Moksha-Marg Prakashak-Hindi (iso15919 transliteration). Page: 68.

78 ] [ mokṣamārgaprakāśak

prayojanabhūt-aprayojanabhūt padārtha

yahān̐ koī pūche ki — prayojanabhūt aur aprayojanabhūt padārtha kaun haiṁ?

samādhānaḥ — is jīvako prayojan to ek yahī hai ki duḥkh na ho aur sukh ho.

kisī jīvake anya kuch bhī prayojan nahīṁ hai. tathā duḥkhakā na honā, sukhakā honā ek
hī hai; kyoṁki duḥkhakā abhāv vahī sukh hai aur is prayojanakī siddhi jīvādikakā satya
śraddhān karanese hotī hai. kaise?

so kahate haiṁḥ — pratham to duḥkh dūr karanemeṁ āpāparakā jñān avaśya honā cāhiye.

yadi āpāparakā jñān nahīṁ ho to apaneko pahicāne binā apanā duḥkh kaise dūr kare? athavā
āpāparako ek jānakar apanā duḥkh dūr karaneke artha parakā upacār kare to apanā duḥkh
dūr kaise ho? athavā apanese par bhinna haiṁ, parantu yah parameṁ ahaṁkār-mamakār kare to usase duḥkh
hī hotā hai. āpāparakā jñān hone par hī duḥkh dūr hotā hai. tathā āpāparakā jñān jīv-
ajīvakā jñān hone par hī hotā hai; kyoṁki āp svayaṁ jīv hai, śarīrādik ajīv haiṁ.

yadi lakṣaṇādi dvārā jīv-ajīvakī pahicān ho to apanī aur parakī bhinnatā bhāsit

ho; isaliye jīv-ajīvako jānanā. athavā jīv-ajīvakā jñān hone par, jin padārthoṁke
anyathā śraddhānase duḥkh hotā thā unakā yathārtha jñān honese duḥkh dūr hotā hai; isaliye jīv-
ajīvako jānanā.

tathā duḥkhakā kāraṇ to karma-bandhan hai aur usakā kāraṇ mithyātvādik āsrav haiṁ.

yadi inako na pahicāne, inako duḥkhakā mūl kāraṇ na jāne to inakā abhāv kaise kare?
aur inakā abhāv nahīṁ kare to karma bandhan kaise nahīṁ ho? isaliye duḥkh hī hotā hai.
athavā mithyātvādik bhāv haiṁ so duḥkhamay haiṁ. yadi unheṁ jyoṁkā tyoṁ nahīṁ jāne to unakā
abhāv nahīṁ kare, tab duḥkhī hī rahe; isaliye āsravako jānanā.

tathā samasta duḥkhakā kāraṇ karma-bandhan hai. yadi use na jāne to usase mukta honekā

upāy nahīṁ kare, tab usake nimittase duḥkhī ho; isaliye bandhako jānanā.

tathā āsravakā abhāv karanā so saṁvar hai. usakā svarūp na jāne to usameṁ pravartan nahīṁ

kare, tab āsrav hī rahe, usase varttamān tathā āgāmī duḥkh hī hotā hai; isaliye saṁvarako jānanā.

tathā kathaṁcit kiṁcit karmabandhakā abhāv karanā usakā nām nirjarā hai. yadi use

na jāne to usakī pravr̥ttikā udyamī nahīṁ ho, tab sarvathā bandha hī rahe, jisase duḥkh hī
hotā hai; isaliye nirjarāko jānanā.

< Previous Page Next Page >