Moksha-Marg Prakashak-Hindi (iso15919 transliteration). Page: 47.

tīsarā adhikār ][ 57

icchā pūrṇa to hotī nahīṁ hai, isaliye koī kārya siddha hone par bhī duḥkh dūr nahīṁ

hotā. athavā koī kaṣāy miṭe to usīsamay anya kaṣāy ho jātī hai. jaise — kisīko

māranevāle bahut hoṁ to koī ek jab nahīṁ māratā tab anya mārane lag jātā hai. usī
prakār jīvako duḥkh denevāle anek kaṣāy haiṁ; va jab krodh nahīṁ hotā tab mānādik ho
jāte haiṁ, jab mān na ho tab krodhādik ho jāte haiṁ. is prakār kaṣāyakā sadbhāv banā
hī rahatā hai, koī ek samay bhī kaṣāy rahit nahīṁ hotā. isaliye kisī kaṣāyakā koī
kārya siddha hone par bhī duḥkh kaise dūr ho? aur isakā abhiprāy to sarva kaṣāyoṁkā sarva
prayojan siddha karanekā hai, vah ho to yah sukhī ho; parantu vah kadāpi nahīṁ ho sakatā,
isaliye abhiprāyameṁ sarvadā duḥkhī hī rahatā hai. isaliye kaṣāyoṁke prayojanako sādhakar duḥkh
dūr karake sukhī honā cāhatā hai; so yah upāy jhūṭhā hī hai.

tab saccā upāy kyā hai? samyagdarśan — jñānase yathāvat śraddhān aur jānanā ho tab

iṣṭa-aniṣṭa buddhi miṭe, tathā unhīṁke balase cāritramohakā anubhāg hīn ho. aisā hone par
kaṣāyoṁkā abhāv ho, tab unakī pīṛā dūr ho aur tab prayojan bhī kuch nahīṁ rahe, nirākul
honese mahā sukhī ho. isaliye samyagdarśanādik hī yah duḥkh meṭanekā saccā upāy hai.

antarāyakarmake udayase honevāle duḥkh aur usase nivr̥tti

tathā jīvake moh dvārā dān, lābh, bhog, upabhog, vīryaśaktikā utsāh utpanna hotā

hai; parantu antarāyake udayase ho nahīṁ sakatā, tab param ākulatā hotī hai. so yah duḥkharūp
hai hī.

isakā upāy yah karatā hai ki jo vighnake bāhya kāraṇ sūjhate haiṁ unheṁ dūr karanekā

udyam karatā hai, parantu vah upāy jhūṭhā hai. upāy karane par bhī antarāyakā uday honese
vighna hotā dekhā jātā hai. antarāyakā kṣayopaśam hone par binā upāy bhī vighna nahīṁ hotā.
isaliye vighnoṁkā mūl kāraṇ antarāy hai.

tathā jaise kutteko puruṣ dvārā mārī huī lāṭhī lagī, vahān̐ vah kuttā lāṭhīse vr̥thā

hī dveṣ karatā hai; usī prakār jīvako antarāyase nimittabhūt kiye gaye bāhya cetan-acetan
dravyoṁ dvārā vighna hue, yah jīv un bāhya dravyoṁse vr̥thā dveṣ karatā hai. anya dravya ise
vighna karanā cāheṁ aur isake na ho; tathā anya dravya vighna karanā na cāheṁ aur isake ho
jāye. isaliye jānā jātā hai ki anya dravyakā kuch vaś nahīṁ hai. jinakā vaś nahīṁ
hai unase kisaliye laṛe? isaliye yah upāy jhūṭhā hai.

< Previous Page Next Page >