-
80 ] [ mokṣamārgaprakāśak
mithyādarśanakī pravr̥tti
ab, saṁsārī jīvoṁke mithyādarśanakī pravr̥tti kaise pāyī jātī hai so kahate haiṁ. yahān̐
varṇan to śraddhānakā karanā hai; parantu jānegā to śraddhān karegā, isaliye jānanekī mukhyatāse
varṇan karate haiṁ.
jīv-ajīvatattva sambandhī ayathārtha śraddhān
anādikālase jīv hai vah karmake nimittase anek paryāyeṁ dhāraṇ karatā hai. vahān̐ pūrva
paryāyako choṛatā hai, navīn paryāy dhāraṇ karatā hai. tathā vah paryāy ek to svayaṁ ātmā
aur ananta pudgalaparamāṇumay śarīr unase ekapiṇḍa bandhānarūp hai. tathā jīvako us
paryāyameṁ — ‘yah maiṁ hūn̐’ — aisī ahaṁbuddhi hotī hai. tathā svayaṁ jīv hai, usakā svabhāv to
jñānādik hai aur vibhāv krodhādik haiṁ aur pudgalaparamāṇuoṁke varṇa, gaṁdh, ras, sparśādi svabhāv
haiṁ — un sabako apanā svarūp mānatā hai.
‘ye mere haiṁ’ — is prakār unameṁ mamatvabuddhi hotī hai. tathā svayaṁ jīv hai, usake
jñānādikakī tathā krodhādikakī adhikatā-hīnatārūp avasthā hotī hai aur pudgalaparamāṇuoṁkī
varṇādi palaṭanerūp avasthā hotī hai un sabako apanī avasthā mānatā hai. ‘yah merī avasthā
hai’ — aisī mamatvabuddhi karatā hai.
tathā jīv aur śarīrake naimitta-naimittik sambandha hai, isaliye jo kriyā hotī hai use
apanī mānatā hai. apanā darśan-jñān svabhāv hai, usakī pravr̥ttiko nimittamātra śarīrake aṁgarūp
sparśanādi dravyaindriyān̐ haiṁ; yah unheṁ ek mānakar aisā mānatā hai ki — hāth ādise maiṁne sparśa
kiyā, jībhase svād liyā, nāsikāse sūn̐ghā, netrase dekhā, kānoṁse sunā. manovargaṇārūp āṭh
paṁkhuṛiyoṁke phū le kamalake ākārakā hr̥dayasthānameṁ dravyaman hai, vah dr̥ṣṭigamya nahīṁ aisā hai, so
śarīrakā aṁg hai; usake nimitta hone par smaraṇādirūp jñānakī pravr̥tti hotī hai. yah dravyamanako
aur jñānako ek mānakar aisā mānatā hai ki maiṁne manase jānā.
tathā apaneko bolanekī icchā hotī hai tab apane pradeśoṁko jis prakār bolanā bane
us prakār hilātā hai, tab ekakṣetrāvagāh sambandhake kāraṇ śarīrake aṁg bhī hilate haiṁ.
unake nimittase bhāṣāvargaṇārūp pudgal vacanarūp pariṇamit hote haiṁ; yah sabako ek mānakar
aisā mānatā hai ki maiṁ bolatā hū̃n.
tathā apaneko gamanādi kriyākī yā vastu grahaṇādikakī icchā hotī hai tab apane
pradeśoṁko jaise kārya bane vaise hilātā hai. vahān̐ ekakṣetrāvagāhake kāraṇ śarīrake aṁg hilate
haiṁ tab vah kārya banatā hai; athavā apanī icchāke binā śarīr hilatā hai tab apane pradeś