Moksha-Marg Prakashak-Hindi (simplified iso15919 transliteration). Page: 17.

dūsarā adhikār ][ 27

bandhān honekī shakti hotī hai, usakā nām yog hai. usake nimittase prati samay karmarūp
hone yogya ananta paramāṇuon kā grahaṇ hotā hai. vahān̐ alpayog ho to thoṛe paramāṇuoṅkā
grahaṇ hotā hai aur bahut yog ho to bahut paramāṇuoṅkā grahaṇ hotā hai. tathā ek samayamen
jo pudgalaparamāṇu grahaṇ kare unamen gnānāvaraṇādi mūlaprakr̥itiyoṅkā aur unakī uttaraprakr̥itiyoṅkā
jaise siddhāntamen kahā vaise baṭavārā hotā hai. us baṭavāreke anusār paramāṇu un prakr̥itiyonrūp
svayam hī pariṇamit hote haĩn.

visheṣh itanā ki yog do prakārakā hai — shubhayog, ashubhayoga. vahān̐ dharmake aṅgommen

man-vachan-kāyakī pravr̥utti hone par to shubhayog hotā hai aur adharmake aṅgommen unakī pravr̥utti
hone par ashubhayog hotā hai. vahān̐ shubhayog ho yā ashubhayog ho, samyaktva prāpta kiye
binā ghātiyākarmoṅkī to sarva prakr̥itiyoṅkā nirantar bandha hotā hī rahatā hai. kisī samay kisī
bhī prakr̥itikā bandha hue binā nahīn rahatā. itanā visheṣh hai ki mohanīyake hāsya-shok yugalamen,
rati-arati yugalamen, tīnon vedommen ek kālamen ek-ek hī prakr̥itikā bandha hotā hai.

tathā aghātiyākarmoṅkī prakr̥itiyommen shubhayog hone par sātāvedanīy ādi puṇyaprakr̥itiyoṅkā

bandha hotā hai, ashubhayog hone par asātāvedanīy ādi pāpaprakr̥itiyoṅkā bandha hotā hai, mishrayog
hone par kitanī hī puṇyaprakr̥itiyoṅkā tathā kitanī hī pāpaprakr̥itiyoṅkā bandha hotā hai.

is prakār yogake nimittase karmoṅkā āgaman hotā hai. isaliye yog hai vah āsrav

hai. tathā usake dvārā grahaṇ hue karmaparamāṇuoṅkā nām pradesh hai, unakā bandha huā aur
unamen mūl-uttar prakr̥itiyoṅkā vibhāg huā; isaliye yogon dvārā pradeshabandha tathā prakr̥itibandhakā
honā jānanā.

kaṣhāyase sthiti aur anubhāg bandha

tathā mohake udayase mithyātva krodhādik bhāv hote hain, un sabakā nām sāmānyataḥ

kaṣhāy hai. usase un karmaprakr̥itiyon kī sthiti ban̐dhatī hai. vahān̐ jitanī sthiti ban̐dhe usamen
ābādhākālako chhoṛakar pashchāt jab tak ban̐dhī sthiti pūrṇa ho tab tak prati samay us
prakr̥iti kā uday ātā hī rahatā hai. vahān̐ dev-manuṣhya-tiryañchāyuke binā anya sarva ghātiyā-
aghātiyā prakr̥itiyoṅkā, alpa kaṣhāy hone par thoṛā sthitibandha hotā hai, bahut kaṣhāy hone
par bahut sthitibandha hotā hai. in tīn āyukā alpa kaṣhāyase bahut aur bahut kaṣhāyase
alpa sthitibandha jānanā.

< Previous Page Next Page >