Moksha-Marg Prakashak-Hindi (iso15919 transliteration). Page: 43.

tīsarā adhikār ][ 53

apane aṁgoṁse tathā śastra-pāṣāṇādikase ghāt karatā hai. anek kaṣṭa sahanakar tathā dhanādi
kharca karake va maraṇādi dvārā apanā bhī burā karake anyakā burā karanekā udyam karatā hai
athavā auroṁse burā honā jāne to auroṁse burā karātā hai. svayaṁ hī usakā burā hotā
ho to anumodan karatā hai. usakā burā honese apanā kuch bhī prayojan siddha na ho tathāpi
usakā burā karatā hai. tathā krodh hone par koī pūjya yā iṣṭajan bhī bīcameṁ āyeṁ to
unheṁ bhī burā kahatā hai, mārane lag jātā hai, kuch vicār nahīṁ rahatā. tathā anyakā burā
na ho to apane aṁtaraṁgameṁ āp hī bahut saṁtāpavān hotā hai aur apane hī aṁgoṁkā ghāt
karatā hai tathā viṣādise mar jātā hai. — aisī avasthā krodh honese hotī hai.

tathā jab isake mān kaṣāy utpanna hotī hai tab auroṁko nīcā va apaneko ūn̐cā

dikhānekī icchā hotī hai aur usake artha anek upāy socatā hai. anyakī niṁdā karatā
hai, apanī praśaṁsā karatā hai va anek prakārase auroṁkī mahimā miṭātā hai, apanī mahimā karatā
hai. mahākaṣṭase jo dhanādikakā saṁgrah kiyā use vivāhādi kāryoṁmeṁ kharca karatā hai tathā karja
lekar bhī kharcatā hai. maraneke bād hamārā yaś rahegā aisā vicārakar apanā maraṇ karake
bhī apanī mahimā barḥātā hai. yadi koī apanā sanmānādik na kare to use bhayādik dikhākar
duḥkh utpanna karake apanā sanmān karātā hai. tathā mān hone par koī pūjya – baṛe hoṁ unakā

bhī sanmān nahīṁ karatā, kuch vicār nahīṁ rahatā. yadi anya nīcā aur svayaṁ ūn̐cā dikhāī
na de, to apane aṁtaraṁgameṁ āp bahut saṁtāpavān hotā hai aur apane aṁgoṁkā ghāt karatā
hai tathā viṣ ādise mar jātā hai. — aisī avasthā mān hone par hotī hai.

tathā jab isake māyā kaṣāy utpanna hotī hai tab chal dvārā kārya siddha karanekī

icchā hotī hai. usake artha anek upāy socatā hai, nānāprakār kapaṭake vacan kahatā hai,
śarīrakī kapaṭarūp avasthā karatā hai, bāhya vastuoṁko anyathā batalātā hai, tathā jinameṁ apanā
maraṇ jāne aise bhī chal karatā hai. kapaṭ pragaṭ hone par svayaṁkā bahut burā ho, maraṇādik
ho unako bhī nahīṁ ginatā. tathā māyā hone par kisī pūjya va iṣṭakā bhī sambandha bane
to unase bhī chal karatā hai, kuch vicār nahīṁ rahatā. yadi chal dvārā kāryasiddhi na ho
to svayaṁ bahut saṁtāpavān hotā hai, apane aṁgoṁkā ghāt karatā hai tathā viṣ ādise mar
jātā hai. — aisī avasthā māyā hone par hotī hai.

tathā jab isake lobh kaṣāy utpanna ho tab iṣṭa padārthake lābhakī icchā honese usake

artha anek upāy socatā hai. usake sādhanarūp vacan bolatā hai, śarīrakī anek ceṣṭā karatā

< Previous Page Next Page >