Moksha-Marg Prakashak-Hindi (iso15919 transliteration). Page: 44.

54 ] [ mokṣamārgaprakāśak

hai, bahut kaṣṭa sahatā hai, sevā karatā hai, videśagaman karatā hai. jisameṁ maraṇ honā jāne
vah kārya bhī karatā hai. jinameṁ bahut duḥkh utpanna ho aise prārambha karatā hai. tathā lobh
hone par pūjya va iṣṭakā bhī kārya ho vahān̐ bhī apanā prayojan sādhatā hai, kuch vicār nahīṁ
rahatā. tathā jis iṣṭa vastukī prāpta huī hai usakī anek prakārase rakṣā karatā hai. yadi
iṣṭa vastukī prāpti na ho yā iṣṭakā viyog ho to svayaṁ saṁtāpavān hotā hai, apane aṁgoṁkā
ghāt karatā hai tathā viṣ ādise mar jātā hai. — aisī avasthā lobh hone par hotī hai.

is prakār kaṣāyoṁse pīṛit huā in avasthāoṁmeṁ pravartatā hai.
tathā in kaṣāyoṁke sāth nokaṣāy hotī haiṁ. vahān̐ jab hāsya kaṣāy hotī hai tab

svayaṁ vikasit praphu llit hotā hai; vah aisā jānanā jaise sannipātake rogīkā han̐sanā; nānā
rogoṁse svayaṁ pīṛit hai to bhī koī kalpanā karake han̐sane lag jātā hai. isī prakār yah
jīv anek pīṛā sahit hai; tathāpi koī jhūṭhī kalpanā karake apaneko suhātā kārya mānakar
harṣa mānatā hai, paramārthataḥ duḥkhī hotā hai. sukhī to kaṣāy-rog miṭane par hogā.

tathā jab rati utpanna hotī hai tab iṣṭa vastumeṁ ati āsakta hotā hai. jaise billī

cūheko pakaṛakar āsakta hotī hai, koī māre to bhī nahīṁ choṛatī; so yahān̐ kaṭhinatāse prāpta
honeke kāraṇ tathā viyog honeke abhiprāyase āsaktatā hotī hai, isaliye duḥkh hī hai.

tathā jab arati utpanna hotī hai tab aniṣṭa vastukā saṁyog pākar mahā vyākul hotā

hai. aniṣṭakā saṁyog huā vah svayaṁko suhātā nahīṁ hai, vah pīṛā sahī nahīṁ jātī, isaliye
usakā viyog karaneko taṛapatā hai; vah duḥkh hī hai.

tathā jab śok utpanna hotā hai tab iṣṭakā viyog aur aniṣṭakā saṁyog honese ati

vyākul hokar saṁtāp paidā karatā hai, rotā hai, pukār karatā hai, asāvadhān ho jātā hai,
apane aṁgakā ghāt karake mar jātā hai; kuch siddhi nahīṁ hai tathāpi svayaṁ hī mahā duḥkhī
hotā hai.

tathā jab bhay utpanna hotā hai tab kisīko iṣṭa-viyog va aniṣṭa-saṁyogakā kāraṇ

jānakar ḍaratā hai, ativihval hotā hai, bhāgatā hai, chipatā hai, śithil ho jātā hai, kaṣṭa
honeke sthān par pahun̐c jātā hai va mar jātā hai; so yah duḥkharūp hī hai.

tathā jab jugupsā utpanna hotī hai tab aniṣṭa vastuse ghr̥ṇā karatā hai. usakā to

saṁyog huā aur yah ghr̥ṇā karake bhāganā cāhatā hai yā use dūr karanā cāhatā hai aur
khedakhinna hokar mahā duḥkh pātā hai.

< Previous Page Next Page >