekhane-jānanekī śakti to dravya-apekṣā pāī
jātī hai; anya kālameṁ sāmarthya ho, parantu vartamān sāmarthyarūp nahīṁ hai, kyoṁki apane yogya
viṣayoṁse adhik viṣayoṁko dekh – jān nahīṁ sakatā. tathā apane yogya viṣayoṁko dekhane –

jānanekī paryāy-apekṣā vartamān sāmarthyarūp śakti hai, kyoṁki unheṁ dekh-jān sakatā hai; tathā
vyaktatā ek kālameṁ ek hī ko dekhane yā jānanekī pāī jātī hai.

yahān̐ phi ra praśna hai ki — aisā to jānā; parantu kṣayopaśam to pāyā jātā hai aur

bāhya indriyādikakā anyathā nimitta hone par dekhanā – jānanā nahīṁ hotā yā thoṛā hotā hai,

yā anyathā hotā hai so aisā hone par karma hī kā nimitta to nahīṁ rahā?

samādhānaḥ — jaise rokanevālene yah kahā ki pān̐c grāmoṁmeṁse ek grāmako ek dinameṁ jāo,

parantu in kiṁkaroṁko sāth lekar jāo. vahān̐ ve kiṁkar anyathā pariṇamit hoṁ to jānā na
ho yā thoṛā jānā ho yā anyathā jānā ho; usī prakār karmakā aisā hī kṣayopaśam huā hai
ki itane viṣayoṁmeṁ ek viṣayako ek kālameṁ dekho yā jāno; parantu itane bāhya dravyoṁkā nimitta
hone par dekho – jāno. vahān̐ ve bāhya dravya anyathā pariṇamit hoṁ to dekhanā – jānanā na ho yā

thoṛā ho yā anyathā ho. aisā yah karmake kṣayopaśam hī kā viśeṣ hai, isaliye karma hī kā
nimitta jānanā. jaise kisīko aṁdhakārake paramāṇu āṛe āne par dekhanā nahīṁ ho; ullū, billī
ādiko unake āṛe āne par bhī dekhanā hotā hai — so aisā yah kṣayopaśam hī kā viśeṣ

hai. jaisā-jaisā kṣayopaśam hotā hai vaisā-vaisā hī dekhanā – jānanā hotā hai.

is prakār is jīvake kṣayopaśamajñānakī pravr̥tti pāī jātī hai.
tathā mokṣamārgameṁ avadhi – manaḥparyay hote haiṁ ve bhī kṣayopaśamajñān hī haiṁ, unako bhī

isī prakār ek kālameṁ ekako pratibhāsit karanā tathā paradravyakā ādhīnapanā jānanā. tathā
jo viśeṣ hai so viśeṣ jānanā.

is prakār jñānāvaraṇ – darśanāvaraṇake udayake nimittase bahut jñān – darśanake aṁśoṁkā to

abhāv hai aur unake kṣayopaśamase thoṛe aṁśoṁkā sadbhāv pāyā jātā hai.

mohanīy karmodayajanya avasthā

is jīvako mohake udayase mithyātva aur kaṣāyabhāv hote haiṁ.

< Previous Page Next Page >