Moksha-Marg Prakashak-Hindi (iso15919 transliteration). Page: 63.

tīsarā adhikār ][ 73

man dvārā smaraṇādi hone par aspaṣṭa jānanā kuch hotā hai. yahān̐ to jis prakār tvacā,
jihvā ityādise sparśa, rasādikakā — sparśa karane par, svād lene par sūn̐ghane – dekhane – sunane par

jaisā spaṣṭa jānanā hotā hai usase bhī anantaguṇā spaṣṭa jānanā unake hotā hai.

viśeṣ itanā huā hai ki — vahān̐ indriyaviṣayakā saṁyog hone par hī jānanā hotā

thā, yahān̐ dūr rahakar bhī vaisā hī jānanā hotā hai — yah śaktikī mahimā hai. tathā man

dvārā kuch atīt, anāgatako tathā avyaktako jānanā cāhatā thā; ab sarva hī anādise
anantakāl paryanta sarva padārthoṁke dravya, kṣetra, kāl, bhāvoṁko yugapat jānatā hai, koī binā
jāne nahīṁ rahā jisako jānanekī icchā utpanna ho. is prakār yah duḥkh aur duḥkhoṁke kāraṇ
unakā abhāv jānanā.

tathā mohake udayase mithyātva aur kaṣāyabhāv hote the unakā sarvathā abhāv huā

isaliye duḥkhakā abhāv huā; tathā inake kāraṇoṁkā abhāv huā, isalie duḥkhake kāraṇoṁkā
bhī abhāv huā hai. un kāraṇoṁkā abhāv yahān̐ dikhāte haiṁḥ —

sarva tattva yathārtha pratibhāsit hone par atattvaśraddhānarūp mithyātva kaise ho? koī aniṣṭa

nahīṁ rahā, niṁdak svayamev aniṣṭako prāpta hotā hī hai; svayaṁ krodh kis par kareṁ? siddhoṁse
ūn̐cā koī hai nahīṁ, indrādik svayamev naman karate haiṁ aur iṣṭako pāte haiṁ; kisase mān kareṁ?
sarva bhavitavya bhāsit ho gayā, kārya rahā nahīṁ, kisīse prayojan rahā nahīṁ hai; kisakā lobh
kareṁ? koī anya iṣṭa rahā nahīṁ; kis kāraṇase hāsya ho? koī anya iṣṭa prīti karane yogya
hai nahīṁ; phi ra kahān̐ rati kareṁ? koī duḥkhadāyak saṁyog rahā nahīṁ hai; kahān̐ arati kareṁ? koī
iṣṭa-aniṣṭa saṁyog-viyog hotā nahīṁ hai; kisakā śok kareṁ? koī aniṣṭa karanevālā kāraṇ
rahā nahīṁ hai; kisakā bhay kareṁ? sarva vastuen̐ apane svabhāv sahit bhāsit hotī haiṁ, apaneko
aniṣṭa nahīṁ haiṁ, kahān̐ jugupsā kareṁ? kāmapīṛā dūr honese strī-puruṣ doneṁse ramaṇ karanekā kuch
prayojan nahīṁ rahā; kisaliye puruṣ, strī yā napuṁsakavedarūp bhāv ho? — is prakār moh utpanna

honeke kāraṇoṁkā abhāv jānanā.

tathā antarāyake udayase śakti hīnapaneke kāraṇ pūrṇa nahīṁ hotī thī, ab usakā abhāv

huā, isaliye duḥkhakā abhāv huā. tathā anantaśakti pragaṭ huī, isaliye duḥkhake kāraṇakā
bhī abhāv huā.

yahān̐ koī kahe ki — dān, lābh, bhog, upabhog to karate nahīṁ haiṁ; inakī śakti

kaise pragaṭ huī?

< Previous Page Next Page >