Moksha-Marg Prakashak-Hindi (iso15919 transliteration). Page: 61.

tīsarā adhikār ][ 71

ise jagat sukh mānatā hai, parantu yah sukh hai nahīṁ, duḥkh hī hai. kyoṁki — pratham

to sarva prakārakī icchā pūrṇa honeke kāraṇ kisīke bhī nahīṁ banate aur kisī prakār icchā
pūrṇa karaneke kāraṇ baneṁ to yugapat unakā sādhan nahīṁ hotā. so ekakā sādhan jab tak
na ho tab tak usakī ākulatā rahatī hai; aur usakā sādhan hone par us hī samay anyake
sādhanakī icchā hotī hai tab usakī ākulatā hotī hai. ek samay bhī nirākul nahīṁ rahatā,
isaliye duḥkh hī hai. athavā tīn prakārakī icchārūpī rogako miṭānekā kiṁcit upāy karatā
hai, isaliye kiṁcit duḥkh kam hotā hai, sarva duḥkhakā to nāś nahīṁ hotā, isaliye duḥkh
hī hai. — is prakār saṁsārī jīvoṁko sarva prakārase duḥkh hī hai.

tathā yahān̐ itanā jānanā ki — tīn prakārakī icchāse sarva jagat pīṛit hai aur cauthī

icchā to puṇyakā uday āne par hotī hai, tathā puṇyakā baṁdh dharmānurāgase hotā hai; parantu
dharmānurāgameṁ jīv kam lagatā hai, jīv to bahut pāp-kriyāoṁmeṁ hī pravartatā hai. isaliye
cauthī icchā kisī jīvake kisī kālameṁ hī hotī hai.

yahān̐ itanā jānanā ki — samān icchāvān jīvoṁkī apekṣā to cauthī icchāvāleke kiṁcit

tīn prakārakī icchāke ghaṭanese sukh kahate haiṁ. tathā cauthī icchāvālekī apekṣā mahān icchāvālā
cauthī icchā hone par bhī duḥkhī hotā hai. kisīke bahut vibhūti hai aur usake icchā bahut
hai to bahut ākulatāvān hai aur jisake thoṛī vibhūti hai tathā usake icchā bhī thoṛī hai to
vah thoṛā ākulatāvān hai. athavā kisīko aniṣṭa sāmagrī milī hai aur use usako dūr
karanekī icchā thoṛī hai to vah thoṛā ākulatāvān hai. tathā kisīko iṣṭa sāmagrī milī hai,
parantu use usako bhoganekī tathā anya sāmagrīkī icchā bahut hai to vah jīv bahut ākulatāvān
hai. isaliye sukhī-duḥkhī honā icchāke anusār jānanā, bāhya kāraṇake ādhīn nahīṁ hai.

nārakī duḥkhī aur dev sukhī kahe jāte haiṁ vah bhī icchākī hī apekṣā kahate haiṁ,

kyoṁki nārakiyoṁko tīvra kaṣāyase icchā bahut hai aur devoṁke mandakaṣāyase icchā thoṛī hai.
tathā manuṣya, tiryaṁcoṁko bhī sukhī-duḥkhī, icchā hī kī apekṣā jānanā. tīvra kaṣāyase jisake
icchā bahut hai use duḥkhī kahate haiṁ, manda kaṣāyase jisake icchā thoṛī hai use sukhī kahate
haiṁ. paramārthase duḥkh hī bahut yā thoṛā hai, sukh nahīṁ hai. devādikoṁko bhī sukhī mānate
haiṁ vah bhram hī hai. unake cauthī icchākī mukhyatā hai, isaliye ākulit haiṁ.

is prakār jo icchā hotī hai vah mithyātva, ajñān, asaṁyamase hotī hai. tathā icchā

hai so ākulatāmay hai aur ākulatā hai vah duḥkh hai. is prakār sarva saṁsārī jīv nānā
duḥkhoṁse pīṛit hī ho rahe haiṁ.

< Previous Page Next Page >