Moksha-Marg Prakashak-Hindi (iso15919 transliteration). Page: 45.

tīsarā adhikār ][ 55

tathā tīnoṁ vedoṁse jab kām utpanna hotā hai tab puruṣavedase strīke sāth ramaṇ karanekī,

strīvedase puruṣake sāth ramaṇ karanekī aur napuṁsakavedase donoṁke sāth ramaṇ karanekī icchā
hotī hai. usase ati vyākul hotā hai, ātāp utpanna hotā hai, nirlajja hotā hai, dhan kharca
karatā hai, apayaśako nahīṁ ginatā, paramparā duḥkh ho va daṇḍa ādi ho use nahīṁ ginatā.
kāmapīṛāse pāgal ho jātā hai, mar jātā hai. rasagranthoṁmeṁ kāmakī das daśāen̐ kahī haiṁ.
vahān̐ pāgal honā, maraṇ honā likhā hai. vaidyakaśāstroṁmeṁ jvarake bhedoṁmeṁ kāmajvarako maraṇakā
kāraṇ likhā hai. pratyakṣa hī kāmase maraṇ tak hote dekhe jāte haiṁ. kāmāṁdhako kuch vicār
nahīṁ rahatā. pitā putrī tathā manuṣya tiryaṁcinī ityādise ramaṇ karane lag jāte haiṁ. aisī
kāmakī pīṛā hai so mahāduḥkharūp hai.

is prakār kaṣāyoṁ aur nokaṣāyoṁse avasthāen̐ hotī haiṁ.
yahān̐ aisā vicār ātā hai ki yadi in avasthāoṁmeṁ na pravarte to krodhādik pīṛā

utpanna karate haiṁ aur in avasthāoṁmeṁ pravarte to maraṇaparyanta kaṣṭa hote haiṁ. vahān̐ maraṇaparyanta
kaṣṭa to svīkār karate haiṁ, parantu krodhādikakī pīṛā sahanā svīkār nahīṁ karate. isase yah
niścit huā ki maraṇādikase bhī kaṣāyoṁkī pīṛā adhik hai.

tathā jab isake kaṣāyakā uday ho tab kaṣāy kiye binā rahā nahīṁ jātā.

bāhyakaṣāyoṁke kāraṇ mileṁ to unake āśray kaṣāy karatā hai, yadi na mileṁ to svayaṁ kāraṇ
banātā hai. jaise — vyāpārādi kaṣāyoṁkā kāraṇ na ho to juā khelanā va krodhādikake kāraṇ

anya anek khel khelanā, duṣṭa kathā kahanā-sunanā ityādi kāraṇ banātā hai. tathā kām-
krodhādi pīṛā kareṁ aur śarīrameṁ unarūp kārya karanekī śakti na ho to auṣadhi banātā hai
aur anya anek upāy karatā hai. tathā koī kāraṇ bane hī nahīṁ to apane upayogameṁ
kaṣāyoṁke kāraṇabhūt padārthoṁkā ciṁtavan karake svayaṁ hī kaṣāyoṁrūp pariṇamit hotā hai.

is prakār yah jīv kaṣāyabhāvoṁse pīṛit huā mahān duḥkhī hotā hai.
tathā jis prayojanake liye kaṣāyabhāv huā hai us prayojanakī siddhi ho to merā

yah duḥkh dūr ho aur mujhe sukh ho — aisā vicārakar us prayojan siddhi honeke artha anek

upāy karanā use duḥkhake dūr honekā upāy mānatā hai.

ab yahān̐ kaṣāyabhāvoṁse jo duḥkh hotā hai vah to saccā hī hai, pratyakṣa svayaṁ hī

duḥkhī hotā hai; parantu yah jo upāy karatā hai ve jhūṭhe haiṁ. kyoṁ? so kahate haiṁḥ —

krodhameṁ to anyakā burā karanā, mānameṁ auroṁko nīcā dikhākar svayaṁ ūn̐cā honā, māyāmeṁ

< Previous Page Next Page >