Moksha-Marg Prakashak-Hindi (iso15919 transliteration). Page: 59.

tīsarā adhikār ][ 69

gauṇatā hai. kisīkā burā karanā tathā kisīko hīn karanā ityādi kārya nikr̥ṣṭa
devoṁke to kautūhalādise hote haiṁ, parantu utkr̥ṣṭa devoṁke thoṛe hote haiṁ, mukhyatā nahīṁ hai; tathā
māyā – lobh kaṣāyoṁke kāraṇ pāye jāte haiṁ isaliye unake kāryakī mukhyatā hai; isaliye chal

karanā, viṣay-sāmagrīkī cāh karanā ityādi kārya viśeṣ hote haiṁ. ve bhī ūn̐ce-ūn̐ce devoṁke
kam haiṁ.

tathā hāsya, rati kaṣāyake kāraṇ bahut pāye jāte haiṁ, isalie inake kāryoṁkī mukhyatā

hai. tathā arati, śok, bhay, jugupsā inake kāraṇ thoṛe haiṁ, isaliye inake kāryoṁkī gauṇatā
hai. tathā strīved, puruṣavedakā uday hai aur ramaṇ karanekā bhī nimitta hai so kām-sevan
karate haiṁ. ye bhī kaṣāy ūpar-ūpar manda haiṁ. ahamindroṁke vedoṁkī mandatāke kāraṇ kām-
sevanakā abhāv hai.

is prakār devoṁke kaṣāyabhāv hai aur kaṣāyase hī duḥkh hai.
tathā inake kaṣāyeṁ jitanī thoṛī haiṁ utanā duḥkh bhī thoṛā hai, isaliye auroṁkī apekṣā

inheṁ sukhī kahate haiṁ. paramārthase kaṣāyabhāv jīvit hai usase duḥkhī hī haiṁ.

tathā vedanīyameṁ sātākā uday bahut hai. vahān̐ bhavanatrikako thoṛā hai, vaimānikoṁke ūpar-

ūpar viśeṣ hai. iṣṭa śarīrakī avasthā, strī, mahal ādi sāmagrīkā saṁyog pāyā jātā hai.
tathā kadācit kiṁcit asātākā bhī uday kisī kāraṇase hotā hai. vah nikr̥ṣṭa devoṁke kuch
pragaṭ bhī hai, parantu utkr̥ṣṭa devoṁke viśeṣ pragaṭ nahīṁ hai. tathā āyu baṛī hai. jaghanya āyu
das hajār varṣa aur utkr̥ṣṭa ikatīs sāgar hai. isase adhik āyukā dhārī mokṣamārga prāpta
kie binā nahīṁ hotā. so itane kāl tak viṣay-sukhameṁ magna rahate haiṁ. tathā nāmakarmakī
devagati ādi sarva puṇyaprakr̥tiyoṁkā hī uday hai, isaliye sukhakā kāraṇ hai. aur gotrameṁ
ucca gotrakā hī uday hai, isaliye mahanta padako prāpta haiṁ.

is prakār inako puṇya-udayakī viśeṣatāse iṣṭa sāmagrī milī hai aur kaṣāyoṁse icchā

pāyī jātī hai, isaliye usake bhoganemeṁ āsakta ho rahe haiṁ, parantu icchā adhik hī rahatī
hai, isaliye sukhī nahīṁ hote. ucca devoṁko utkr̥ṣṭa puṇya-uday hai, kaṣāy bahut maṁd hai; tathāpi
unake bhī icchākā abhāv nahīṁ hotā, isaliye paramārthase duḥkhī hī haiṁ.

is prakār saṁsārameṁ sarvatra duḥkh hī duḥkh pāyā jātā hai. — is prakār paryāy- apekṣāse

duḥkhakā varṇan kiyā.

< Previous Page Next Page >