-
70 ] [ mokṣamārgaprakāśak
(ga) duḥkhakā sāmānya svarūp
ab is sarva duḥkhakā sāmānyasvarūp kahate haiṁ. duḥkhakā lakṣaṇ ākulatā hai aur
ākulatā icchā hone par hotī hai.
cār prakārakī icchāen̐
is saṁsārī jīvake icchā anek prakār pāyī jātī haiṁḥ —
(1) ek icchā to viṣay-grahaṇakī hai, usase yah dekhanā-jānanā cāhatā hai. jaise —
varṇa dekhanekī, rāg sunanekī, avyaktako jānanekī, ityādi icchā hotī hai. vahān̐ anya koī
pīṛā nahīṁ hai, parantu jab tak dekhatā-jānatā nahīṁ hai tab tak mahā vyākul hotā hai. is
icchā kā nām viṣay hai.
tathā (2) ek icchā kaṣāyabhāvoṁke anusār kārya karanekī hai, jisase vah kārya karanā
cāhatā hai. jaise — burā karanekī, hīn karanekī ityādi icchā hotī hai. yahān̐ bhī anya koī
pīṛā nahīṁ hai, parantu jab tak kārya na ho tab tak mahā vyākul hotā hai. is icchākā
nām kaṣāy hai.
tathā (3) ek icchā pāpake udayase jo śarīrameṁ yā bāhya aniṣṭa kāraṇ milate haiṁ
unako dūr karanekī hotī hai. jaise — rog, pīṛā, kṣudhā ādikā saṁyog hone par unheṁ dūr
karanekī icchā hotī hai so yahān̐ yahī pīṛā mānatā hai, jab tak vah dūr na ho tab tak
mahā vyākul rahatā hai. is icchākā nām pāpakā uday hai.
is prakār in tīn prakārakī icchā hone par sabhī duḥkh mānate haiṁ so duḥkh hī hai.
tathā (4) ek icchā bāhya nimittase banatī hai; so in tīn prakārakī icchāoṁke
anusār pravartanekī icchā hotī hai. in tīn prakārakī icchāoṁmeṁ ek-ek prakārakī icchāke
anek prakār haiṁ. vahān̐ kitane hī prakārakī icchā pūrṇa honeke kāraṇ puṇyodayase milate haiṁ,
parantu unakā sādhan ekasāth nahīṁ ho sakatā; isaliye ekako choṛakar anyameṁ lagatā hai,
phi ra bhī use choṛakar anyameṁ lagatā hai. jaise — kisīko anek prakārakī sāmagrī milī hai.
vahān̐ vah kisīko dekhatā hai, use choṛakar rāg sunatā hai, phi ra use choṛakar kisīkā burā
karane lag jātā hai, use choṛakar bhojan karatā hai; athavā dekhanemeṁ hī ekako dekhakar anyako
dekhatā hai. — isī prakār anek kāryoṁkī pravr̥ttimeṁ icchā hotī hai. so is icchākā nām
puṇyakā uday hai.