-
44 ] [ mokṣamārgaprakāśak
ityādi aṁgoṁko hilāne par bhāṣāparyāptimeṁ grahaṇ kiye gaye jo pudgalaskaṁdh haiṁ ve sākṣar yā
anakṣar śabdarūp pariṇamit hote haiṁ.
tathā śubh-aśubh gamanādik hote haiṁ. yahān̐ aisā jānanā ki jaise do puruṣoṁko ikadaṁḍī
beṛī hai. vahān̐ ek puruṣ gamanādik karanā cāhe aur dūsarā bhī gamanādik kare to gamanādik
ho sakate haiṁ, donoṁmeṁse ek baiṭhā rahe to gamanādik nahīṁ ho sakate, tathā donoṁmeṁ ek balavān
ho to dūsareko bhī ghasīṭ le jāye. usī prakār ātmāke aur śarīrādikarūp pudgalake
ekakṣetrāvagāharūp baṁdhān hai; vahān̐ ātmā halan-calanādi karanā cāhe aur pudgal us śaktise
rahit huā halan-calan na kare athavā pudgalameṁ to śakti pāī jātī hai, parantu ātmākī
icchā na ho to halan-calanādi nahīṁ ho sakate. tathā inameṁ pudgal balavān hokar halan-
calan kare to usake sāth binā icchāke bhī ātmā halan-calan karatā hai. is prakār halan-
calanādi kriyā hotī hai. tathā isake apayaś ādi bāhya nimitta banate haiṁ. — is prakār
ye kārya utpanna hote haiṁ, unase mohake anusār ātmā sukhī-duḥkhī bhī hotā hai.
aise nāmakarmake udayase svayamev nānāprakār racanā hotī hai, anya koī karanevālā nahīṁ
hai. tathā tīrthaṁkarādi prakr̥ti yahān̐ hai hī nahīṁ.
gotrakarmodayajanya avasthā
gotrakarmase ucca-nīc kulameṁ utpanna honā hotā hai; vahān̐ apanī adhikatā-hīnatā prāpta
hotī hai. mohake udayase ātmā sukhī-duḥkhī bhī hotā hai.
is prakār aghātikarmoṁke nimittase avasthā hotī hai.
is prakār is anādi saṁsārameṁ ghāti-aghātikarmoṁke udayake anusār ātmāke avasthā
hotī hai. so he bhavya! apane aṁtaraṁgameṁ vicārakar dekh ki aise hī hai ki nahīṁ. vicār
karane par aisā hī pratibhāsit hotā hai. yadi aisā hai to tū yah mān ki — ‘‘mere anādi
saṁsār-rog pāyā jātā hai, usake nāśakā mujhe upāy karanā’’ — is vicārase terā kalyāṇ
hogā.
— iti śrī mokṣamārgaprakāśak nāmak śāstrameṁ saṁsār-avasthākā nirūpak
dvitīy adhikār sampūrṇa huā..2..
✾