Moksha-Marg Prakashak-Hindi (iso15919 transliteration). Page: 42.

52 ] [ mokṣamārgaprakāśak

kuguru-kuśāstrakā nimitta bane to atattvaśraddhān puṣṭa ho jātā hai. vah to jānatā hai ki
inase merā bhalā hogā; parantu ve aisā upāy karate haiṁ jisase yah acet ho jāya.
vastusvarūpakā vicār karaneko udyamī huā thā so viparīt vicārameṁ dr̥rḥ ho jātā hai aur
tab viṣay-kaṣāyakī vāsanā barḥanese adhik duḥkhī hotā hai.

tathā kadācit sudev-suguru-suśāstrakā bhī nimitta ban jāye to vahān̐ unake niścay-

upadeśakā to śraddhān nahīṁ karatā, vyavahāraśraddhānase atattvaśraddhānī hī rahatā hai. vahān̐ maṁdakaṣāy
ho tathā viṣayakī icchā ghaṭe to thoṛā duḥkhī hotā hai, parantu phi ra jaisekā taisā ho jātā
hai; isaliye yah saṁsārī jo upāy karatā hai ve bhī jhūṭhe hī hote haiṁ.

tathā is saṁsārīke ek yah upāy hai ki svayaṁko jaisā śraddhān hai usī prakār padārthoṁko

pariṇamit karanā cāhatā hai. yadi ve pariṇamit hoṁ to isakā saccā śraddhān ho jāye. parantu
anādinidhan vastuen̐ bhinna-bhinna apanī maryādā sahit pariṇamit hotī haiṁ, koī kisīke ādhīn
nahīṁ haiṁ, koī kisīke pariṇamit karānese pariṇamit nahīṁ hotīṁ. unheṁ pariṇamit karānā cāhe
vah koī upāy nahīṁ hai, vah to mithyādarśan hī hai.

to saccā upāy kyā hai? jaisā padārthoṁkā svarūp hai vaisā śraddhān ho jāye to sarva

duḥkh dūr ho jāyeṁ. jis prakār koī mohit hokar murdeko jīvit māne yā jilānā cāhe
to āp hī duḥkhī hotā hai. tathā use murdā mānanā aur yah jilānese jiyegā nahīṁ aisā
mānanā so hī us duḥkhake dūr honekā upāy hai. usī prakār mithyādr̥ṣṭi hokar padārthoṁko
anyathā māne, anyathā pariṇamit karanā cāhe to āp hī duḥkhī hotā hai. tathā unheṁ yathārtha
mānanā aur yah pariṇamit karānese anyathā pariṇamit nahīṁ hoṁge aisā mānanā so hī us
duḥkhake dūr honekā upāy hai. bhramajanit duḥkhakā upāy bhram dūr karanā hī hai. so bhram
dūr honese samyakśraddhān hotā hai, vahī satya upāy jānanā.

cāritramohase duḥkh aur usase nivr̥tti

cāritramohake udayase krodhādi kaṣāyarūp tathā hāsyādi nokaṣāyarūp jīvake bhāv hote

haiṁ, tab yah jīv kleśavān hokar duḥkhī hotā huā vihval hokar nānāprakārake kukāryoṁmeṁ
pravartatā hai. so hī dikhāte haiṁḥ —

jab isake krodh kaṣāy utpanna hotī hai tab dūsarekā burā karanekī icchā hotī hai

aur usake artha anek upāy vicāratā hai, marmacchedī gālī pradānādirūp vacan bolatā hai.

< Previous Page Next Page >