Moksha-Marg Prakashak-Hindi (iso15919 transliteration). Page: 46.

56 ] [ mokṣamārgaprakāśak

chalase kāryasiddhi karanā, lobhameṁ iṣṭakī prāpti karanā, hāsyameṁ vikasit honekā kāraṇ banā
rahanā, ratimeṁ iṣṭa saṁyogakā banā rahanā, aratimeṁ aniṣṭakā dūr honā, śokameṁ śokakā kāraṇ
miṭanā, bhayameṁ bhayakā kāraṇ miṭanā, jugupsāmeṁ jugupsākā kāraṇ dūr honā, puruṣavedameṁ strīse
ramaṇ karanā, strīvedameṁ puruṣase ramaṇ karanā, napuṁsakavedameṁ donoṁke sāth ramaṇ karanā — aise

prayojan pāye jāte haiṁ.

yadi inakī siddhi ho to kaṣāyakā upaśaman honese duḥkh dūr ho jāye, sukhī ho;

parantu unakī siddhi isake kiye upāyoṁke ādhīn nahīṁ hai, bhavitavyake ādhīn hai; kyoṁki
anek upāy karate haiṁ, parantu siddhi nahīṁ hotī. tathā upāy honā bhī apane ādhīn nahīṁ
hai, bhavitavyake ādhīn hai; kyoṁki anek upāy karanekā vicār karatā hai aur ek bhī
upāy nahīṁ hotā dekhate haiṁ.

tathā kākatālīy nyāyase bhavitavya aisā hī ho jaisā apanā prayojan ho, vaisā hī

upāy ho, aur usase kāryakī siddhi bhī ho jāye — to us kārya sambandhī kisī kaṣāyakā

upaśam ho; parantu vahān̐ rukāv nahīṁ hotā. jab tak kārya siddha nahīṁ huā thā tab tak
to us kārya sambandhī kaṣāy thī; aur jis samay kārya siddha huā usī samay anya kārya
sambandhī kaṣāy ho jātī haiṁ, ek samayamātra bhī nirākul nahīṁ rahatā. jaise koī krodhase
kisīkā burā socatā thā aur usakā burā ho cukā, tab anya par krodh karake usakā
burā cāhane lagā. athavā thoṛī śakti thī tab choṭoṁkā burā cāhatā thā, bahut śakti huī
tab baṛoṁkā burā cāhane lagā. usī prakār mān-māyā-lobhādik dvārā jo kārya socatā thā
vah siddha ho cukā tab anyameṁ mānādik utpanna karake usakī siddhi karanā cāhatā hai. thoṛī
śakti thī tab choṭe kāryakī siddhi karanā cāhatā thā, bahut śakti huī tab baṛe kāryakī
siddhi karanekī abhilāṣā huī. kaṣāyoṁmeṁ kāryakā pramāṇ ho to us kāryakī siddhi hone
par sukhī ho jāye; parantu pramāṇ hai nahīṁ, icchā barḥatī hī jātī hai.

yahī ātmānuśāsanameṁ kahā haiḥ —

āśāgartaḥ pratiprāṇī yasmin viśvamaṇūpamam.

kasya kiṁ kiyadāyāti vr̥thā vo viṣayaiṣitā..36..

arthaḥ — āśārūpī gaḍḍhā pratyek prāṇīmeṁ pāyā jātā hai. anantānanta jīv haiṁ un sabake

āśā pāyī jātī hai. tathā vah āśārūpī kūp kaisā hai ki us ek gaḍḍhemeṁ samasta lok
aṇu samān hai aur lok to ek hī hai to ab yahān̐ kaho kisako kitanā hissemeṁ āye?
isaliye tumheṁ jo yah viṣayoṁkī icchā hai so vr̥thā hī hai.

< Previous Page Next Page >