Moksha-Marg Prakashak-Hindi (iso15919 transliteration).

athavā niścay-vyavahāranayoṁkī dr̥ṣṭiko nahīṁ samajhanese khaṛī hotī viparīt kalpanāyeṁ nirmūl ho
jātī haiṁ. is mahatvapūrṇa prakaraṇameṁ paṁḍitajīne jainoṁke abhyaṁtar mithyātvake nirasanakā bahut
hī rocak aur siddhāntik vivecan kiyā hai tathā ubhay nayoṁkī sāpekṣa dr̥ṣṭi spaṣṭa karate
hue dev-śāstra-guru saṁbaṁdhī bhaktikī anyathā pravr̥ttikā nirākaraṇ kiyā hai. antameṁ samyaktva
sanmukh mithyādr̥ṣṭikā svarūp tathā kṣayopaśam, viśuddha, deśanā, prāyogya aur karaṇ — yah pān̐c

labdhiyoṁkā nirdeś karate hue yah adhikār pūrṇa kiyā hai.

āṭhaveṁ adhikārameṁ prathamānuyog, karaṇānuyog, caraṇānuyog aur dravyānuyog — in cār

anuyogoṁkā prayojan, svarūp, vivecan śailī darśāte hue unake saṁbaṁdhameṁ honevālī doṣ
kalpanāoṁkā nirākaraṇ karate hue, anuyogoṁkī sāpekṣa kathanaśailīkā samullekh kiyā hai; sāthameṁ
hī āgamābhyāsakī preraṇā bhī dī hai.

navaveṁ adhikārameṁ mokṣamārgakā svarūp-nirūpaṇakā āraṁbh karate hue mokṣake kāraṇabhūt

samyagdarśan, samyagjñān aur samyakcāritra — in tīnoṁmeṁse mokṣamārgake mūlakāraṇabhūt samyagdarśanakā

bhī pūrā vivecan nahīṁ likhā jā sakā hai. khed hai ki akālik mr̥tyu ho jānese graṁthakartā
is adhikār va is graṁthako pūrā nahīṁ kar sakeṁ; yah apanā durbhāgya hai. kintu is adhikārameṁ
jo kuch kathan kiyā hai vah bahut hī saral aur sugam hai. use hr̥dayagaṁm karanese samyagdarśanake
vibhinna lakṣaṇoṁkā samanvay sahaj hī ho jātā hai aur unake svarūpakā bhī sāmānya paricay
prāpta hotā hai.

is tarah is graṁthameṁ carcit sabhī viṣay athavā pramey graṁthakartāke viśāl adhyayan,

anupam pratibhā aur siddhāntik anubhavakā saphal pariṇām hai aur vah graṁthakartākī jo
āṁtarik bhadratākī mahattākā dyotak hai.

is graṁthakī khās viśeṣatā yah hai ki usameṁ gaṁbhīr va durūh carcāko ati saral

śabdoṁmeṁ anek draṣṭānta aur yuktiyoṁ dvārā samajhānekā prayatna kiyā gayā hai. svayaṁne hī praśna
uṭhākar usakā mārmik uttar diyā hai ki, jisase adhyayanakartāko bādameṁ koī saṁdehakā avakāś
na rahe. is graṁthameṁ jo kuch vastuvivecan hai vah anek viṣayoṁ par prakāś ḍālanevālā susaṁbaddha,
āścaryakārak aur jainadarśanake mārmik rahasyoṁko samajhāneke liye ek advitīy cābīke samān
hai, arthāt isameṁ nirgrantha pravacanake gahan mārmik rahasyoṁko graṁthakārane jagah-jagah pragaṭ kiyā
hai.

anyamatanirākaraṇake viṣayameṁ likhanekā hetu koī paramatake prati dveṣ pariṇati karānekā

[ 7 ]

< Previous Page Next Page >